<p><span style="color: #000000;"><strong>(ព្រះសីហនុ)៖</strong> ភ្នាក់ងារអង្គភាពព័ត៌មាន Fresh News ប្រចាំខេត្តព្រះសីហនុ បានរាយការណ៍មកថា នៅខណៈនេះ (ម៉ោងប្រមាណ៦ល្ងាច ថ្ងៃទី០៤ ខែកុម្ភៈ ឆ្នាំ២០១៦) កម្លាំងអាជ្ញាធរ ខេត្តព្រះសីហនុ បាននិងកំពុងវាយកម្ទេចរបងសណ្ឋាគារ របស់ភរិយាលោក ស្បោង សារ៉ាត់ ប្រធានក្រុមប្រឹក្សា ខេត្តព្រៃវែង និងរបង ផ្ទះល្វែងរបស់ឧកញ៉ា អ៊ូ ឆាយ ដែលបានសង់រំលោភលើឆ្នេរឯករាជ្យ ស្ថិតនៅក្នុងសង្កាត់លេខ៣ ក្រុង-ខេត្តព្រះសីហនុ។</span></p>
<p><span style="color: #000000;"><strong>អ្នកយកព័ត៌មានរបស់ Fresh News បានឲ្យដឹងទៀតថា ការវាយកម្ទេចនេះ បានធ្វើឡើងបន្ទាប់ពីគណៈកម្មាធិការគ្រប់គ្រង និង អភិ វឌ្ឍតំបន់ឆ្នេរសមុទ្រកម្ពុជា បានកោះហៅម្ចាស់ក្រុមហ៊ុនទាំងនេះ ទៅសួរនាំនៅថ្ងៃទី០៣ ខែកុម្ភៈ ឆ្នាំ២០១៦ម្សិលមិញនេះ។</strong></span></p>
<p><span style="color: #000000;">ក្រោយបើកកិច្ចប្រជុំ ម្ចាស់ក្រុមហ៊ុន បានឯកភាពតាមសំណើររបស់អាជ្ញាធរ ក្នុងការវាយកម្ទេចរបង ដើម្បីដកហូតឆ្នេរមកវិញ ទុកជាសម្បត្តិសាធារណៈបម្រើដល់វិស័យទេសចរណ៍។</span></p>
<p><span style="color: #000000;">លោក ប៉ែន សុផល រដ្ឋលេខាធិការក្រសួងដែនដី នគរូបនីយកម្ម និងសំណង់ បានប្រាប់ Fresh News ថា មានក្រុមហ៊ុនចំនួន៣ នៅលើឆ្នេរឯករាជ្យ ដែលតម្រូវឲ្យរុះរើរបង និងរបាំងក្នុងជំហ៊ានដំបូង ហើយគណៈកម្មកាធិការគ្រប់គ្រង់ និង អភិវឌ្ឍតំបន់ឆ្នេរសមុទ្រកម្ពុជា នឹងពិនិត្យទៅលើផលប៉ះពាល់ផ្សេងៗទៀត។ បើតាមលោក ប៉ែន សុផល ការរុះរើនេះ គឺភាគីក្រុមហ៊ុនស្ម័គ្រចិត្តរុះរើដោយខ្លួនឯង ។</span></p>
<p><span style="color: #000000;">លោក ប៉ែន សុផល បានបញ្ជាក់ថា ការចាត់វិធានការទៅលើសំណង់នៅឆ្នេរឯករាជ្យនេះ ធ្វើឡើងដោយគោរពតាម ស.ជ.ណ របស់ រាជរដ្ឋាភិបាល ហើយគណៈកម្មាធិការគណៈកម្មាធិការគ្រប់គ្រង និង អភិវឌ្ឍតំបន់ឆ្នេរសមុទ្រកម្ពុជា នឹងពិនិត្យទៅតាមតំបន់ផ្សេងៗ ទៀតផងដែរ។</span></p>
<p><span style="color: #000000;">សូមបញ្ជាក់ថា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅថ្ងៃទី០២ ខែកុម្ភៈ បានសម្រេចបង្កើតក្រុមការងារពិសេស មួយដែលមានទេសរដ្ឋមន្រ្តី រដ្ឋមន្រ្តីក្រសួងដែនដី នគរូបនីយកម្ម និងសំណង់ លោក អឹម ឈុនលឹម ជាប្រធានឲ្យពិនិត្យទៅលើការគ្រប់គ្រងតំបន់ឆ្នេរសមុទ្រខេត្តព្រះសីហនុ។ តំបន់ ដែលត្រូវពិនិត្យនោះរួមមាន៖</span><br /><span style="color: #000000;">១. ករណីបឹងព្រែកទប់ ស្ថិតនៅសង្កាត់លេខ៣ ក្រុងព្រះសីហនុ</span><br /><span style="color: #000000;">២. ករណីឆ្នេរឯករាជ្យស្ថិតនៅសង្កាត់លេខ៣ ក្រុងព្រះសីហនុ</span><br /><span style="color: #000000;">៣. ករណីឆ្នេរអូរត្រេះ ស្ថិតនៅសង្កាត់លេខ៤ ក្រុងព្រះសីហនុ</span><br /><span style="color: #000000;">៤. ករណីឆ្នេរអូរឈើទាល (ទល់មុខដីក្រុមហ៊ុន សុខា អូតែល អតីតអារីស្តុន) ស្ថិតនៅសង្កាត់លេខ៤ ក្រុងព្រះសីហនុ</span><br /><span style="color: #000000;">៥. ករណីឆ្វៀលដីស្បែកខ្លាជូនប្រជាពលរដ្ឋ និងការដោះស្រាយបញ្ហាសំណង់លើទឹក លើដីចំណីឆ្នេរ និងឆ្នេរខ្សាច់កោះរ៉ុង ស្ថិតនៅសង្កាត់កោះរ៉ុង ក្រុងព្រះសីហនុ៕</span></p>
<div class="fb-video" data-allowfullscreen="1" data-href="/freshnewsasia/videos/vb.199402103564922/510323915806071/?type=3">
<div class="fb-xfbml-parse-ignore">
<blockquote>
<p><span style="color: #000000;">អាជ្ញាធរវាយកម្ទេចសំណង់ភរិយាលោក ស្បោង សារ៉ាត់ និងឧកញ៉ា អ៊ូ ឆាយ ដែលសង់រំលោភយកឆ្នេរសមុទ្រឯករាជ្យ</span></p>
<span style="color: #000000;">Posted by <a href="https://www.facebook.com/freshnewsasia/"><span style="color: #000000;">Fresh News</span></a> on Thursday, February 4, 2016</span></blockquote>
</div>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12647459_1554075938240105_8141739254822125377_n.jpg?oh=af2f1ceee01aedbab43e4dffd05b12aa&oe=5724B778" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtp1/v/t1.0-9/12662523_1554075941573438_8343888872060031913_n.jpg?oh=3ff61744796d3ebae08a6b94cc4ef300&oe=5723B23F&__gda__=1462541849_aa0ba8403acaf212a49ef04141b6db06" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/v/t1.0-9/12592661_1554075944906771_6795680107770469414_n.jpg?oh=a3f3e1b333c5622159596a7f1e771ed5&oe=5729D0A7&__gda__=1462064838_430219db85ad55e49894f3c9dfd4373f" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12688018_1554075981573434_4997958961634648887_n.jpg?oh=c939dd15903945167946dc3e5c4de2d7&oe=5729A408" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/12651269_1554075978240101_3929130896137601079_n.jpg?oh=27767a512b02ecd68e6ffccc3b4d2e31&oe=5742BFB8&__gda__=1463585768_2b181663ab08544492fc9045a63bfd23" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/t31.0-8/12657765_1554076021573430_4994342134300015196_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>