<p><span style="color: #000000;">សូមស្វែងយល់អំពីមូលហេតុដែលនាំឱ្យហែកឃើរ (hacker) អាចលួចគណនី facebook របស់អ្នក</span><br /><span style="color: #000000;"> ដោយមិនបាច់ប្រើបច្ចេកវិទ្យាជាន់ខ្ពស់។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/1/fb1-01-07-2016--09-21-29.jpg"><span style="color: #000000;"><img src="/FileManager/Articles/mce/2016/7/1/fb1-01-07-2016--09-21-29.jpg" alt="" /></span></a></span></p>
<p><span style="color: #000000;">ចូរស្រមៃថា ថ្ងៃណាមួយ ផ្ទះរបស់អ្នកនឹងត្រូវចោរចូលលួច ដោយគ្រាន់តែហៅទូរស័ព្ទ និងឆ្លើយ</span><br /><span style="color: #000000;">ពីរបីសំនួរសាមញ្ញដែលគេបានដាក់ចេញ។ វានឹងមិនមានបន្សល់ទុកសញ្ញាណាមួយទាក់ទឹននឹង</span><br /><span style="color: #000000;">ការលួចចូលនោះទេ ដោយគ្រាន់តែប្រើទូរស័ព្ទ ហៅទៅកាន់ភ្នាក់ងារបម្រើសេវាកម្មអតិថិជន និង</span><br /><span style="color: #000000;">ត្រៀមចម្លើយក្លែងក្លាយប៉ុន្មានសំនួរដើម្បីកុហកប្រព័ន្ធសំនួរសុវត្ថិភាពគឺជាការស្រេច។</span></p>
<p><span style="color: #000000;">ពិតណាស់ រឿងមិនគួរឱ្យជឿនេះត្រូវបានធ្វើឡើងដោយហែកឃើរម្នាក់ ចំពោះគណនី Facebook</span><br /><span style="color: #000000;"> របស់បុរសម្នាក់ឈ្មោះ Aaron Thompson អាយុ ២៣ឆ្នាំ។ កាលពីប៉ុន្មានថ្ងៃកន្លងទៅ Aaron </span><br /><span style="color: #000000;">Thompson មានការភ្ញាក់ផ្អើលជាខ្លាំង ដោយមិនអាចចូលទៅកាន់ទំព័រ facebook របស់ខ្លួន ជាង</span><br /><span style="color: #000000;">នេះ email និងលេខទូរស័ព្ទដែលប្រើសម្រាប់គណនី ក៏ត្រូវបានប្ដូរផ្លាស់។</span></p>
<p><span style="color: #000000;">បណ្ដា page ទាំងឡាយរបស់ Thompson ត្រូវបានបាត់បង់ ហើយការចំណាយពេលប៉ុន្មានឆ្នាំ</span><br /><span style="color: #000000;">កន្លងសម្រាប់គណនីនេះ ក៏ក្លាយជារឿងឥតប្រយោជន៍។</span></p>
<p><span style="color: #000000;">ហេតុការណ៍ត្រូវបានបំភ្លឺ បន្ទាប់ពី Thompson ធ្វើការ “ស៊ើបអង្កេត” ៖ ហែកឃើរម្នាក់ បានទំនាក់</span><br /><span style="color: #000000;">ទំនងទៅកាន់ភ្នាក់ងារបម្រើសេវាអតិថិជនរបស់ Facebook តាមរយៈឧបករណ៍ដែលមានស្រាប់</span><br /><span style="color: #000000;">របស់បណ្ដាញសង្គមនេះ។ ក្រោយមកហែកឃើរម្នាក់នេះ ក៏បានទទួលជោគជ័យក្នុងការបញ្ចុះ</span><br /><span style="color: #000000;">បញ្ចូលភ្នាក់ងារបម្រើសេវាអតិថិជនឱ្យប្រាប់នូវព័ត៌មានទាំងឡាយដែលអាចចូលទៅកាន់ទំព័រ </span><br /><span style="color: #000000;">Facebook របស់ Thompson ។</span></p>
<p><span style="color: #000000;">អ្វីដែលគួរឱ្យអស់សំណើច គឺថា ហែកឃើរនេះ មិនបានប្រើប្រាស់បច្ចេកវិទ្យាជាន់ខ្ពស់ណាមួយ</span><br /><span style="color: #000000;">ក្នុងការហែកចូលគណនីរបស់ Thompson នេះទេ។</span></p>
<p><span style="color: #000000;">ក្នុងប្រអប់សំបុត្រ និងសារឯកជនរបស់ Thompson គេឃើញមានការឆ្លើយឆ្លងគ្នារវាង </span><br /><span style="color: #000000;">"Thompson" (នៅទីនេះគឺជាហែកឃើរ) ជាមួយនឹងបុគ្គលិកបម្រើសេវាអតិថិជន ៖</span></p>
<p><span style="color: #000000;">“សូមជម្រាបសួរ។ បច្ចុប្បន្ន ខ្ញុំលែងមានសិទ្ធិចូលទៅកាន់ទំព័រ Facebook របស់ខ្ញុំ ហើយក៏លែងគ្រប់គ្រងលេខទូរស័ព្ទរបស់ខ្ញុំទៀតហើយដែរ។ សូមមេត្តាបិទប្រព័ន្ធត្រួតពិនិត្យកូដ ក៏ដូចជាការ</span><br /><span style="color: #000000;">ទទួលស្គាល់ការ log in នៅលើទំព័ររបស់ខ្ញុំ។ សូមអរគុណច្រើន។” (នេះគឺជាការសំណូមពររបស់</span><br /><span style="color: #000000;">ហែកឃើរ ទៅកាន់ភ្នាក់ងារបម្រើសេវាអតិថិជនរបស់ Facebook)។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/1/fb-01-07-2016--09-21-46.jpg"><span style="color: #000000;"><img src="/FileManager/Articles/mce/2016/7/1/fb-01-07-2016--09-21-46.jpg" alt="" /></span></a></span></p>
<p><span style="color: #000000;">ចម្លើយស្វ័យប្រវត្តមួយត្រូវបានឆ្លើយតបពី Facebook ដោយបានស្នើឱ្យម្ចាស់គណនីផ្ញើរូបថត</span><br /><span style="color: #000000;">មួយសន្លឹក ឬរូបស្កេនពីអត្តសញ្ញាណបណ្ណ ដើម្បីផ្ទៀងផ្ទាត់។ បន្ទាប់មក ជនល្មើសបានផ្ញើរូប</span><br /><span style="color: #000000;">ស្កេនពីអត្តសញ្ញាណបក្លែងក្លាយមួយ រួមនឹងការស្នើឱ្យ “លុបចោលនូវជំហានទទួលស្គាល់ </span><br /><span style="color: #000000;">(confirm) ដោយកូដ ដ៏ដូចជា log in ទន្ទឹមនឹងការស្នើឱ្យផ្ញើលេខកូដថ្មីដើម្បីបើកសោ”។</span></p>
<p><span style="color: #000000;">ពិតជាគួរឱ្យអស់សំណើច ព្រោះថា Facebook បានយល់ព្រមទៅនឹងការស្នើខាងលើ ហើយ</span><br /><span style="color: #000000;">អនុញ្ញាតឱ្យហែកឃើរ មានសិទ្ធិចូលទៅកាន់ទំព័រ Facebook របស់ Thompson ដោយគ្រាន់តែយោងទៅលើតែអត្តសញ្ញាណបណ្ណក្លែងក្លាយនោះ។</span></p>
<p style="text-align: right;"><span style="color: #000000;">ប្រែសម្រួល ៖ បុត្រា</span></p>