<p><span style="color: #000000;"><strong>ភ្នំពេញ៖</strong> ឪពុក-ម្តាយ របស់លោកឧកញ៉ា ថោង សារ៉ាត់ ត្រូវបានសមត្ថកិច្ចឃាត់ខ្លួន និងបញ្ជូនឡើងតុលាការជា ថ្មីនាម៉ោង ១០ព្រឹកថ្ងៃទី១៦ ខែកុម្ភៈ ឆ្នាំ២០១៥នេះ បន្ទាប់ពីសាលាដំបូង បានដោះលែងឲ្យមានសេរីភាពមួយ រ យៈពេលខ្លីនោះ។</span></p>
<p><span style="color: #000000;">មន្រ្តីនគរបាលជាន់ខ្ពស់រាជធានីភ្នំពេញ បានថ្លែងឲ្យដឹងថា ឪពុកម្តាយ ឧកញ៉ា ថោង សារ៉ាត់ ត្រូវបានចាប់ខ្លួន កាលពីយប់មិញ នៅក្នុងនៅម្តុំសាឡាងអ្នកលឿងត្រើយខាងកើត ក្នុងទឹកដីខេត្តព្រៃវែង ខណៈពួកគេកំពុងធ្វើដំ ណើរទៅកាន់ប្រទេសវៀតណាម។ មន្រ្តីជាន់ខ្ពស់រូបនោះបានបញ្ជាក់ថា ការចាប់ធ្វើឡើងដោយមានការសហការ ជាមួយកម្លាំងអាវុធហត្ថ និងនគរបាលខេត្តព្រៃវែង ហើយបញ្ជូនមកកាន់រាជធានីភ្នំពេញ។</span></p>
<p><span style="color: #000000;">សូមបញ្ជាក់ថា ចៅក្រមសាលាដំបូងរាជធានីភ្នំពេញ លី សុខឡេង បានចេញដីកាឲ្យដោះលែងឪពុក-ម្តាយ ថោ ង សារ៉ាត់ នៅថ្ងៃទី០៧ ខែកុម្ភៈ ឆ្នាំ២០១៥។ ការដោះលែងនេះ ត្រូវបានឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ លោក ស ខេង ក្នុងឱកាសអញ្ជើញចូលរួមកិច្ចប្រជុំបូកសរុប ការងាររបស់សាលារាជធានីភ្នំពេញនាពេលថ្មីៗនេះ បានសម្តែងប្រ តិកម្មយ៉ាងខ្លាំង។ ក្រោយប្រតិកម្មនេះ លោក ថោង ចំរើន និងអ្នកស្រី កែវ សារី ឪពុក-ម្តាយ របស់លោកឧកញ៉ា ថោង សារ៉ាត់ ក៏ត្រូវបានសមត្ថកិច្ចតាមចាប់ខ្លួនជាថ្មី៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/16/2-16-2015-11-08-45-am-16-02-2015--11-13-33.png"><img src="/FileManager/Articles/mce/2015/2/16/2-16-2015-11-08-45-am-16-02-2015--11-13-33.png" alt="" /></a></span></p>
<p style="text-align: right;"><span>ផ្ដល់សិទ្ធដោយ ដើមអម្ពិល</span><span style="color: #000000;"><br /></span></p>