<p>ព័ត៌មានអន្តរជាតិ ៖ ទីភ្នាក់ងារ សារព័ត៌មាន បរទេស ស្កាយ កាលពី វេលាល្ងាច ថ្ងៃម្សិលមិញនេះ បាន ចេញផ្សាយ អត្ថបទអោយដឹងថា បេក្ខភាព ដែលជា អតីត បវរកញ្ញាឯក ប្រទេស វ៉េណេស៊ុយអេឡា រួម ទាំងស្វាមី ដែលជា ជនជាតិ អង់គ្លេស របស់នាង ត្រូវបាន ឧក្រិដ្ឋជន លបបាញ់សម្លាប់ ស្លាប់នៅពីមុខ កូនស្រីតូច វ័យ ៥ ឆ្នាំរបស់ពូកគេ ។</p>
<p><a class="thickbox" title="" href="http://camnews.com.kh/FileManager/Commons/2014/1/8/former-miss-beauty-08-01-2014--09-04-49.jpg"><img src="http://camnews.com.kh/FileManager/Articles/mce/2014/1/8/former-miss-beauty-08-01-2014--09-04-49.jpg" alt="" /></a></p>
<p>ប្រភព បន្តថា ជនរងគ្រោះ ដែលជា បេក្ខភាព អតីត បវរកញ្ញាឯក ប្រទេស វ៉េណេស៊ុយអេឡា រូបនេះ មានឈ្មោះ Monica Spear ខណៈពេល ស្វាមី ជាជនជាតិ អង់គ្លេសរបស់នាង មានឈ្មោះ Thomas Henry Berry ពួកគេ ទាំងពីរនាក់ ត្រូវបានក្រុមចោរ បាញ់សម្លាប់ អំឡុងពេល ដែលមានការចេញធ្វើ សកម្មភាព ឆក់ប្លន់ នៅតាមដងផ្លូវ ។</p>
<p>រដ្ឋាភិបាល ប្រចាំតំបន់ បានគូសបញ្ជាក់អោយដឹងថា ប្តីប្រពន្ធមួយគូនេះ ត្រូវបានរកអោយឃើញថាបាន ស្លាប់បាត់បង់ជីវិត នៅក្នុងរថយន្ត ក្នុងក្រុង Puerto Cabello ប្រទេស វ៉េណេស៊ុយអេឡា ។ ផ្ទុយទៅវិញ កូនស្រីវ័យ ៥ ឆ្នាំ របស់ពួកគេ មិនបានស្លាប់បាត់បង់ ជីវិត នោះទេ រំពេចនោះ ក៏មានការបញ្ជូននាងទៅ កាន់មន្ទីរពេទ្យក្នុងស្រុកមួយកន្លែង ។</p>
<p><a class="thickbox" title="" href="http://camnews.com.kh/FileManager/Commons/2014/1/8/rtrbmvz-1-252x337-08-01-2014--09-05-01.jpg"><img src="http://camnews.com.kh/FileManager/Articles/mce/2014/1/8/rtrbmvz-1-252x337-08-01-2014--09-05-01.jpg" alt="" width="500" height="668" /></a></p>
<p>បន្ថែមពីលើនេះ ប្រភពសារព័ត៌មាន បន្តអោយដឹងថា ករណី បើកការវាយប្រហារ ឆក់ប្លន់ ពីសំណាក់ ក្រុមឧក្រិដ្ឋជន រហូតដល់ថ្នាក់ ប្រើជាអំពើហឹង្សា បាញ់បោះយ៉ាងដូច្នេះ អាចកើតឡើងទៅបាន ខណៈ ពេលដែលរថយន្តរបស់ពួកគេខូច និងអង្គុយរង់ចាំ រថយន្តមកសណ្តោង តែជាអកុសល ក៏បានកើតមាន ឡើងនូវ សោកនាដកម្មនេះផ្ទាល់ តែម្តង។</p>
<p>គួររំឭកផងដែរថា នាង Spear កាលពីពេលអតីតកាលកន្លងទៅនេះ នាងបានជាប់ជ័យលាភី ជាបវរ កញ្ញាឯក ប្រទេស វ៉េណេស៊ុយអេឡា នៅក្នុងអំឡុងឆ្នាំ ២០០៤ ខណៈពេលដែល មកទល់នឹងបច្ចុប្បន្ន ភាពនេះ នាងគឺជាតារាទូរទស្សន៍ល្បីមួយរូប ប្រចាំប្រទេស កំណើតរបស់ខ្លួន៕</p>
<p style="text-align: right;">ប្រែសម្រួល ៖កុសល<br />ប្រភព ៖ ស្កាយ</p>