<p><span style="color: #000000;"><strong>(ភ្នំពេញ)៖</strong> បុរសម្នាក់ដែលជាម្ចាស់រថយន្ត TUNDRA ហើយត្រូវបានអ្នកដំណើរអះអាងថា មានអាការៈស្រវឹងនោះ បានបើករថយន្តស៊េរីទំនើបមួយគ្រឿង ម៉ាក TOYOTA TUNDRA ទៅបោះពួយទៅបុកបង្គោលភ្លើង និងឡើងលើសួនច្បារ បណ្តាលឲ្យរងការខូចខាតយ៉ាងដំណំ ដោយហេតុការណ៍នេះ បានកើតឡើងនាម៉ោង៣៖៣០នាទីទៀបភ្លឺ ថ្ងៃទី១២ ខែធ្នូនេះ ស្ថិតនៅតាមបណ្តោយ ផ្លូវមុនីរ៉េត ត្រង់មុខផ្សារស្ទឹងមានជ័យថ្មី សង្កាត់ស្ទឹងមានជ័យ ខណ្ឌមានជ័យ។</span></p>
<p><span style="color: #000000;">អ្នកដំណើរម្នាក់ដែលជិះម៉ូតូ ពីក្រោយរថយន្តនេះបានប្រាប់ថា មុនកើតហេតុរូបគាត់ បានឃើញរថយន្តបង្កម៉ាក TUNDRA ពណ៌ស ស្លាកលេខភ្នំពេញ 2AL-1754 បើកដោយបុរសម្នាក់ ទំនងជាស្រវឹងស្រាខ្លាំងហើយ ព្រោះបើករ៉េពេញផ្លូវតែម្តង។</span></p>
<p><span style="color: #000000;">អ្នកដំណើររូបនោះបានបន្តទៀតថា លុះបើកមកដល់ចំណុចកើតហេតុ ត្រង់មុខផ្សារស្ទឹងមានជ័យថ្មី ម្ចាស់រថយន្តបានប្រឹងបន្ថែមល្បឿន ឲ្យលឿនទៅទៀត តែមិនទាន់ជាន់បានលឿនប៉ុន្មានផង ស្រាប់តែឃើញរថយន្តហោះទៅឡើងលើសួនច្បារ ហើយក៏ជ្រុលទៅបុកបង្គោលភ្លើងបាក់១ដើម។</span></p>
<p><span style="color: #000000;">សាក្សីឃើញហេតុការណ៍នេះដដែលបន្ថែមទៀតថា បន្ទាប់ពីបើកហោះឡើងលើសួនច្បារ និងបុកបង្គោលភ្លើងរួចមកគេ បានឃើញម្ចាស់រថយន្តបង្កខាងលើ ព្យាយាមបើករថយន្តរត់ដែរ តែដោយសាររថយន្តខូចទើប មិនអាចបើករត់រួច ក៏បើកទ្វារចុះចេញពីរថយន្ត ហៅម៉ូតូឌុបជិះចេញពីកន្លែងកើតហេតុ ដោយបន្សល់ទុកនៅតែរថយន្ត នៅកន្លែងបុកតែប៉ុណ្ណោះ។</span></p>
<p><span style="color: #000000;">ក្រោយកើតហេតុរថយន្តត្រូវបាន នគរបាលចរាចរណ៍ខណ្ឌមានជ័យ ស្ទួចយកទៅរក្សាទុក និងរង់ចាំម្ចាស់រថយន្តបង្កចូលខ្លួន មកដោះស្រាយសងសំណង ដើម្បីបញ្ចប់រឿង៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F654887714683023%2F&show_text=0&width=560" frameborder="0" width="500" height="415"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-27-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-28-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-28-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-28-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-28-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-28-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-29-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-08-30-29-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>