<p><span style="color: #000000;"><strong>(ភ្នំពេញ)៖</strong> ស្របពេលក្រុមជម្រើសជាតិកម្ពុជា ត្រូវបានប្រមូលផ្ដុំរយៈពេលជាង ១សប្ដាហ៍មកនេះ គឺមិនមានវត្តមានខ្សែប្រយុទ្ធឆ្នើម ចាន់ វឌ្ឍនាកា នោះទេ ដោយសារគេជាប់បេសកកម្មទស្សនៈកិច្ច និងហ្វឹកហាត់នៅជប៉ុន។ ប៉ុន្ដែការអវត្តមានរបស់អ្នកលេងជើងឆ្វេងរូបនេះ មិនបានធ្វើឲ្យប៉ះពាល់ដល់ក្រុមនោះទេ ផ្ទុយទៅវិញ វានឹងទទួលបានផលចំណេញសម្រាប់ក្រុមកំពុងត្រៀមប្រកួតពាន AFF Suzuki Cup 2016 វគ្គចែកពូលនេះទៅវិញ ។ នេះបើតាមការលើកឡើងរបស់លោក Lee Tae Hoon គ្រូបង្វឹកក្រុមជម្រើសជាតិកម្ពុជា។</span></p>
<p><span style="color: #000000;">លោក Lee បានឲ្យដឹងក្រោយដឹកនាំក្រុមយកឈ្នះក្រុមភ្នំពេញក្រោន ៣-១ ក្នុងជំនួបមិត្តភាពល្ងាចមិញថា ការចេញទៅហាត់នៅជប៉ុន គឺជាឱកាសដ៏ល្អដែល ចាន់ វឌ្ឍនាកា ត្រូវអភិវឌ្ឍន៍ខ្លួន និងនាំមកវិញនូវបទពិសោធន៍ បច្ចេកទេសថ្មីៗ សម្រាប់ចែករំលែកដល់មិត្តរួមក្រុម ។ ជារួមគឺមានផលប្រយោជន៍ច្រើន សម្រាប់ក្រុមជម្រើសជាតិកម្ពុជា។ យ៉ាងណាមិញគេត្រឡប់មកវិញថ្ងៃនេះហើយ ដូច្នេះឱកាសនៃការហ្វឹកហាត់ជុំគ្នាត្រៀមប្រកួតពានកម្រិតអាស៊ានខាងលើ ក៏មិនមានផលប៉ះពាល់អ្វីដែរ ។</span></p>
<p><span style="color: #000000;">គួរបញ្ជាក់ថា ខ្សែប្រយុទ្ធមកពីក្លឹបបឹងកេតអង្គរ ចាន់ វឌ្ឍនាកា បានចេញទៅជប៉ុន កាលពីយប់ថ្ងៃទី៣១ ខែតុលាកន្លងទៅ ដើម្បីទស្សនៈកិច្ច និងហ្វឹកហាត់ជាមួយក្លឹប Fujieda MYFC រយៈពេលមួយសប្ដាហ៍ ដើម្បីផ្លាស់ប្ដូរបទពិសោធន៍ តាមរយៈការអញ្ជើញរបស់ថ្នាក់ដឹកនាំក្លឹបនៃលីគលំដាប់ទី៣ របស់ប្រទេសជប៉ុននេះ។ ប៉ុន្ដែបើតាមការឲ្យដឹងពីលោក បែរ មករា អ្នកចាត់ក្រុមបឹងកេត នៅរសៀលនេះលោក និង វឌ្ឍនាកា នឹងធ្វើដំណើរមកដល់កម្ពុជាវិញហើយ៕</span></p>
<p><a class="thickbox" title="" href="/FileManager/Commons/2016/11/8/10-08-11-2016--13-59-14.jpg"><img src="/FileManager/Articles/mce/2016/11/8/10-08-11-2016--13-59-14.jpg" alt="" /></a></p>
<p><span style="color: #000000;">ចាន់ វឌ្ឍនាកា (រូបទី២ រាប់ពីឆ្វេង)</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t1.0-9/14915410_1802290550010462_8463766331838856498_n.jpg?oh=0b7b15987d893057cc79ef6e48c5b425&oe=5890D339&__gda__=1490229426_b31452d47d0a422cb7bee6d426a64106" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14938268_1802290556677128_4470481148477670967_n.jpg?oh=a0cd4dda77f38281f50709c75538ca71&oe=5887C684" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>