<p><span style="color: #000000;"><strong>(វ៉ាស៊ីនតោន)៖</strong> បុរសម្នាក់ដែលបានចូលរួមចំណែកជួយឱ្យលោក ដូណាល់ ត្រាំ ឈ្នះឆ្នោតជាប្រធានាធិបតី អាមេរិកគឺអតីតអភិបាលរដ្ឋ Indiana និងជាអនុប្រធានាធិបតីរបស់លោក ដូណាល់ ត្រាំ ផ្ទាល់គឺលោក Mike Pence ហើយប្រហែលជាមនុស្សភាគច្រើននៅមិនទាន់ដឹងច្បាស់នៅឡើយទេ ថាបុរសរូបនេះ មានឥទ្ធិពលដល់កំរិតណា។ នេះបើតាមការចេញផ្សាយដោយសារព័ត៌មាន The New York Times នៅរសៀលថ្ងៃព្រហស្បតិ៍ ទី១០ ខែវិច្ឆិកា ឆ្នាំ២០១៦។</span></p>
<p><span style="color: #000000;">ក្នុងនាមជាអនាគតអនុប្រធានាធិបតី លោក Mike Pence មានអាយុ ៥៧ឆ្នាំបានជួយផ្ដល់យោបល់ និងការពារការរិះគន់ទំាងឡាយទំាងនៅក្នុងជួរបក្សសាធារណរដ្ឋ និងមជ្ឈដ្ឋានទូទៅមកលើលោក ដូណាល់ ត្រាំ។ ជាក់ស្ដែងនៅក្នុងយុទ្ធនាការឃោសនាបោះឆ្នោតក្នុងរដ្ឋ Wisconsin កាលពីសប្ដាហ៍មុន លោក Mike Pence បានរារំាងការរិះគន់ប្រឆំាងនឹងលោក ដូណាល់ ត្រាំ ពីសំណាក់ប្រធានសភាមកពីគណបក្សសារធារណរដ្ឋ លោក Paul Ryan និងព្រឹទ្ធសមាជិក លោក Ron Johnson ដោយសំអាងថា វាមានវិធីសាស្ត្ររួមទំាងមធ្យោបាយជាច្រើនដែលឱ្យលោក ដូណាល់ ត្រាំ ធ្វើការជាមួយនឹងពួកគេ។</span></p>
<p><span style="color: #000000;">គួរបញ្ជាក់ថា កាលពីអំឡុងពេល លោក ដូណាល់ ត្រាំ កំពុងផុងខ្លួនក្នុងរឿងអាស្រូវផ្លូវភេទដែលបានធ្វើឱ្យមេដឹកនាំបក្សសាធារណរដ្ឋកំពូល មួយចំនួនប្រឆាំងនឹងរូបលោក ហើយរហូតដល់មានអ្នកខ្លះបានបង្ហាញពីបំណងចង់ឱ្យលោក Mike Pence ជំនួសកៅអីជាបេក្ខភាពប្រធានាធិបតីទៀតផង។ <strong>«ខ្ញុំបានឃើញបុរសម្នាក់នេះ (លោក Mike Pence) នៅពេលដែលគេគ្រប់គ្នាមើលរំលងរូបគាត់ ដែលជាមនុស្សក្លាហាន និងស្មោះត្រង់ជាទីបំផុត។»</strong> នេះជាការលើកឡើងរបស់លោក Paul Ryan ប្រធានសភាអាមេរិក៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/10/04i-10-11-2016--16-16-55.jpg"><img src="/FileManager/Articles/mce/2016/11/10/04i-10-11-2016--16-16-55.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ nytimes</span></p>