<p><span style="color: #000000;"><strong>ភ្នំពេញ៖</strong> បុរសនារីបីនាក់ ក្នុងអាការៈស្រវឹង បានជ្រុលចង្កូតរថយន្តស្ព័ររបស់ខ្លួន ឡើងសួននាគបាញ់ទឹក រងការខូចខាតយ៉ាងដំណំ ជាមួយគ្នានោះសមត្ថកិច្ច មិនបានចុះអន្តរាគមន៍នោះទេ ខណៈដែលគេដឹងថា ម្ចាស់រថយន្តជាកូនអ្នកធំមានអំណាច។</span></p>
<p><span style="color: #000000;">សេចក្តីរាយការណ៍ ពីកន្លែងកើតហេតុ បានឲ្យដឹងថា រថយន្តស្ព័រ ស៊េរីទំនើប ពណ៌ស ពាក់ស្លាកលេខ ភ្នំពេញ 2R-6119 នៅម៉ោង ប្រមាណ២ទៀបភ្លឺ បានបើកយ៉ាងលឿន តាមផ្លូវព្រះសីហនុពីលិចទៅកើត លុះដល់រង្វង់មូលនាគបាញ់ទឹក បានបួងចង្កូតបត់ទៅជើង ប៉ុន្តែស្រាប់តែជ្រុលចង្កូត ឡើងសួននាគបាញ់ទឹក ក្នុងសង្កាត់ទន្លេបាសាក់ បណ្តាលឲ្យរថយន្តរងការខូចខាតយ៉ាងដំណំ។</span></p>
<p><span style="color: #000000;">សេចក្តីរាយការណ៍ បានឲ្យដឹងទៀតថា ហេតុការណ៍នេះសំណាងល្អដែរ ព្រោះពុំមាននរណាម្នាក់រងគ្រោះថ្នាក់ ទាំងអ្នកបើកបរ អ្នករួមដំណើរ និងអ្នកធ្វើដំណើរតាមផ្លូវ។</span></p>
<p><span style="color: #000000;">អ្នកដំណើរម្នាក់ បានឲ្យដឹងថា ក្រោយហេតុការណ៍បន្តិច កម្លាំងសមត្ថកិច្ច បានចុះទៅអន្តរាគមន៍នៅកន្លែងកើតហេតុ ប៉ុន្តែពុំបានធ្វើការឃាត់ខ្លួន ឬក៏សួរនាំ អ្នកបើកបររថយន្តឡើងសួនសាធារណៈនោះទេ ប៉ុន្តែផ្ទុយទៅវិញ បែរជាបណ្តោយឲ្យអ្នកនៅក្នុងរថយន្ត រើឥវ៉ាន់ចេញរួចនាំគ្នាជិះម៉ូតូឌុប ចេញទៅបាត់អស់។</span></p>
<p><span style="color: #000000;">បន្ទាប់ពីម្ចាស់ចេញទៅបាត់អស់ មន្រ្តីជំនាញបានស្ទួចរថយន្តបង្ក យកទៅរក្សាទុកនៅការិយាល័យ នគរបាលចរាចរណ៍ផ្លូវគោក ដើម្បីរង់ចាំដោះស្រាយតាមក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/2/4-2-2015-3-28-02-pm-02-04-2015--15-34-31.png"><img src="/FileManager/Articles/mce/2015/4/2/4-2-2015-3-28-02-pm-02-04-2015--15-34-31.png" alt="" /></a></span></p>
<p><a class="thickbox" title="" href="/FileManager/Commons/2015/4/2/4-2-2015-3-28-13-pm-02-04-2015--15-34-48.png"><img src="/FileManager/Articles/mce/2015/4/2/4-2-2015-3-28-13-pm-02-04-2015--15-34-48.png" alt="" /></a></p>
<p><a class="thickbox" title="" href="/FileManager/Commons/2015/4/2/4-2-2015-3-28-28-pm-02-04-2015--15-34-59.png"><img src="/FileManager/Articles/mce/2015/4/2/4-2-2015-3-28-28-pm-02-04-2015--15-34-59.png" alt="" /></a></p>
<p><a class="thickbox" title="" href="/FileManager/Commons/2015/4/2/4-2-2015-3-28-42-pm-02-04-2015--15-35-17.png"><img src="/FileManager/Articles/mce/2015/4/2/4-2-2015-3-28-42-pm-02-04-2015--15-35-17.png" alt="" /></a></p>
<p><a class="thickbox" title="" href="/FileManager/Commons/2015/4/2/4-2-2015-3-28-55-pm-02-04-2015--15-35-29.png"><img src="/FileManager/Articles/mce/2015/4/2/4-2-2015-3-28-55-pm-02-04-2015--15-35-29.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>