<p><span style="color: #000000;"><strong>(តូក្យូ)៖</strong> ជើងហោះហើរជាង៤០០ ត្រូវបានសម្រេចលុបចោល បន្ទាប់ពីយន្តហោះរបស់កូរ៉េខាងត្បូង Korean Air ដឹកមនុស្ស ៣១៩នាក់បាន ជួបបញ្ហាហុយផ្សែងចេញពីម៉ាស៊ីនមួយចំហៀង កាលពីរសៀលថ្ងៃសុក្រ អំឡុងពេលរៀបហោះចេញតែប៉ុន្មានវិនាទីប៉ុណ្ណោះ។ នេះបើតាមការចេញផ្សាយដោយទីភ្នាក់ងារព័ត៌មានស៊ិនហួរ នាយប់ថ្ងៃសុក្រ ទី២៧ ខែឧសភា ឆ្នាំ២០១៦។</span></p>
<p><span style="color: #000000;">យន្តហោះខាងលើនេះជាប្រភេទ Boeing 777-300 ជាកម្មសិទ្ធិរបស់ Korean Air បានគ្រោងធ្វើ ដំណើរពីព្រលានយន្តហោះ Haneda ទីក្រុងតូក្យូ ទៅកាន់ទីក្រុងសេអ៊ូល ក៏ប៉ុន្តែគ្រាន់តែវារៀបហោះ ចេញនោះ ម៉ាស៊ីនស្លាបឆ្វេងរបស់វាក៏បានឆាបឆេះឡើង នាំឲ្យមានការជម្លៀសអ្នកនៅលើនោះទាំងអស់ ចេញជាបន្ទាន់តែម្តង កាលពីវេលាម៉ោង ១២៖៤០នាទីរសៀលម៉ោងនៅតូក្យូ។</span></p>
<p><span style="color: #000000;">វាជាសំណាងល្អបំផុតមួយ ដែលវាកើតឡើងអំឡុងពេលរៀបហោះចេញ។ រហូតមកដល់ពេលនេះ ក្រុមជំនាញកំពុង ពិនិត្យរកមើលមូលហេតុពិតប្រាកដ ដែលបង្កអគ្គីភ័យនេះឡើង ហើយចំពោះ ការភ័យខ្លាចថាមានភេរវកម្មនោះ ត្រូវបានប៉ូលិសជប៉ុនច្រានចោលផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/28/3-28-05-2016--10-35-24.png"><img src="/FileManager/Articles/mce/2016/5/28/3-28-05-2016--10-35-24.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្រ្វេសញ៉ូវអាសុី</span></p>