<p><strong>ខ្សែភាពយន្តតុក្កតា Coco បានឈ្នះពានរង្វាន់ Golden Globe ២០១៨ សម្រាប់ផ្នែក Animation ល្អបំផុត។ ក្រុមហ៊ុន Pixar film បានឈ្នះលើខ្សែភាពយន្ត Animation ដូចជា <em>Loving Vincent</em>, <em>The Boss Baby, Ferdinand </em>និង <em>The Breadwinner</em>.</strong></p>
<p><strong>នេះជារឿងទីមួយហើយ ដែលក្រុមហ៊ុន Pixar film បានផលិតរឿងទាក់ទងនឹងវប្បធម៌របស់ពួកម៉ិកស៊ិកកូ។ រឿង Coco បានបង្ហាញពីកូនក្មេងម្នាក់ ដែលចូលចិត្តផ្នែកតន្រ្តី ប៉ុន្តែរងការរើសអើងពីសមាជិកគ្រួសាររបស់គាត់។ ថ្ងៃមួយ ជាថ្ងៃដែលគេប្រារព្ធថ្ងៃនៃសេចក្តីស្លាប់ (Day of the Dead) ក្មេងប្រុសម្នាក់នោះបានចូលទៅកាន់ភពនៃសេចក្តីស្លាប់ (Land of the Dead) ហើយបានរកឃើញជីតារបស់គេ ដែលជាតន្រ្តីករក៏ល្បីល្បាញម្នាក់។</strong></p>
<p><strong><a class="thickbox" title="" href="/FileManager/Commons/2018/1/9/coco-09-01-2018--15-49-35.jpg"><img src="/FileManager/Articles/mce/2018/1/9/coco-09-01-2018--15-49-35.jpg" alt="" /></a><br /></strong></p>
<p><strong>រឿង Coco ត្រូវបានចំណាយពេល ៦ឆ្នាំ សម្រាប់ការផលិត ដោយក្រុមការងារបានធ្វើដំណើរទៅកាន់ប្រទេសម៉ិកស៊ិកកូ ដើម្បីធ្វើការស្រាវជ្រាវ និងស្វែងយល់អំពីវប្បធម៌ និងតន្រ្តីនៃប្រទេសនោះ។</strong></p>
<p><strong>លោក Lee Unkrich អ្នកដឹកនាំរឿងមួយនេះ បាននិយាយថា៖ «ខ្ញុំមានអារម្មណ៍ថា ខ្ញុំមានទំនួលខុសត្រូវដ៏ធំនៅលើស្មាររបស់ខ្ញុំ ដើម្បីធ្វើរឿងនេះឲ្យត្រឹមត្រូវ។» គាត់បានបន្តទៀតថា៖« ខ្ញុំត្រូវធ្វើរឿងគ្រប់យ៉ាង ដើម្បីភាពជោគជ័យ ខ្ញុំត្រូវនៅក្បែរអ្នកជំនាញ ហើយត្រូវបញ្ចូលខ្លួនរបស់យើងទៅក្នុងវប្បធម៌របស់ម៉ិកស៊ិកកូ ឲ្យកាន់តែច្រើន តាមដែលអាចធ្វើទៅបាន។»</strong></p>
<p><strong>លោក Unkrich ក៏បានអរគុណក្រុមការងាររបស់គាត់។ គាត់បាននិយាយថា៖ «រឿង Coco មិនអាចកើតឡើង ដោយគ្មានមនុស្សដ៏អស្ចារ្យរបស់ម៉ិកស៊ិកកូ និងប្រពៃណីរបស់ Día de los Muertos នោះឡើយ»៕</strong></p>
<p><strong><br /></strong></p>
<p><iframe src="https://www.youtube.com/embed/zNCz4mQzfEI" frameborder="0" width="500" height="315"></iframe></p>
<p><strong><br /><a class="c_tab" href="http://bit.ly/2FgBhRZ" target="_blank"><img src="/FileManager/Articles/mce/2018/1/9/mkn-sponsor-1-09-01-2018--15-51-31.gif" alt="" /></a></strong></p>
<p> </p>
<p> </p>
<p> </p>
<p> </p>
<p> </p>
<p><span style="font-size: 12px;" lang="KHM">ប្រភព៖</span><span style="font-size: 12px;">theverge</span></p>
<p> </p>
<p><strong><br /></strong></p>