<p><span><strong>ភ្នំពេញ៖</strong> តារាសម្តែង និងជាពិធីការិនីវ័យក្មេង សាច់សខ្ចីស្រីស្រស់នួនល្អង នេត សុចរិយា <br />ក្រោយពីឈានជើង ចូលប្រឡូកក្នុងវិស័យ សិល្បៈមួយរយៈមកនេះ ត្រូវបានមហាជនស្គាល់<br /> និងមើលឃើញថា នាង ជាតារាស្រីមួយដួង ដែលមានឱកាសច្រើន ក្នុងការបង្ហាញមុខ តាម<br />រយៈសម្តែងខ្សែភាពយន្ត និងធ្វើជាពិធីការិនី តាមបណ្តាកម្មវិធី របស់ទូរទស្សន៍ ក្នុងស្រុកនានា។</span></p>
<p>ស្របពេលការងារសិល្បៈ និងសន្ទុះនៃកេរ្តិ៍ឈ្មោះ របស់នាង កំពុងតែបោះជំហានទៅមុខ ដូច<br />កាំជណ្តើរ ស្រាប់តែថ្មីៗនេះក៏ឮព័ត៌មាន និយាយចេញមកថា នេត សុចរិយា មានគម្រោងផ្អាក<br />ពីសិល្បៈមួយរយៈ ដើម្បីយកពេល ទៅបើកមុខជំនួញ រកស៊ីផ្ទាល់ ខ្លួនខាងក្រៅ។ ខណៈដែល<br />មុននេះ ក៏មានព័ត៌មានថា នាងកំពុងតែត្រៀម ចំណាយលុយ ខ្ទង់រាប់ម៉ឺនដុល្លារ បើករបររកស៊ី<br />ផ្ទាល់ខ្លួន។</p>
<p>ផ្អែកតាមប្រភព លេចចេញពីរង្វង់អ្នកសិល្បៈ ជិតស្និទ្ធនឹងតារាស្រីរូបនេះ បានបង្ហើបប្រាប់គេហ<br />ទំព័រ LookingTODAY ថា សព្វថ្ងៃនេះ តារាសម្តែង នេត សុចរិយា កំពុងតែស្វះស្វែង ដើររកទីតាំង<br />បើកហាង រកស៊ីផ្ទាល់ខ្លួន ដែលនឹងត្រូវចំណាយទុន មិនក្រោមខ្ទង់ម៉ឺនដុល្លារនោះទេ។ នៅពេល<br /> នេត សុចរិយា រកទីកន្លែងរៀបចំបើក ហាងបានហើយនោះ ប្រហែលជាអាចនឹង សម្រេចចិត្តផ្អាក<br />សិល្បៈ មួយរយៈពេលខ្លី ដើម្បីនៅមើល ការខុសត្រូវ រហូតលេចចេញជាផ្លែផ្កា ដំណើរទៅមុខ<br />រលូន ទើបនាងចូលសិល្បៈវិញ។ ចំពោះទុនដែលតារារូបនេះ គ្រោងនឹងចំណាយ ត្រូវបានគេប៉ាន់<br />ស្មានថា មិនក្រោម២ម៉ឺនដុល្លារ នោះឡើយ។</p>
<p>គួររំឭកថា មុននេះបន្តិច ក៏មានព័ត៌មាននិយាយ ពីគម្រោងក្នុងការបើកហាងថ្មី របស់តារាសម្តែង<br />រូបស្រស់ នេត សុចរិយា ផងដែរ តែកាលនោះ មិនមាន ប្រតិកម្មអ្វីពី នាងនោះឡើយ។ ផ្ទុយទៅ<br /> វិញព័ត៌មាននេះ មិនទាន់ទាំងរសាយប៉ុន្មានផង ពេលនេះ ក៏ធ្លាយទៀតថា នាងចង់ផ្អាកសិល្បៈ <br />ដើម្បីយកពេល ទៅរកស៊ីផ្ទាល់ខ្លួនសិន។</p>
<p>ចំពោះគម្រោងថ្មីនេះ ត្រូវបានគេដឹងថា នេត សុចរិយា នឹងបើកជាហាងលក់សម្លៀកបំពាក់ លក្ខ-<br />ណៈយុវវ័យសម័យថ្មី តម្រូវម៉ូតគ្រប់បុរស-នារី។ ចំណែកឯលុយដែលនាង គ្រោងនឹងយកទៅចំ<br />ណាយ លើការបើកហាងរកស៊ី ផ្ទាល់ខ្លួននេះ មិនត្រូវបានប្រភពខាងលើ បញ្ជាក់ឲ្យច្បាស់ទេថា<br /> ជាលុយរបស់នាង ផ្ទាល់ខ្លួនទាំងអស់ ឬមួយមានជំនួយពី ខាងក្រៅនោះទេ។</p>
<p>ទាក់ទងនឹងព័ត៌មាននេះ គេហទំព័រ LookingTODAY មិនទាន់អាចទាក់ទង ដើម្បីសុំការបំភ្លឺ ពី នេត<br /> សុចរិយា បាននៅឡើយទេ កាលពីរសៀលថ្ងៃទី៣១ខែតុលា ឆ្នាំ២០១៣នេះ ។ គេហទំព័រ Looking<br />TODAY ស្វាគមន៍ជានិច្ច ចំពោះការចេញមុខ មកបកស្រាយ នៅពេលក្រោយ ពីសំណាក់ កញ្ញា <br />នេត សុចរិយា ដើម្បីឲ្យមហាជន បានដឹងពីការពិត៕</p>
<p><img src="http://image.lookingtoday.com:81/lookingtoday/looking-images/news/2013/June/id-065/PISETH-0318.jpg" alt="Looking Today" width="500" /></p>
<p><img src="http://111.92.240.170:81/lookingtoday/looking-images/news/2013/Jan/id-099/v_0799.jpg" alt="Photo by Looking Today" width="500" /></p>
<p><img src="http://111.92.240.170:81/lookingtoday/looking-images/news/2013/Jan/id-099/v_0802.jpg" alt="Photo by Looking Today" width="500" /></p>
<p><img src="http://111.92.240.170:81/lookingtoday/looking-images/news/2013/Jan/id-099/v_0803.jpg" alt="Photo by Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0463.jpg" alt="" width="500" /></p>
<p><img src="http://111.92.240.170:81/lookingtoday/looking-images/news/2013/March/id-099/v_1899.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>