<p><span style="color: #000000;"><strong>(ភ្នំពេញ)៖</strong> វរសេនីយ៍ត្រីលោក ឯក សេរីវុធ អធិការរងទទួល ផែនព្រហ្មទណ្ឌខណ្ឌជ្រោយចង្វារ បានប្រាប់ភ្នាក់ងារ Fresh News ថា កម្លាំងល្បាតរបស់នគរបាលមូលដ្ឋានប៉ុស្ដិ៍ជ្រោយចង្វារ សហការជាមួយនិងកម្លាំងនគរបាលខណ្ឌ បានឃាត់ខ្លួនជនសង្ស័យចំនួន២នាក់ និងដកហូតថ្នាំញៀនជាប្រភេទម៉ាទឹកកកចំនួន៣កញ្ចប់ធំ ដែលជននេះបានរក្សាទុកនៅជាប់នឹងខ្លួន ព្រមទាំងម៉ូតូ១គ្រឿងម៉ាក CBR។</span></p>
<p><span style="color: #000000;">ក្នុងប្រតិបត្តិការបង្ក្រាបនិងឃាត់ខ្លួនជនត្រូវជាប់សង្ស័យទាំង២នាក់ ខាងលើត្រូវបានធ្វើឡើងនៅល្ងាច ថ្ងៃទី១២ ខែឧសភា ឆ្នាំ២០១៦ នៅត្រង់ចំណុច ក្បែរវត្តគៀនឃ្លាំង តាមបណ្ដោយផ្លូវជាតិលេខ៦ ស្ថិតក្នុង ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ។</span></p>
<p><span style="color: #000000;">លោក ឯក សេរីវុធ បានបញ្ជាក់ថា ជនត្រូវឃាត់ខ្លួនពាក់ព័ន្ធករណីជួញដូរនូវសារធាតុញៀនខាងលើនេះ មានឈ្មោះឈិន ប្រណី អាយុ២១ឆ្នាំ ជាជនជាតិ ខ្មែរឥស្លាម មានមុខរបរធ្វើស្រែ ស្នាក់នៅ ភូមិសំពោងជ័យ ឃុំសំពងជ័យ ស្រុកជើងព្រៃ ខេត្តកំពង់ចាម និងម្នាក់ទៀត ឈ្មោះជា ធុយ អាយុ១៩ឆ្នាំ មានមុខរបរលក់ដូរ ស្នាក់នៅ ភូមិជ្រលង ឃុំត្រពាំងត្នោត ស្រុកបារាយណ៍ ខេត្តកំពង់ធំ។</span></p>
<p><span style="color: #000000;">លោក ឯក សេរីវុធ បានបញ្ជាក់ទៀតថា ជាទូទៅកម្លាំងនៃ អធិការដ្ឋាននគរបាលខណ្ឌ រួមទាំងកម្លាំងនគរបាលមូលដ្ឋានប៉ុស្ដិ៍ តែងតែយាមកាមល្បាតជារៀងរាល់ថ្ងៃ ក្នុងភូមិសាស្ត្ររបស់ខ្លួន ដោយអនុវត្តន៍តាមគោលការណែនាំពីលោក វរសេនីយ៍ឯក សៀម សុត្ថាវុធ អធិការនគរបាលខណ្ឌជ្រោយ ចង្វារ ដើម្បីបង្ការទប់ស្កាត់បទល្មើសផ្សេងៗជូនប្រជាពលរដ្ឋ ជាពិសេសគឺអនុវត្តន៍គោលនយោបាយភូមិសង្កាត់មានសុវត្ថិភាព។</span></p>
<p><span style="color: #000000;">សូមបញ្ជាក់ថា កម្លាំងសមត្ថកិច្ច បានធ្វើការបញ្ជូនខ្លួនជន សង្ស័យទាំង២នាក់រួមជាមួយវត្ថុតាងទៅឃុំខ្លួនស្រាវជ្រាវបន្ត នៅអធិការដ្ឋាននគរបាលខណ្ឌជ្រោយចង្វារ ដើម្បីរៀបចំចាត់តាមនិតិវិធីនៃផ្លូវច្បាប់៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-13-10-22-15-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-13-10-22-15-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-13-10-22-15-3.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>