<p><span style="color: #000000;">ព័ត៌មានកីឡា៖ ឯកសារថតចម្លងពាក្យសម្ដីឆ្លើយឆ្លងតាមទូរស័ព្ទដែលត្រូវបានទទួលការចោទប្រកាន់ ទៅលើកីឡាករខ្សែប្រយុទ្ធក្លឹប Real Madrid ត្រូវបានគេទម្លាយ ហើយខណៈដែលពាក្យសម្ដីនោះបានត្រូវគេរាយការណ៍ថា Karim Benzema បានប្រាប់ទៅ Mathieu Valbuena ប្រសិនជាចង់ឲ្យវីដេអូអាសអាភាសនោះ ត្រូវបំផ្លាញ ចូលមកជួបជាមួយនឹងមិត្ដភក្ដិម្នាក់នៅក្នុងទីក្រុង Lyon (ទីក្រុងក្នុងប្រទេសបារាំង)។ </span></p>
<p><span style="color: #000000;">Karim Benzema បានធ្លាក់ខ្លួនត្រូវតុលាការ ទីក្រុង Versailles ធ្វើការចោទប្រកាន់ កាលពីសប្ដាហ៍មុន ជាមួយនឹងរឿងរ៉ាវដ៏ស្មុគស្មាញ កើតចេញពីសារខ្មៅមួយ ទាក់ទងនឹងវីដេអូអាសអាភាសរបស់កីឡាករ Mathieu Valbuena ដែលជាមិត្ដភក្ដិ ក្នុងក្រុមជម្រើសជាតិបារាំងជាមួយគ្នា ហើយឈានទៅដល់ការចម្រិតទារប្រាក់ដើម្បីជាការដោះដូរនឹង វីដេអូមួយនោះ។ ករណីមួយនេះ មិនទាន់បានគេចផុតពីការស៊ើបអង្កេតពីភ្នាក់ងារប៉ូលីសនៅឡើយ ទេខណៈដែល កីឡាករ Mathieu Valbuena ក៏មិនទាន់អនុញ្ញាតឲ្យមានការជួបផ្ទាល់ផងដែរ ។ មេធាវីរបស់ Karim Benzema លោក Sylvain Cormier នៅតែបន្ដការគាំទ្រកីឡាករដដែលថា គឺមិនបានពាក់ព័ន្ធនឹងករណីមួយនេះ នោះទេ។ </span></p>
<p><span style="color: #000000;">យោងតាម ការសែត L'Equipe និង Europe 1 បានចេញផ្សាយកាលពីថ្ងៃពុធ អំពីពាក្យសម្ដីឆ្លើយឆ្លងគ្នារវាង កីឡាករ Karim Benzema និង មិត្ដភក្ដិកីឡាករម្នាក់ទៀតឈ្មោះថា Karim Zenati កាលពីថ្ងៃទី៦ ខែតុលា កន្លងទៅ បាននិយាយទៅកាន់ Mathieu Valbuena ថា " ខ្ញុំរង់ចាំនៅទីនេះ ដើម្បីជួយដោះស្រាយបញ្ហា អ្នកនឹងត្រូវតែជួបបុរសម្នាក់នោះ ដែលគេនឹងមក និងមកជួបអ្នក" Karim Benzema និយាយ។ </span></p>
<p><span style="color: #000000;">Karim Benzema បានពន្យល់ប្រាប់ Zenati ពីពាក្យសម្ដីដែលគាត់ប្រាប់ទៅ កាន់ Valbuena ថា» ប្រសិនជាអ្នកចង់ឲ្យវីដេអូនោះបំផ្លាញ មិត្ដភក្ដិរបស់ខ្ញុំម្នាក់ទៀត នឹងទៅជួបអ្នកក្នុងទីក្រុង Lyon ។ ចូលអ្នកនិយាយជាមួយគេទៅ អ្នកនឹងអាចមើលឃើញ និងដឹងអ្វីៗគ្រប់យ៉ាងដែលអ្នកចង់ដឹង ប៉ុន្ដែប្រសិនជាអ្នកមិនចង់នោះទេ នោះគឺជារឿងជីវិតរបស់អ្នក ...ខ្ញុំសូមប្រាប់អ្នកឲ្យហើយ»។ </span></p>
<p><span style="color: #000000;">សូមបញ្ជាក់ឡើងវិញផងដែរថា ទាំងនេះគឺជាពាក្យសម្ដីរបស់ Benzima ពន្យល់ប្រាប់ទៅកាន់ Karim Zenati អំពីដំណឹង ដែលគាត់បានប្រាប់ទៅកាន់ Valbuena មុនពេលចាប់ខ្លួន។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/12/11-12-2015-10-14-44-am-12-11-2015--10-22-41.png"><span style="color: #000000;"><img src="/FileManager/Articles/mce/2015/11/12/11-12-2015-10-14-44-am-12-11-2015--10-22-41.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/12/11-12-2015-10-16-27-am-12-11-2015--10-23-37.png"><span style="color: #000000;"><img src="/FileManager/Articles/mce/2015/11/12/11-12-2015-10-16-27-am-12-11-2015--10-23-37.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ onefootball</span></p>