<div class="article-content">
<p><strong>- បុរសម្នាក់ទៀតបានស្លាប់<br /></strong></p>
<p><strong>ភ្នំពេញ៖</strong> បុរសម្នាក់បានស្លាប់បាត់បង់ជីវិត យ៉ាងអាណោចអាធ័ម និងម្នាក់ទៀតស្លាប់ ពេលបញ្ជូន<br />ទៅដល់មន្ទីរពេទ្យ ដោយឡែក បុរស ២នាក់ផ្សេងទៀត ក៏ត្រូវរងរបួសធ្ងន់ស្រាល ដោយសារពួកគេ<br />ជិះម៉ូតូ ២គ្រឿង បុកគ្នាពេញទំហឹង កាលពីវេលាម៉ោង ២២ និង២០នាទីយប់ ថ្ងៃទី២០ ខែកញ្ញា ឆ្នាំ<br />២០១៣ ស្ថិតនៅច្រមុះជ្រូកក្បាលថ្នល់ ផ្លូវ ២៧១ សង្កាត់ ផ្សារដើមថ្កូវ ខណ្ឌចំការមន។</p>
<p>យោងតាមប្រភពព័ត៌មាន ពីនគរបាលមូលដ្ឋានបានឲ្យដឹងថា បុរសម្នាក់ដែលស្លាប់បាត់បង់ជីវិត នៅ<br />កន្លែងកើតហេតុ ខាងលើមានឈ្មោះ សឿន ព្រំចិត្រ ភេទប្រុស អាយុ ៣១ឆ្នាំ មុខរបរជាមន្រ្តីកងរាជ<br />អាវុធ ស្នាក់នៅផ្លូវលខ ៦១៦ ផ្លូវ លេខ២៧១ សង្កាត់ផ្សារដើមថ្កូវ ខណ្ឌចំការមន បានជិះម៉ូតូធុនធំ <br />ម៉ាក ប៉ាចារ ពណ៌លឿងលាយខ្មៅ ពាក់ស្លាកលេខ ភ្នំពេញ 1BX-9319 ជិះធ្វើដំណើរតាមបណ្តោយ<br />ផ្លូវ លេខ ២៧១ ក្នុងទិសដៅពីកើតទៅលិច ដោយបានជិះក្នុងល្បឿនលឿន វ៉ាជាមួយរថយន្តមិន<br />ស្គាល់ម៉ាកមួយគ្រឿង បណ្តាលឲ្យរេចង្កូតទៅបុកជាមួយម៉ូតូស្មាស់ ពណ៌ខ្មៅ ពាក់ស្លាក លេខ <br />កណ្តាល 1D-5814 ដែលកំពុងជិះឌុបគ្នា ៣នាក់ ធ្វើដំណើរតាមផ្លូវ២៧១ ក្នុងទិសដៅពីលិចទៅកើត<br /> យ៉ាងលឿនដូចគ្នា ទើបបណ្តាលឲ្យម៉ូតូទាំង ២គ្រឿង ដួលគរគ្នារងការខូចខាត និងបុរសម្នាក់ឈ្មោះ<br /> សឿន ព្រំចិត្រ ស្លាប់បាត់បង់ជីវិតយ៉ាងអាណោចអាធ័ម នៅនឹងកន្លែងកើតហេតុចំណែក ៣នាក់ទៀត<br /> ត្រូវបញ្ជូនទៅសង្គ្រោះ ក្រោយពេលកើតហេតុភ្លាមៗ ប៉ុន្តែជាអកុសលពេលដឹកបញ្ជូន ទៅដល់មន្ទីរ<br />ពេទ្យស្លាប់ម្នាក់ថែមទៀត ។</p>
<p>សមត្ថកិច្ចមូលដ្ឋានបានបន្តថា ហេតុការណ៍នេះ ត្រូវបាននគរបាលជំនាញ ចុះមកវាស់វែងអូសយក<br />ម៉ូតូទាំង ២គ្រឿង ទៅរក្សាទុកនៅការិយាល័យ ចរាចរណ៍ផ្លូវគោករាជធានីភ្នំពេញ រង់ចាំដោះស្រាយ<br />នាពេលក្រោយ។</p>
<p>ចំណែកសាកសព ត្រូវបានប្រគល់ឲ្យក្រុមគ្រួសារ ដឹកយកទៅធ្វើបុណ្យតាមប្រពៃណី។ គ្រោះថ្នាក់<br />បង្កឡើងដោយ ភាគីទាំង ២ ជិះម៉ូតូលឿនដូចគ្នា ហើយដល់ចំណុចកើតហេតុ ភាគីម៉ូតូធុនធំជិះវ៉ា<br />រថយន្តទើបរេចង្កូតបុកម៉ូតូស្មាស់ ទាំងកម្រោលតែម្តងទៅ។</p>
<p>យោងតាមប្រភពព័ត៌មានពីសមត្ថកិច្ច បានឲ្យដឹងថា បុរសម្នាក់ទៀតបានស្លាប់ បន្ទាប់ពីបញ្ជូនមក<br />ដល់មន្ទីរពេទ្យ ។ បច្ចុប្បន្នសព ជនរងគ្រោះ កំពុងកម្កល់នៅមន្ទីរពេទ្យមិត្តភាព-ខ្មែរសូរៀត (ពេទ្យ<br />រុស្ស៊ី) ។</p>
<p>យ៉ាងណាក៏ដោយ សមត្ថកិច្ចពុំទាន់ស្គាល់អត្តសញ្ញាណជនរងគ្រោះ នៅឡើយទេ ហើយសមត្ថកិច្ច<br />អំពាវនាវ ឲ្យសាច់ញាតិ មកទទួលយកសព ទៅធ្វើបុណ្យតាមប្រពៃណី៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0201.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0202.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0203.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0204.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0205.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0206.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>