<p><span style="color: #000000;"><strong>(ភ្នំពេញ)៖</strong> ប្រធានស្តីទីគណបក្សសង្រ្គោះជាតិ លោក កឹម សុខា នៅថ្ងៃ៨ ខែមីនា ឆ្នាំ២០១៦នេះ បានបង្ហាញរូបភាពភរិយា និងកូនស្រី២នាក់របស់លោក ហើយបានជូនពរដល់ស្រ្តីទាំងអស់នៅក្នុងឱកាសទិវាសិទ្ធិនារីអន្តរជាតិ។</span></p>
<p><span style="color: #000000;">នៅលើបណ្តាញសង្គម Facebook លោក កឹម សុខា បានជូនពរដល់ស្រ្តីទាំងឡាយឱ្យជួបនឹងពុទ្ធពរ៤ប្រកាស ជាមួយគ្នានេះ លោកក៏បានបង្ហាញរូបម្តាយរបស់ ភរិយារបស់លោក គឺលោកស្រី តែ ច័ន្ទមនោ និង កូន២នាក់គឺ កញ្ញាកឹម មនោវិទ្យា និង លោកស្រី កឹម សម្មាធីតា។</span></p>
<p><span style="color: #000000;">លោកបានលើកឡើងថា «ក្នុង “ទិវានារីអន្ដរជាតិ” ថ្ងៃទី០៨ ខែមីនា ឆ្នាំ២០១៦ ខ្ញុំសូមប្រសិទ្ធពរជូនដល់ស្ដ្រីក្នុងពិភពលោក រួមទាំងស្រ្ដីខ្មែរទាំងអស់ ជាពិសេសចំពោះអ្នកម្ដាយដ៏មានគុណ ភរិយាដ៏ឧត្តុងឧត្តម និងកូនស្រីជាទីស្រលាញ់របស់ខ្ញុំ។ សូមទទួលបាននូវពុទ្ធពរទាំង៤ ប្រការគឺ ៖ ១.អាយុៈ សូមឲ្យមាន អាយុ យឺនយូរ ២.វណ្ណៈ សូមឲ្យមានពណ៌សម្បុរ ស្រស់ស្អាត ៣.សុខៈ សូមឲ្យមាន សុខភាពល្អ ៤.ពលៈ សូមឲ្យមាន កម្លាំងមាំមួន»។</span></p>
<p><span style="color: #000000;">សូមជំរាបថា រយៈពេលជាង១សប្តាហ៍កន្លងទៅនេះ រឿងអាស្រូវរបស់លោក កឹម សុខា បានផ្ទុះឡើងជាថ្មី នៅលើបណ្តាញសង្គម Facebook និងសារព័ត៌មាន បន្ទាប់ពីមានការបែកធ្លាយសំឡេងសាសងស្នេហាមួយ រវាងបុរសម្នាក់ដែលគេជឿថា ជាសម្លេងរបស់លោក កឹម សុខា ជាមួយនារី២រូប ឈ្មោះ «ស្រីមុំ» និង «ម៉ាក់អានីតា» ដែលគេសង្ស័យថាជាស្រីកំណាន់។</span></p>
<p><span style="color: #000000;">បន្ទាប់ពីបែកធ្លាយសម្លេងខ្សែអាតនេះ លោក កឹម សុខា និងមន្រ្តីគណបក្សសង្រ្គោះជាតិ បានព្យាយាមមិនបកស្រាយ ជុំវិញការផ្ទុះរឿងអាស្រូវស្នេហាតាមរយៈខ្សែអាត់សំឡេងនេះ ហើយនិយាយតែគោលដៅឆ្ពោះទៅរកការបោះឆ្នោតទៅវិញ៕</span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xft1/v/t1.0-9/12791039_1302244106459552_383141858634062061_n.jpg?oh=21f5e59e28c90154a65d309781ed4765&oe=575BA40A" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xtf1/v/t1.0-9/12803191_1302244103126219_7189632711642569473_n.jpg?oh=c0027b9d30205aa3a35874167a9308b7&oe=57507EE2" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfl1/v/t1.0-9/12801376_1302244116459551_1147449203395252167_n.jpg?oh=b48d89cd37a1f5fb2113dfb569558409&oe=579834CC&__gda__=1465754505_a8f7eb553b1467a908bb473994876b7c" alt="" width="730" /></span></p>
<p style="text-align: right;"><span style="color: #000000;"><span class="a2a_kit a2a_kit_size_32 addtoany_list" style="line-height: 32px;" data-a2a-url="http://www.freshnewsasia.com/index.php/en/19431-2016-03-06-02-00-11.html" data-a2a-title="ឃាតកម្មសាហាវមួយទៀតហើយនៅសៀមរាប យុវជនល្មោភកាមរំលោភហើយសម្លាប់ កុមារីអាយុ១១ឆ្នាំម្នាក់">ផ្តល់សិទ្ធដោយ ៖ ហ្វ្រេសញូវអាស៊ី </span></span></p>