<p>ល្ងាចថ្ងៃទី ៥មេសា គ្រោះអាគ្គីភ័យដ៏ធំមួយ រួមនឹងសម្លេងផ្ទុះកក្រើក បានកើតឡើងនៅឯចំណត<br />យានយន្ដមួយកន្លែង ក្នុងក្រុងសៃហ្គន បានបណ្ដាលឱ្យរថយន្ដ និងម៉ូតូ រាប់រយគ្រឿង ត្រូវឆេះ<br />ខ្ទេច។</p>
<p style="text-align: center;"><a class="thickbox" title="" href="/FileManager/Commons/2014/4/6/firevn1-06-04-2014--12-26-40.PNG"><img src="/FileManager/Articles/mce/2014/4/6/firevn1-06-04-2014--12-26-40.PNG" alt="" /></a></p>
<p>អាគ្គីភ័យខាងលើនេះ បានកើតឡើងនៅវេលាប្រហែលម៉ោង ជិត ២រសៀល ថ្ងៃទី ៥កន្លងទៅ នៅ<br />កន្លែងផ្ញើយានជំនិះ ដែលមានទំហំ ជាង ១០០០ម៉ែត្រក្រឡា ដែលមានម៉ូតូ និងរថយន្ដជាច្រើនរយ<br />គ្រឿង។ គ្រោះអាគ្គីភ័យនេះ កើតឡើងនៅតាមបណ្ដោយផ្លូវ កៅឡោ សង្កាត់ ៤ ខណ្ឌ ៨ ក្រុងហូជី<br />មិញ (ព្រៃនគរ) ទុលមុខនឹងមន្ទីរពេទ្យខណ្ឌ ៨ ប្រទេសវៀតណាម។<br /><br />នៅពេលភ្លើងចាប់ផ្ដើមឆាបឆេះភ្លាម ប្រជាជននៅក្បែរនោះ បាននាំគ្នាសម្រុកចូល ជួយយកម៉ូតូ<br />ចេញ បានរាប់សិបគ្រឿង និងធ្វើការពន្លត់នៅនឹងកន្លែង។ ប៉ុន្ដែ ភ្លើងបានឆាបខ្លាំង និងបានឆេះម៉ូតូ<br />ជាច្រើនគ្រឿង ហើយក៏ចាប់ផ្ដើមផ្ទុះជាបន្តបន្ទាប់ ធ្វើឱ្យមានអណ្ដាតភ្លើង និងផ្សែង កាន់តែខ្លាំង។</p>
<p style="text-align: center;"><a class="thickbox" title="" href="/FileManager/Commons/2014/4/6/firevn2-06-04-2014--15-06-08.PNG"><img src="/FileManager/Articles/mce/2014/4/6/firevn2-06-04-2014--15-06-08.PNG" alt="" /></a></p>
<p>ក្រុមពន្លត់អាគ្គីភ័យរាប់សិបនាក់ រួមនឹងរថយន្ដពន្លត់អាគ្គីភ័យរាប់សិបគ្រឿង ក៏បានមកដល់កន្លែង<br />កើតហេតុ។ ពេលនោះ ភ្លើងបានគ្របដណ្ដបពេញទាំងវាលចតយានជំនិះ។ អាជ្ញាធរ ត្រូវបិទផ្លូវ<br />ទាំងអស់ដែលឆ្លងកាត់តំបន់នេះ។ ក្រុមពន្លត់អាគ្គីភ័យ ត្រូវចំណាយពេលជិត ២ម៉ោង ទើបអាចគ្រ<br />ប់គ្រងស្ថានភាព។<br /><br />មិនមានសេចក្ដីរាយការណ៍ ស្ដីអំពីមានការបាត់បង់ជីវិត ឬរបួសក្នុងករណីនេះ ប៉ុន្ដែ ប្រភពព័ត៌មាន<br />ឱ្យដឹងថា វាលទទួលរក្សាយានជំនិះឯកជននេះ ទទួលបញ្ញើយានជំនិះ កង់២ កង់៣ និងរថយន្ដ របស់<br />ប្រជាជននៅក្នុងតំបន់ជិតខាង ហើយចំនួនយានជំនិះ កើនឡើងដល់ជិត ១០០០គ្រឿង។</p>
<p style="text-align: center;"><a class="thickbox" title="" href="/FileManager/Commons/2014/4/6/firevn5-06-04-2014--12-28-02.PNG"><img src="/FileManager/Articles/mce/2014/4/6/firevn5-06-04-2014--12-28-02.PNG" alt="" /></a></p>
<p>ក្នុងចំណោមយានជំនិះទាំងនោះ មានម៉ូតូចំនួន ជាង ៣០០គ្រឿង និងរថយន្ដ ១គ្រឿង ត្រូវឆេះខ្ទេច<br />នៅសល់តែគ្រោងឆ្អឹង។ មន្ដ្រីនគរបាលឱ្យដឹងថា មូលហេតុដែលនាំឱ្យមានគ្រោះអាគ្គីភ័យនេះ គឺ<br />បណ្ដាលមកពីប្រជាជន ដុតសំរាមនៅក្បែរវាលចតយានយន្ដ បណ្ដាលឱ្យភ្លើងឆេះរាលចូលមកខាង<br />ក្នុង។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Vexpress</p>