<p><span style="color: #000000;"><strong>(ភ្នំពេញ)៖</strong> លោក លី សុផាណា ព្រះរាជអាជ្ញារងអមសាលាដំបូងរាជធានីភ្នំពេញ បានប្រាប់ឱ្យដឹងថា ចម្លើយរបស់ កញ្ញា ធី សុវណ្ណថា បានធ្វើឱ្យមានប្រយោជន៍ដល់ការស៊ើបអង្កេត លើបុគ្គលពាក់ព័ន្ធផ្សេងទៀត។</span></p>
<p><span style="color: #000000;">ការអះអាងរបស់មន្រ្តីតុលាការរូបនេះ បានធ្វើឡើងបន្ទាប់ពី កញ្ញា ធី សុវណ្ណថា បានចូលបំភ្លឺនៅសាលាដំបូងរាជធានីភ្នំពេញ នាព្រឹកថ្ងៃទី២៧ ខែមេសា ឆ្នាំ២០១៦នេះ ជុំវិញបណ្តឹងរបស់នាង ដែលបានប្តឹង លោក កឹម សុខា ពីបទបរិហារកេរ្តិ៍នាង តាមរយៈសំឡេងខ្សែអាត់ដែលបានធ្លាយកន្លងមក។</span></p>
<p><span style="color: #000000;">លោក លី សុផាណា បានឱ្យដឹងយ៉ាងដូច្នេះថា <strong>«តំណាងអយ្យការបានបញ្ចប់ការស្តាប់ចម្លើយ កញ្ញា ធី សុវណ្ណថា ដោយទទួល បាននូវលទ្ធផលដែលមានប្រយោជនន៍ដល់ការស៊ើបអង្កេតបន្តលើបុគ្គលដែលពាក់ព័ន្ធ»</strong>។</span></p>
<p><span style="color: #000000;">សូមបញ្ជាក់ថា កញ្ញា សុវណ្ណថា កាលពីថ្ងៃទី០១ ខែមីនា ឆ្នាំ២០១៦ បានដាក់ពាក្យប្តឹងលោក កឹម សុខា ទៅកាន់សាលាដំបូងរាជធានីភ្នំពេញ ពីបទបរិហាកេរ្តិ៍តាមខ្សែអាត់សំឡេង ដែលត្រូវបានទម្លាយនៅក្នុងទំព័រ Facebook «រឿងពិត CNRP» និងប្រព័ន្ធផ្សព្វផ្សាយមួយចំនួន។ នាងប្តឹងទាមទារសំណងជំងឺចិត្ត១លានដុល្លារ។</span></p>
<p><span style="color: #000000;">នៅក្នុងខ្សែអាត់សំឡេងនោះនាងចោទ លោក កឹម សុខា ដែលបានសន្ទនាជាមួយនារី ឈ្មោះ ខុម ចាន់តារាទី ហៅ ស្រីមុំ ដោយបរិហារកេរ្តិ៍របស់នាងថា បានយកឈ្មោះរបស់គណបក្សសង្រ្គោះជាតិ ដើម្បីសាងភាពល្បាញល្បី និងបោកយកលុយ ពីអ្នកគាំទ្រគណបក្សសង្រ្គោះជាតិ នៅក្រៅប្រទេស។ កញ្ញា ធី សុវណ្ណថា បានចាត់ទុកការលើកឡើងនេះថា ធ្វើឲ្យប៉ះពាល់ធ្ងន់ធ្ងរលើកិត្តិយស និងភាពថ្លៃថ្នូររបស់នាង។</span></p>
<p><span style="color: #000000;">កញ្ញា ធី សុវណ្ណថា បានអះអាងប្រាប់អ្នកសារព័ត៌មាន នៅសាលាដំបូងរាជធានីភ្នំពេញ បន្ទាប់ពីបញ្ចប់ការសាកសួរថា នាងប្តឹងលោក កឹម សុខា អនុប្រធានគណបក្សសង្រ្គោះជាតិ គឺដើម្បីឱ្យគាត់ មានការរាងចាល មិនបរិហារទៅលើនារីដទៃទៀត៕</span></p>
<div id="content" class="span9">
<div class="item-page">
<p>ដទៃទៀត៕</p>
<p><img src="http://image.freshnewsasia.com/2016/ID-020/G/fn-2016-04-27-13-42-12-1.jpg" alt="" width="730" /></p>
<p><img src="http://image.freshnewsasia.com/2016/ID-020/G/fn-2016-04-27-13-42-12-2.jpg" alt="" width="730" /></p>
</div>
<div id="system-message-container">
<div id="system-message"></div>
</div>
</div>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>