<p><strong>ភ្នំពេញ៖</strong> តារាស្រីចាស់វស្សា ទទួលបានការគាំទ្រច្រើន ពីការសម្តែងជាតួអង្គ កាចឆ្នាស់ឆ្នើម អ្នកនាង ស្វែង សុជាតា កាលពីពេលថ្មីៗកន្លងមកនេះ មហាជនទូទៅបានដឹង ស្ទើរគ្រប់គ្នាថា នាងមានជំងឺដុះសាច់ ក្នុងខួរក្បាល ដែលបង្កឲ្យមានការ ជ្រុះសក់អស់ស្ទើរ ពាក់កណ្តាលក្បាល និងបណ្តាលឲ្យរូបរាង្គកាយ របស់នាង មានសភាពស្លេកស្លាំង ចុះស្គមខុសពីធម្មតា ។</p>
<p>មិនតែប៉ុណ្ណោះ ក្នុងមួយរយៈចុងក្រោយនេះ ការងារសិល្បៈរបស់ ស្វែង សុជាតា ក៏ស្ថិតក្នុងដំណាក់កាល ស្ងប់ស្ងៀមក្រោយពីនាងត្រូវ ប្រឈមទៅនឹងជំងឺដុះសាច់ ក្នុងខួរក្បាល ដែលអាចបង្កការគ្រោះថ្នាក់ យ៉ាងធ្ងន់ធ្ងរ ដល់អាយុជីវិតប្រសិនមានការយឺតយ៉ាវ ក្នុងការព្យាបាល ។ គេនៅចាំបានថា តារាសម្តែងជើងចាស់ មានទេពកោសល្យខ្ពស់ អ្នកនាង ស្វែង សុជាតា ចាប់តាំង ពីចូលសិល្បៈដំបូង គឺនាងតែងបញ្ចេញស្នាមញញឹម ប្រកបទៅដោយ ភាពជឿជាក់និងពោរពេញទៅដោយ ភាពសប្បាយរីករាយ ។ ប៉ុន្តែនៅពេលនាងធ្លាក់ខ្លួនឈឺ ក៏ត្រូវបានប្តូរជំនួសមកវិញ ដោយភាពស្រពាប់ស្រពោន ខូចចិត្តយំមិនចេញ ។<br />យ៉ាងណាក្តី អ្នកនាង ស្វែង សុជាតា ក្រោយពីទទួលបាន ការព្យាបាលយ៉ាង យកចិត្តទុកដាក់បំផុត ពី សំណាក់ក្រុមគ្រូពេទ្យជំនាញ អស់មួយរយៈពេលយូរមកនេះ ឃើញថា ជំងឺរបស់នាង ក៏មានអាការៈធូ ស្បើយបន្តិម្តងៗ រហូតជា ដាច់ពីជំងឺដុះសាច់ ក្នុងខួរក្បាល ដោយភាពជោគជ័យ ក្នុងជីវិតជាថ្មីឡើងវិញ។ ទន្ទឹមនឹងភាពជោគជ័យ ក្នុងការព្យាបាលជំងឺនេះ អ្នកនាង ស្វែង សុជាតា បានរៀបចំធ្វើពិធីខួបកំណើរ របស់ខ្លួន ដើម្បីអបអរ ការជាសះស្បើយពីជំងឺ។</p>
<p>ផ្អែកតាមប្រភព ពីរង្វង់អ្នកសិល្បៈ សិ្នទ្ធស្នាលបំផុត ជាមួយអ្នកនាង ស្វែង សុជាតា បានប្រាប់គេហទំព័រ LookingTODAY ថា អ្នកនាង ស្វែង សុជាតា បន្ទាប់ពីសម្រាកព្យាបាលជំងឺ អស់មួយរយៈនេះ ឥឡូវអាការៈជំងឺ ដុះសាច់ក្នុងខួក្បាល របស់នាង បានជាសះស្បើយ ដូចដើមវិញហើយ ។ ម្យ៉ាងទៀត នៅ ថ្ងៃច័ន្ទ ទី៣០ ខែមិថុនា សប្តាហ៍ក្រោយនេះ នាងមានរៀបចំពិធី ខួបកំណើត និងជាពិធីអបអរការ រួចផុតពីជំងឺដ៏គ្រោះថ្នាក់ មួយនេះផងដែរ ។</p>
<p>ប្រភពបានបន្ថែមថា ក្នុងពិធីខួបកំនើតរបស់អ្នកនាង ស្វែង សុជាតា ខាងមុខឆាប់ៗនេះ គឺរៀបចំលក្ខណៈ ទូលាយ ព្រោះមានករអញ្ជើញភ្ញៀវ កិត្តិយសចូលរួមប្រហែលជាង ២០០នាក់ ។ ក្នុងនោះមាន ៨០ភាគរយ ជាអ្នកសិល្បៈរួមអាជីព ។ ចំណែកទីតាំង ធ្វើពិធីមិនទាន់ត្រូវបានបញ្ជាក់ នៅឡើយទេ ។ នៅរសៀលថ្ងៃទី២៤ ខែមិថុនា ឆ្នាំ២០១៤នេះ គេហទំព័រ LookingTODAY មិនទាន់អាចទំនាក់ទំនង ដើម្បីសុំការបកស្រាយបន្ថែម ពីអ្នកនាង ស្វែង សុជាតា បាននៅឡើយទេ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-140/hour_512.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-140/hour_513.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/June/id-140/hour_514.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31658-2014-06-24-09-37-46.html" target="_blank">ផ្តល់សិទ្ធដោយ ៖ ដើមអម្ពិល</a></p>