<p><span style="color: #000000;"><strong>(អាមេរិក)៖</strong> ប្អូនស្រីបង្កើតរបស់អតីត កំពូលតារាចម្រៀងអាមេរិក Michael Jackson ឈ្មោះ Janet Jackson នាថ្ងៃពុធនេះទើបតែសម្រាល បានកូនជាលើកដំបូង បំផុតនៅ ក្នុងវ័យចំណាស់ ៥០ឆ្នាំទៅហើយ។ នេះបើតាមការចេញផ្សាយ ដោយសារព័ត៌មាន Channel News Asia នៅមុននេះបន្តិចនាព្រឹកថ្ងៃពុធ ទី០៣ ខែមករា ឆ្នាំ២០១៧។</span></p>
<p><span style="color: #000000;">អ្នកតំណាងរបស់លោកស្រី Janet ដែលមានអាជីពជាតារាចម្រៀង ដូចបងប្រុសដែរនោះបានថ្លែងប្រាប់ ទស្សនាវដ្តី People ដូច្នេះថា<strong> «លោកស្រី Janet Jackson និងស្វាមី លោក Wissam Al Mana មានអារម្មណ៍រំភើបញាប់ញ័រ និងសប្បាយរីករាយក្រៃលែង ក្នុងការទទួលស្វាគមន៍ កូនប្រុសរបស់ពួកគេ ដែលមានឈ្មោះថា Eissa Al Mana មកកាន់ពិភពលោកនេះ ខណៈការសម្រាលបុត្ររបស់លោកស្រី Janet បានប្រព្រឹត្តទៅយ៉ាងរលូន ដោយគ្មានបញ្ហាអ្វីឡើយ ហើយលោកស្រីក៏កំពុងតែសម្រាកយកកម្លាំងប្រកបដោយផាសុខភាពជាទីបំផុតដែរ»</strong>។</span></p>
<p><span style="color: #000000;">គួរបញ្ជាក់ថា លោកស្រី Janet Jackson និងស្វាមី Al Mana ដែលជាអ្នកជំនួញជនជាតិ Qatari បានរៀបអាពាហ៍ពិពាហ៍ ជាមួយគ្នាកាលពីឆ្នាំ២០១២ ហើយលោកស្រីពុំបានបញ្ជាក់លម្អិតអំពីការពពោះរបស់លោកស្រី ឬមួយក៏កន្លែងសម្រាលបុត្រនោះឡើយ ខណៈដែលអាជីពជាអ្នកចម្រៀងរបស់លោកស្រី ក៏ហាក់មានភាពស្ងប់ស្ងាត់រួចទៅ ហើយដែរ ក្នុងរយៈពេលប៉ុន្មានឆ្នាំក្រោយ លោកស្រីរៀបការនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/4/10b-04-01-2017--13-50-29.jpg"><img src="/FileManager/Articles/mce/2017/1/4/10b-04-01-2017--13-50-29.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>