<p><span style="color: #000000;"><strong>(ភ្នំពេញ)៖</strong> លោក អ៊ុក គឹមសេង អនុរដ្ឋលេខាធិការ ក្រសួងព័ត៌មានបានបញ្ជាក់ឲ្យដឹងនៅមុននេះបន្តិចនារសៀលថ្ងៃទី២៦ ខែធ្នូនេះថា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានកំណត់យកថ្ងែទី១៤ ខែមករា ឆ្នាំ២០១៧ ជាថ្ងៃជួបជាមួយអ្នកសារព័ត៌មាន។ លោក អ៊ុក គឹមសេង បានបញ្ជាក់ទៀតថា ក្នុងមួយអង្គភាពអនុញ្ញាតឲ្យចូលរួមពី៣-៤នាក់។</span></p>
<p><span style="color: #000000;">ចំពោះទីកន្លែងសម្រាប់ការជួបជុំ មិនទាន់ត្រូវបានប្រកាសឲ្យដឹងនៅឡើយនោះទេ។</span></p>
<p><span style="color: #000000;">សមាសភាពអ្នកចូលរួមក្នុងកម្មវិធីជួបជុំនេះរួមមាន ឥស្សរជនអតីតជាអ្នកដឹកនាំកាសែត, អ្នកកាសែតក្នុងស្រុកល្បីៗ, អ្នកអត្ថាធិប្បាយវិទ្យុ ទូរទស្សន៍, អ្នកថតរូប ថតទូរទស្សន៍, អ្នកកាសែត, និពន្ធនាយកកាសែត ទស្សនាវដ្តី, អ្នកនាំពាក្យ តាមស្ថាប័នក្រសួង រាជធានីខេត្ត, ប្រធានមន្ទីរព័ត៌មានរាជធានី-ខេត្ត, អ្នកកាសែត Online ប្រមាណជាជាង៧០០នាក់៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-26-18-26-46-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>