<p><span style="color: #000000;"><strong>ភ្នំពេញ៖</strong> លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាឲ្យម្ចាស់ ស្ថានីយ៍ទូរទស្សន៍ អប្សរាប៉ុស្តិ៍លេខ១១ និងវិទ្យុABC កម្ពុជា១០៧.៥ មេហ្កាហឺត ត្រូវបញ្ឈប់ សកម្មផ្សាយពាណិជ្ជកម្មឱសថបុរាណខ្មែរអង្គរវត្តជា ចេង គ្រូផ្សំថ្នាំ លោកស្រី ឡុង ស៊ីណាង និងផលិតផលអាហារបំប៉នសុខភាពរបស់វិទ្យុABC។</span></p>
<p><span style="color: #000000;">លិខិតរបស់លោករដ្ឋមន្រ្តីក្រសួងព័ត៌មានកាលពីថ្ងៃទី២៣ ខែធ្នូ ឆ្នាំ២០១៤ ដែលមជ្ឈមណ្ឌល ព័ត៌មានដើមអម្ពិលទើបតែទទួលបាននៅថ្ងៃនេះ បានឲ្យដឹងថា មូលហេតុដែល ស្នើឲ្យ បញ្ឈប់នេះ ដោយសារតែផលិតផលទាំងនោះមិន បានចុះបញ្ជីកា និងពុំបានឆ្លងកាត់ ការត្រួតពិនិត្យគុណភាព ប្រសិទ្ធិភាព សុវត្ថិភាព ពីក្រសួងសុខាភិបាល។</span></p>
<p><span style="color: #000000;">ដើម្បីជៀសវាងលទ្ធផលអវិជ្ជមានអំពីការផ្សព្វផ្សាយបំផ្លើសហួសការពិត ភូតកុហក ដែលនាំឲ្យខាតបង់ប្រាក់កាស និងបង្កគ្រោះថ្នាក់ដល់សុខភាព ប្រជាពលរដ្ឋ ក្រសួងព័ត៌មាន ស្នើឲ្យម្ចាស់ស្ថានីយ៍វិទ្យុ និងទូរទស្សន៍ត្រូវបញ្ឈប់ការផ្សាយពាណិជ្ជកម្មអាហារបំប៉ន សុខភាពនិងឱសថបុរាណ ទាំងអស់នេះជាបន្ទាន់ ចាប់ពីពេលជូនដំណឹងនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/6/1-6-2015-4-07-42-pm-06-01-2015--16-13-17.png"><img src="/FileManager/Articles/mce/2015/1/6/1-6-2015-4-07-42-pm-06-01-2015--16-13-17.png" alt="" /></a><br /></span></p>
<p style="text-align: right;"><span style="color: #000000;"><span>ផ្ដល់សិទ្ធដោយ៖ ដើមអម្ពិល</span><br /></span></p>