<p>ព័ត៌មានអន្តរជាតិ ៖ គួរបញ្ជាក់ថា ក្នុងរយៈពេលដ៏ខ្លីតែប៉ុណ្ណោះ ទំព័រហ្វេសប៊ុក របស់គេហទំព័រសារ ព័ត៌មាន នាំមុខ បរទេស ស៊ីអិនអិន ត្រូវបានរកអោយឃើញថា ទទួលរងនូវពាក្យរិះគន់ យ៉ាងចាស់ ដៃ ខណៈ Admin ទំព័រហ្វេសប៊ុក បានសរសេរច្រឡំ អោយដឹងថា ប្រាសាទអង្គរវត្ត ជារបស់ប្រទេស ថៃ ទៅ វិញ ។</p>
<p>ថ្វីត្បិតតែសារព័ត៌មានដ៏ល្បីល្បាញរបស់អាមេរិក សរសេរយ៉ាងច្បាស់ថា តំបន់ទេសចរណ៍ របស់កម្ពុជាដែលជាប់ជាបេតិកភណ្ឌពិភពលោក “ ប្រាសាទអង្គរវត្ត ” អមដោយព័ត៌មានប៉ុន្មានបន្ទាត់ក្រោមរូបភាពថាជារបស់កម្ពុជាក្ដី ប៉ុន្តែលើទំព័រហ្វេសប៊ុក CNN International ដដែលរបស់សារព័ត៌មាននេះ បែរជាសរសេរថា ប្រាសាទដ៏មានតម្លៃមិនអាចកាត់ថ្លៃបានមួយនេះជារបស់ថៃ។</p>
<p>ការភ័ន្តច្រឡំ ឬមិនដឹងព័ត៌មានច្បាស់លាស់ ចេះតែស្មាន ហើយសរសេរពិពណ៌នាពីសំណាក់ Ad - minPage CNN Internationalនៃសារព័ត៌មានដ៏ល្បីរន្ទឺមួយនេះ បន្ទាប់ពីផ្សាយចេញមិនបានប៉ុន្មាននាទីផង ក៏ត្រូវអ្នកនិយមលេងបណ្ដាញសង្គមFacebook បញ្ចេញមតិកែតម្រូវ។ មួយសន្ទុះក្រោយមក ឈ្មោះប្រទេសថៃ ជាភាសាអង់គ្លេស Thailand ត្រូវប្ដូរទៅជា Cambodia ដែលជាម្ចាស់ពិតប្រាសាទនៃប្រាង្គប្រាសាទអច្ឆរិយមួយនេះវិញ។</p>
<p>ឃ្លាប្រយោគដែលCNN International សរសេរលើ Page Facebook របស់ខ្លួនទាំងកំហុសឆ្គងទាំងស្រុងនោះគឺ “Thailand’s Angkor Wat is only no. 6– so what’s the world’s top landmark ?” ។ មានន័យថា “ប្រាសាទអង្គរវត្តរបស់ថៃ ជាប់លេខ៦ ។ ដូច្នេះតើសម្បត្តិបេតិកភណ្ឌពិភពលោកណាជាប់លេខ១”? បន្តិចក្រោយមកឃ្លាសំនួរជាភាសាអង់គ្លេសនោះក៏ដូរពាក្យ “Thailand” ទៅជា “Ca - mbodia” វិញ។ បានសេចក្ដីថា “ប្រាសាទអង្គរវត្តរបស់កម្ពុជា ជាប់លេខ៦។ ដូច្នេះតើសម្បត្តិបេតិកភណ្ឌពិភពលោកណាជាប់លេខ១”?</p>
<p><a class="thickbox" title="" href="/FileManager/Commons/2014/6/18/001-18-06-2014--14-55-17.jpg"><img src="/FileManager/Articles/mce/2014/6/18/001-18-06-2014--14-55-17.jpg" alt="" /></a></p>
<p> បញ្ជាក់ ៖ រូបភាព បញ្ជាក់អោយឃើញ ពីការកែតម្រូវ កំហុសឆ្គង</p>
<p><a class="thickbox" title="" href="/FileManager/Commons/2014/6/18/004-18-06-2014--14-56-52.jpg"><img src="/FileManager/Articles/mce/2014/6/18/004-18-06-2014--14-56-52.jpg" alt="" /></a></p>
<p><a class="thickbox" title="" href="/FileManager/Commons/2014/6/18/002-18-06-2014--14-56-44.jpg"><img src="/FileManager/Articles/mce/2014/6/18/002-18-06-2014--14-56-44.jpg" alt="" /></a></p>
<p><a class="thickbox" title="" href="/FileManager/Commons/2014/6/18/003-18-06-2014--14-57-01.jpg"><img src="/FileManager/Articles/mce/2014/6/18/003-18-06-2014--14-57-01.jpg" alt="" /></a></p>
<p><a href="https://www.facebook.com/cnninternational/posts/10152443215404641" target="_blank"><span style="color: #0000ff;">បញ្ជាក់ ៖ ចុចតំណភ្ជាប់ ទីនេះ ដើម្បីចូលទៅទំព័រ ហ្វេសប៊ុក របស់ស៊ីអិនអិន ដែលទទួលបាននូវមតិ</span><br /><span style="color: #0000ff;">រិះគន់</span></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន & ហ្វេសប៊ុក & សប្យាយញូវ</p>