<p style="text-align: left;">បន្ទាប់ពីមានជំលោះក្តីរវាងគ្នានឹងគ្នាអូសបន្លាយអស់រយៈពេលដ៏យូរលង់កន្លងមកដែលគេមិន<br />នឹកស្មានថានឹងមានពេលអាចបញ្ចប់បាននោះ ទីបំផុតជំលោះរវាងក្រុមហ៊ុនទាំងពីរគឺ Apple និង<br /> Samsung ហាក់មានសញ្ញាបង្ហាញពីភាពធូរស្រាលជាបណ្តើរៗហើយពេលនេះ។<br /><a class="thickbox" title="" href="/FileManager/Commons/2012/4/18/applesamsunglogos-18-04-2012--12-07-41.jpg"><img src="/FileManager/Articles/mce/2012/4/18/applesamsunglogos-18-04-2012--12-07-41.jpg" alt="" /></a><br />សេចក្តីប្រកាសមួយកាលពីថ្ងៃទី ១៧ ខែមេសា ម្សិលម៉ិញនេះ ប្រភពពត៌មាន Reuters និយាយ<br />ថា អគ្គនាយកប្រតិបត្តិ (CEO) របស់ Apple និង Samsung បានយល់ព្រមអង្គុយតុរួមគ្នាដើម្បីធ្វើ<br />ការពិភាក្សារកដំណោះស្រាយដ៏សមស្របមួយសំរាប់ភាគីទាំងពីរហើយ។<br /><br />ចៅក្រម Lucy Koh បានធ្វើការស្នើសុំដល់ក្រុមហ៊ុននាំមុខគេផ្នែកវិស័យបច្ចេកវិទ្យាទាំងពីរនេះ<br />ដើម្បីចូលរួមនៅក្នុងកិច្ចពិភាក្សាគ្នាមួយដែលមានរយៈពេលកំណត់ ៩០ ថ្ងៃ ដែលក្នុងនោះមាន<br />ចៅក្រមមួយរួបនឹងដើរតួជាអ្នកសម្របសម្រួលផងដែរ។<br /><br />ចំពោះទង្វើជាវិជ្ជមានដែលបានលើកឡើងខាងលើ អង្គពិភាក្សាសង្ឃឹមថា Apple និង Samsung<br />នឹងឆាប់រកឃើញនូវភាសាជារួមមួយ ដើម្បីអាចធ្វើការដោះស្រាយបាននូវរាល់ជំលោះក្តីទាំង<br />ឡាយដែលមិនត្រឹមតែកើតមានក្នុងប្រទេសអាមេរិកប៉ុណ្ណោះនោះទេ គឺទាំងនៅបណ្តាប្រទេស<br />ផ្សេងៗមួយចំនួនទៀតនៅទូទាំងពិភពលោកនេះទៀតផង។<br /><br />បើតាមគំរោងពេលកន្លងមក ក្រុមហ៊ុន Apple និង Samsung នឹងត្រូវបង្ហាញវត្តមាននៅក្នុងតុលា<br />ការដែលនឹងប្រព្រឹត្តឡើងនៅក្នុងខែកក្កដាខាងមុខនេះក្នុងប្រទេសអាមេរិក ហើយប្រសិនបើភាគី<br />ទាំងពីរអាចធ្វើការសម្របសម្រួលគ្នាទទូលបានជោគជ័យមែននោះ នោះប្រាកដណាស់ថាបរិយា<br />កាសជំលោះក្តីរវាងក្រុមហ៊ុនទាំងពីរនឹងមានការធូរស្រាលបានយ៉ាងច្រើន៕<br /><br /><em> ប្រភព៖</em> <cite>Macrumors</cite><br /><em> ដោយ៖ រស្មី</em><br /><br /></p>