<div class="item-page">
<p><span style="color: #000000;"><strong>(ភ្នំពេញ)៖</strong> ស្ថានអគ្គកុងស៊ុលកម្ពុជាប្រចាំទីក្រុងសៀងហៃ ប្រទេសចិន បានសហការជាមួយអាជ្ញាធរ ទីក្រុងសៀងហៃ ជួយស្ត្រីខ្មែរចំនួន ២នាក់ ដែលត្រូវបានមេខ្យល់នាំទៅរៀបការ ជាមួយបុរសជនជាតិចិន នៅខេត្តជាំងស៊ីប្រទេសចិន ហើយជួបប្រទះនឹងការលំបាក ឱ្យបានវិលត្រឡប់មកកម្ពុជាវិញ។</span></p>
<p><span style="color: #000000;">ស្ត្រីខ្មែរទាំង ០២ នាក់នោះមានឈ្មោះ៖ ណាវ សុខឃៀង អាយុ២៨ឆ្នាំ មានស្រុកកំណើត នៅខេត្តកោះកុង បានទៅប្រទេសចិន តាំងពីថ្ងៃទី២៣ ខែមករា ឆ្នាំ២០១៤ និងឈ្មោះ ប៉ក់ គឹមសែ អាយុ២៣ឆ្នាំ មានស្រុកកំណើត នៅខេត្តកំពង់ឆ្នាំង បានទៅប្រទេសចិន តាំងពីថ្ងៃទី៣០ ខែកក្កដា ឆ្នាំ ២០១៣ ។</span></p>
<p><span style="color: #000000;">ក្នុងកំឡុងពេលរង់ចាំការវិលត្រឡប់មកកម្ពុជាវិញ ស្ថានអគ្គកុងស៊ុល បានផ្តល់កន្លែងស្នាក់នៅ និងការហូបចុក ដល់ស្រ្តីខ្មែរទាំង០២នាក់ នេះផងដែរ។ ស្រ្តីខ្មែរទាំង ០២នាក់ នឹងមកដល់អាកាសយានដ្ឋានអន្តរជាតិភ្នំពេញ នៅថ្ងៃទី៣០ ខែមិថុនា ឆ្នាំ២០១៦ វេលាម៉ោង ២៣៖៣០នាទីយប់ តាមជើងយន្តហោះ MU-៧៥៩៕</span></p>
<p><br /><span style="color: #000000;"><a class="thickbox" title="" href="/FileManager/Commons/2016/6/30/40-2-30-06-2016--10-02-18.png"><span style="color: #000000;"><img src="/FileManager/Articles/mce/2016/6/30/40-2-30-06-2016--10-02-18.png" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2016/6/30/40-2-30-06-2016--10-02-18.png"></a>ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>