<p><strong>ភ្នំពេញៈ</strong> តារាសម្តែងដែល ជាកូនប្រសារ របស់អ្នកដឹកនាំ រឿងល្បីឈ្មោះ ប្រចាំស្ថានីយ ទូរ-<br />ទស្សន៍ ស៊ីធីអិន អ្នកនាង សោម ម៉ាល័ក្ខ ក្នុងមួយរយៈពេល ចុងក្រោយនេះ គេសង្កេតឃើញ<br /> សន្ទុះកេរ្តិ៍ឈ្មោះ របស់នាង ហាក់ដូចជាភ្លឹបភ្លេតៗ ម្តងភ្លឺម្តងងងឹត ម្តងល្បីម្តងស្ងប់ស្ងាប់ ខុសពី<br />តារាស្រីដទៃទៀត ដែលគេនៅតែអាចរក្សាសន្ទុះកេរ្តិ៍ឈ្មោះ របស់ខ្លួនបាននឹងន។</p>
<p>តារាស្រីដែលបានបញ្ចប់ភាពនៅលីវ ដោយជ្រើសរើសផ្លូវចូលរោងការ ជាមួយកូនប្រុស <br />អ្នកស្រី ពាន់ ភួងបុប្ផា ដែលកន្លង មក ធ្លាប់ត្រូវបាន ម្តាយកេ្មកលើកបន្តុបឲ្យមានភាពល្បីរន្ទឺ<br /> បានក្នុងរឿង "បេះដូងអ្នកការពារ" អ្នកនាង សោម ម៉ាល័ក្ខ ក្នុងមួយ រយៈចុងក្រោយនេះ គេ<br />សង្កេតឃើញ មានភាព ស្ងប់ស្ងាត់ទាំងការងារ និងរឿងស្នេហារហូតដល់ត្រូវគេសង្ស័យថា <br />នាងមាន ភាពរង្គោះរង្គើ ជាមួយស្វាមីដែលរស់នៅក្រៅប្រទេសថែមទៀតផង។</p>
<p>បើតាមប្រភពពីអ្នកនៅជិតខ្លួន អ្នកនាង សោម ម៉ាល័ក្ខ បានបង្ហើបប្រាប់ឲ្យដឹងថា ក្នុងមួយ<br />រយៈពេលនេះ ម៉ាល័ក្ខ ហាក់មាន ភាពស្ងប់ស្ងាត់មិនសូវ ឃើញបង្ហាញខ្លួនជាសាធារណៈ <br />នៅក្នុងកម្មវិធីអ្នកសិល្បៈប៉ុន្មានទេ ហើយពួកគេក៏មិនដែលឮនាង រំឭក ពីគម្រោងចេញទៅ<br />រស់នៅជាមួយស្វាមីឯក្រៅប្រទេសដែរ ពោលគឺខុសពីលើកមុន នា ធ្លាប់តែប្រកាសក្តែងៗ<br /> ថា ស្វាមីកំពុង តែរត់ឯកសារធានាឲ្យនាងចេញទៅរស់នៅជាមួយគ្នា នៅក្រៅប្រទេស ដែល<br />យ៉ាងយូរបំផុត គឺនៅចុងឆ្នាំ២០១២នេះ ។ស្រាប់ តែដល់ពេលកំណត់នាងបែរជា ប្រាប់ឲ្យដឹង<br />ថាឯកសាររត់ការមិនទាន់បាន ត្រូវលើកពេលម្តងជា ២ ដង។</p>
<p>ជាមួយគ្នានោះដែរ នាពេលកន្លងមក តារាស្រីរូបនេះ តែងតែប្រើពាក្យសំដីផ្អែមល្ហែម ឆ្លើយឆ្លង<br />ជាមួយ ស្វាមីនៅលើបណ្តាញ ទំនាក់ទំនង Facebook របស់នាង ។ ដោយឡែកក្នុងមួយរយៈ<br />ពេល ចុងក្រោយនេះ គេសង្កេតឃើញថា នាងមិនបានបង្ហាញ សញ្ញាណវិជ្ជមានណាមួយ នៅ<br />លើបណ្តាញមួយនេះទៀតឡើយ។</p>
<p>ពាក់ព័ន្ធទៅនឹងព័ត៌មានលើក ឡើងផ្ទួនៗគ្នានេះដែរ ត្រូវបានទស្សនិកជនជាច្រើន មានចម្ងល់<br />ថា ហេតុអីបានជាស្វាមី ភរិយា មួយគូនេះ រៀបការជាមួយគ្នាយូរហើយ តែមិនចេញទៅរស់<br />នៅ ជាមួយគ្នាឯក្រៅ ប្រទេសដូចអតីតតារាសម្តែង អ្នកនាង នី មុល្លីកា ? ឬក៏ចំណងអាពាហ៍<br />ពិពាហ៍របស់ពួកគេ មានភាពប្រះស្រាំ ដោយសារឃ្លាតកាយណាយចិត្ត ដូចពាក្យចាស់តែង<br /> ពោលឡើង?</p>
<p>ជុំវិញព័ត៌មានដែលលេចឮបែបនេះ LookingTODAY បានព្យាយាមទាក់ទងទៅ លេខទូរស័ព្ទ<br />ដែលអ្នកនាង សោម ម៉ាល័ក្ខ ធ្លាប់ប្រើជាច្រើនដង តែមិនអាចទាក់ទងបានទេ ។ ទោះជាយ៉ាង<br />ណា Looking TODAY ក៏រីករាយទួលយកការ ចេញមុខ បកស្រាយរបស់តារាស្រីរូបនេះពាក់ព័ន្ធ<br />នឹងរឿងរ៉ាវខាងលើ ដើម្បីឲ្យទស្សនិកជន ដែលធ្លាប់គាំទ្រនាងអស់មន្ទិលសង្ស័យ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-78/Layl-151.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-78/Layl-146.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-78/Layl-147.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-78/Layl-149.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-78/Layl-150.jpg" alt="www.lookingtoday.com" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>