<p>សកម្មភាពមិនសូវល្អនេះ បានកើតឡើងនៅផ្លូវក្រោមដី មុនពេលដែល Argentina និង Bosnia ចេញ បង្ហាញខ្លួននៅលើវាលស្មៅប្រកួត។ ពេលដែល Messi និងមិត្តរួមក្រុមបានធ្វើដំណើរចេញមក ដើម្បី បង្ហាញខ្លួនលើវាលស្មៅប្រកួត ក្មេងតូចម្នាក់ ដែលកំពុងតែតម្រង់ជួរ រង់ចាំចេញបង្ហាញខ្លួន ជាមួយនឹង ក្រុម Bosnia បានមកជិត Messi និងលើកដៃ ដើម្បីចាប់ដៃជាមួយ Messi។ ប៉ុន្តែកីឡាករកំពុងពាក់ អាវបាសេឡូណារូបនេះ មិនបានចាប់អារម្មណ៍ដល់ក្មេងតូចនោះ ហើយក៏បានដើរត្រង់ទៅកាន់អាជ្ញា កណ្តាល។</p>
<p><a class="thickbox" title="" href="/FileManager/Commons/2014/6/16/1-9275bpng-16-06-2014--20-16-51.jpg"><img src="/FileManager/Articles/mce/2014/6/16/1-9275bpng-16-06-2014--20-16-51.jpg" alt="" /></a></p>
<p>ទឹកមុខរបស់ក្មេងតូច បានបង្ហាញឲ្យឃើញច្បាស់ ពីភាពអស់សង្ឃឹម មុននឹងដើរចេញពីជួរ ព្រោះតែ កីឡាករក្នុងដួងចិត្ត របស់ខ្លួនបដិសេធ មិនចាប់ដៃជាមួយ។ ទន្ទឹមនឹងនោះគេហទំព័រ Yahoo Sports បានបញ្ចេញមតិឲ្យដឹងថា "បើសិនជាអ្នកបានមកដល់ពហុកីឡាដ្ឋាន Maracana ពេលនេះ នោះអ្នក នឹងបានឃើញក្មេងប្រុសតូចម្នាក់ កំពុងតែឈរនៅត្រង់ជ្រុងងងឹតមួយ ជាមួយនឹងទឹកភ្នែកពេញថ្ពាល់។</p>
<p>សូមទស្សនាវីដេអូដូចខាងក្រោម៖</p>
<p style="text-align: center;"><object width="500" height="400" data="http://www.youtube.com/v/2PtKaTfRElw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/2PtKaTfRElw&rel=1" /></object></p>
<p style="text-align: center;"> </p>
<p style="text-align: right;">ប្រែសម្រួល៖ សិលា<br />ប្រភព៖ 24h</p>