<p><span style="font-size: 12px;">លោកប្រធានាធិបតី Ashraf Ghani បានឱ្យដឹង កាលពីថ្ងៃអង្គារថា ចំនួនអ្នកស្លាប់ពីការផ្ទុះគ្រាប់បែកក្នុងរថយន្ដ នាទីក្រុងកាប៊ុល កាលពីសប្តាហ៍មុន បានកើនឡើងដល់ជាង ១៥០ នាក់ ដែលធ្វើឱ្យឧបទ្ទវហេតុនេះ ក្លាយជាការវាយប្រហារគួរឱ្យខ្លាចបំផុត នៅរដ្ឋធានីអាហ្វហ្គានីស្ថាន ចាប់តាំងពីការបណ្តេញពួកតាលីបង់ចេញពីប្រទេសនេះ នៅក្នុងឆ្នាំ ២០១១ ។</span></p>
<p><a class="thickbox" title="" href="/FileManager/Commons/2017/6/6/afghan-police-suicide-municipal-workers-attack-debrisf4e63628-4a83-11e7-88f6-6a3facb665a5-06-06-2017--16-44-18.jpg"><img src="/FileManager/Articles/mce/2017/6/6/afghan-police-suicide-municipal-workers-attack-debrisf4e63628-4a83-11e7-88f6-6a3facb665a5-06-06-2017--16-44-18.jpg" alt="" /></a><br /> ការផ្ទុះនេះបានកើតឡើង នៅពេលដែលរថយន្ដមួយគ្រឿង ដែលពេញប្រៀបដោយអ្វីដែលលោក ហ្កានី ហៅថាជាគ្រាប់រំសេវ " military-grade " បានបំផ្ទុះ នៅច្រកចូលទៅកាន់តំបន់សាងសង់មួយ នៅក្នុងក្រុង ដែលរួមបញ្ចូលទាំងស្ថានទូតបរទេស និងអគាររដ្ឋាភិបាលផងដែរ។</p>
<p>លោក Ghani បានប្រាប់អ្នកការទូតបរទេស ដែលអញ្ជើញមកជួបជុំគ្នានៅទីក្រុងកាប៊ុលដើម្បីចូលរួមសន្និសីទការសែតមួយថា៖ «យើង មិនមែនជាគោលដៅតែមួយនោះទេ សហគមន៍ការទូតទាំងមូល គឺជាគោលដៅនៃការវាយប្រហារនេះ»។<br /> <br /> ការប៉ាន់ស្មានជាផ្លូវការ ពីគ្រាមុន បានដាក់ចំនួនមនុស្សស្លាប់ ប្រហែល ៩០ នាក់ ដោយមានមនុស្សជាង ៤៦០ នាក់រងរបួស។</p>
<p>មនុស្ស ដែលបានស្លាប់ទាំងអស់ គឺជាជនជាតិអាហ្វហ្គានីស្ថាន ហើយលោក Ghani បានសម្ដែងការដឹងគុណ និងគោរព ចំពោះប៉ូលីស ១៣ នាក់ ដែលបានបញ្ឈប់រថយន្តនេះ ខណៈវាព្យាយាមបើកចូលក្នុងស្រុក ដែលមានកំពែងរឹងមាំនេះ ព្រមទាំង បានស្លាប់បាត់បង់ជីវិត នៅក្នុងការបំផ្ទុះនេះ។<br /> <br /> គ្មានក្រុមណាមួយ បានប្រកាសទទួលខុសត្រូវចំពោះការវាយប្រហារ ដែលបានបង្កឱ្យមានការផ្ទុះហិង្សាតវ៉ាប្រឆាំងនឹងរដ្ឋាភិបាលនេះទេ។</p>
<p> <a class="thickbox" title="" href="/FileManager/Commons/2017/6/6/kabul-bomb-blastb500f5b6-4a83-11e7-88f6-6a3facb665a5-06-06-2017--16-45-05.jpg"><img src="/FileManager/Articles/mce/2017/6/6/kabul-bomb-blastb500f5b6-4a83-11e7-88f6-6a3facb665a5-06-06-2017--16-45-05.jpg" alt="" /></a></p>
<p>ក្រុមអ្នកតវ៉ាជាច្រើននាក់ ត្រូវបានសម្លាប់ នៅក្នុងការប៉ះទង្គិចគ្នា ជាមួយប៉ូលិស កាលពីថ្ងៃសុក្រ ហើយយ៉ាងហោចណាស់មនុស្សរាប់សិបនាក់ ត្រូវបានសម្លាប់ នៅពេលអ្នកបំផ្ទុះគ្រាប់បែកអត្តឃាត បានវាយប្រហារក្នុងពិធីបុណ្យសពសម្រាប់បាតុករម្នាក់ ដែលបានស្លាប់កាលពីថ្ងៃសៅរ៍៕</p>
<p> <a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/6/6/mkn-19-05-2017--15-51-28-06-06-2017--16-45-32.jpg" alt="" /></a></p>
<p> </p>
<p>ប្រែសម្រួល៖ សារ៉ាត</p>
<p>ប្រភព៖ Hindustan Times</p>
<p><strong> </strong></p>
<p> </p>