<p><span style="color: #000000;"><strong>(ភ្នំពេញ)៖</strong> សាកសពស្ត្រីម្នាក់ ហើមស្អុយរលួយ ត្រូវបានគេប្រទះឃើញ នៅព្រឹកថ្ងៃទី១៥ ខែមិថុនា ឆ្នាំ២០១៦នេះ នៅខាងកើតស្ពាន លីយ៉ុងផាត់ ស្ថិតក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ ខណៈសមត្ថកិច្ចជំនាញកុសល្យវិច្ច័យ បានដាក់ការសង្ស័យថា ជាអំពើឃាតកម្ម។</span></p>
<p><span style="color: #000000;">លោក ឯក សេរីវុធ អធិការរងនគរបាលយុត្តិធម៌ខណ្ឌជ្រោយចង្វារ បានប្រាប់ឲ្យដឹងថា ជនរងគ្រោះជាស្ត្រីដែលបានដេកស្លាប់ហើមស្អុយ រលួយនេះ នៅពុំទាន់ស្គាល់ពីអត្តសញ្ញាណ្ណ នៅឡើយទេ ដោយ សមត្ថកិច្ចកំពុងបន្តសហការស្រាវជ្រាវ និងធ្វើកុសល្យវិច្ច័យ ។</span></p>
<p><span style="color: #000000;">លោកបានបន្ដថា បន្ទាប់ពីសហការបើក ការស្រាវជ្រាវប៉ុន្មានម៉ោងក្រោយ និងជំហ៊ានដំបូងកម្លាំងសមត្ថកិច្ច បានដាក់ការសង្ស័យថា ជាករណីឃាតកម្ម ព្រោះស្ត្រីរងគ្រោះដែលស្លាប់នេះ គឺត្រូវជនសង្ស័យដែលមិនស្គាល់ពីអត្តសញ្ញាណសម្លាប់ ដោយប្រើដំបងវាយ បណ្ដាលឲ្យបែកលលាក្បាលពីក្រោយ។</span></p>
<p><span style="color: #000000;">ដោយឡែកសាកសពស្ត្រីរងគ្រោះ ត្រូវបានកម្លាំងសមត្ថកិច្ចមូលដ្ឋានសហការយកទៅតម្កល់ បូជាតាមប្រពៃណីនៅឯវត្តសំបួរមាស ស្ថិតក្នុងខណ្ឌដង្កោ។</span></p>
<p><span style="color: #000000;">បច្ចប្បន្ន កម្លាំងនគរបាលមូលដ្ឋានខណ្ឌជ្រោយចង្វារ កំពុងបន្តសហការ ជាមួយកម្លាំងនគរបាលកុសល្យវិច្ច័យ ដើម្បីស៊ើបអង្កេតរក អត្តសញ្ញាណជនរងគ្រោះ និងកំណត់អត្តសញ្ញាណជនត្រូវសង្ស័យដែលបាន ធ្វើសកម្មភាពវាយសម្លាប់ជនរងគ្រោះ។</span></p>
<p><span style="color: #000000;">ជាមួយគ្នានោះ លោកវរសេនីយ៍ត្រី ឯក សេរីវុធ អធិការរងនគរបាលយុត្តិធម៌ បានអំពាវនាវរកក្រុមគ្រួសារ ដែលបានបាត់សមាជិករបស់ខ្លួន សូមទំនាក់ទំនងលេខទូរស័ព្ទ០១៦ ៨៩៣ ១៣៥/០១២ ៨៩៣ ១៣៥៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/15/1-15-06-2016--14-23-50.png"><img src="/FileManager/Articles/mce/2016/6/15/1-15-06-2016--14-23-50.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-15-13-40-07-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-15-13-40-07-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>