<p>ព័ត៌មានអន្តរជាតិ ៖ ដោយយោងតាមការដកស្រង់អត្ថបទផ្សាយ ពីគេហទំព័រសារព័ត៌មាន<br />បរទេស ស្កាយ ដែលទើបតែបានចេញផ្សាយកាលពីប៉ុន្មានម៉ោងមុននេះ បានគូសបញ្ជាក់<br />អោយដឹងថា មនុស្ស ៣ នាក់បានស្លាប់បាត់បង់ជីវិត ខណៈច្រើននាក់ផ្សេងទៀតនៅតែបន្ត<br />បាត់ខ្លួន បន្ទាប់ពីមានគ្រោះថ្នាក់ដែនទឹក ក្នុងក្រុង Genoa ប្រទេសអ៊ីតាលី ខណៈកាប៉ាល់<br />ផ្ទុកទៅដោយកុងទ័រន័របុកជាមួយនឹងប៉មត្រួតបញ្ជាការ (Control Tower)នៅកំពង់ផែមួយ<br />នេះ។</p>
<p>គួរបញ្ជាក់ផងដែរថា ក្រុមមន្រ្តីជំនាញក៏កំពុងតែចេញប្រតិបត្តិ ការរុករកអ្នកដែលរស់រាន<br />មានជីវិត ដោយធ្វើការមុជរុករកក្រោមទឹក ផ្តុំកន្លែងកើតហេតុ ។ គេជឿថា មនុស្ស ១៣<br />នាក់ បានស្ថិតនៅក្នុងបរិវេណនៃកន្លែងកើតហេតុ បន្ទាប់ពី ៣ នាក់ ត្រូវបានសម្លាប់ និង<br />១០ នាក់ផ្សេងទៀត បានបន្តបាត់ខ្លួន។</p>
<p><a class="thickbox" title="" href="/FileManager/Commons/2013/5/8/9186194-1-1-522x293-08-05-2013--08-35-04.jpg"><img src="/FileManager/Articles/mce/2013/5/8/9186194-1-1-522x293-08-05-2013--08-35-04.jpg" alt="" width="437" height="243" /></a></p>
<p>យ៉ាងណាមិញ បើយោងតាមសម្តីបុគ្គលិកក្រុមហ៊ុន Messina Line company ដែលមាន<br />មូលដ្ឋាននៅកំពង់ផែក្រុង Genoa និងជាម្ចាស់នាវានេះ បានអោយដឹងថា សោកនាដកម្ម<br />នេះ បានកើតឡើងនៅពេលដែលនាវាចាកចេញពីកំពង់ផែ តែមិនដឹងជាមានមូលហេតុ<br />អ្វីច្បាស់នោះទេ ដែលបានបណ្តាលអោយកើតមានឡើងនូវរឿងដូច្នេះ។</p>
<p>លើសពីនេះ ក៏មានការបញ្ជាក់អះអាង ពីម្ចាស់នាវាផ្ទាល់ផងដែរ គឺលោក Stefano<br /> Messina ដោយបានបញ្ជាក់ថា យើងពិតជាមានការភ្ញាក់ផ្អើលជាខ្លាំង បន្ទាប់ពីបានទទួល<br />ព័ត៌មានថា បានកើតមានឡើងនូវសោកនាដកម្មមួយនេះ ដែលកាលពីពេលកន្លងមក<br />មិនដែលធ្លាប់ជួបប្រទះនោះទេ ហើយយើងពិតជាអស់សង្ឃឹមជាខ្លាំង។</p>
<p>ដោយឡែក បើនិយាយពីអ្នកបើកបរកាប៉ាល់រូបនេះវិញ ត្រូវបានចាប់ឃាត់ខ្លួន និងរងការ<br />សាកសួរព័ត៌មានលំអិតពីមន្រ្តីជំនាញ។ គួររំឭកផងដែរថា កាប៉ាល់មួយនោះមានប្រវែង<br />បណ្តោយដល់ទៅ ២០០ ម៉ែត្រ ទទឹង ៣០ ម៉ែត្រ និង មានទម្ងន់ធ្ងន់ដល់ទៅ ៤០,៥០០<br />តោនឯណោះ៕</p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>