<div class="article-content">
<p><strong>សេអ៊ូល៖</strong> មន្ត្រីក្រសួងការបរទេស កូរ៉េខាងត្បូង បាននិយាយនៅ ថ្ងៃពុធ ទី១០ ខែមេសានេះថា<br /> សាធារណៈរដ្ឋ ប្រជាធិបតេយ្យ ប្រជានិតកូរ៉េ អាចនឹងបាញ់គ្រាប់ មីស៊ីលដែលមាន រយៈចម្ងាយ<br />មធ្យម នៅក្នុងពេល វេលាណា មួយ ចាប់ពីពេលនេះ។</p>
<p>យោងតាមទីភ្នាក់ងារព័ត៌មានចិន ស៊ិនហួ បានចុះផ្សាយនៅថ្ងៃពុធ ទី១០ ខែមេសានេះ ដោយ<br />ស្រង់សម្តី របស់ លោក យ៉ុន ប្យ៉ុងសេ និយាយក្នុងកិច្ចប្រជុំសភា លើកិច្ចការបរទេស និងផ្នែក<br />បង្រួបបង្រួមថា «ដោយផ្អែក តាមការ ប្រមូល ព័ត៌មានផ្នែកចារកម្ម ដោយភាគី ខាងកូរ៉េខ្លួនឯង <br />នឹងសហរដ្ឋអាមេរិកនោះ លទ្ធភាពដែល កូរ៉េខាងជើង បាញ់ គ្រាប់មីស៊ីល គឺមានកម្រិត ខ្ពស់<br />ណាស់។ លទ្ធភាពនៃការ បាញ់ចេញនេះ គេអាចដឹងច្បាស់ថា អាចនឹងកើត ឡើងក្នុង ពេល<br />វេលាណាមួយ ចាប់ពីពេលឥឡូវនេះ» ។</p>
<p>គេសង្កេតឃើញមានគ្រាប់មីស៊ីលថ្មី ដែលអាចនឹងបាញ់ចេញនោះជា ប្រភេទ មីស៊ីល មូស៊ូដេន<br /> ដោយលោក យ៉ុន បាននិយាយ ដោយកត់សម្គាល់ថា គ្រាប់មីស៊ីលនេះ អាចបាញ់បាន រយៈ<br />ចម្ងាយប្រហែល ជា ៣.៥០០គីឡូម៉ែត្រ វាអាចបាញ់បានឆ្ងាយប៉ុណ្ណា អាស្រ័យលើ កូរ៉េខាងជើង។</p>
<p>កាលពីថ្ងៃទី០៤ មេសាកន្លងទៅនេះ រដ្ឋមន្រ្តីក្រសួងការពារជាតិកូរ៉េលោក គីម ឃ្វាន ជីន បាន<br />និយាយប្រាប់ សមា ជិកសភាថា កូរ៉េខាងជើង បានបញ្ជូនមីស៊ីលរយៈចម្ងាយមធ្យម ទៅកាន់<br />តំបន់ ឈូងសមុទ្រ ភាគខាងកើតរបស់ ខ្លួន ដោយមីស៊ីលរយៈចម្ងាយ មធ្យមប្រភេទ មូស៊ូដេន <br />អាចបាញ់ដល់ មូលដ្ឋានយោធាអាមេរិក នៅកោះ ហ្គូម ផងដែរ។</p>
<p>មីស៊ីលនោះ ត្រូវបានគេព្រួយបារម្ភថា នឹងអាចចេញប្រហែលជានៅថ្ងៃទី១៥ ខែមេសា ខាងមុខ<br />នេះ នៅពេលដែល ទីក្រុង ព្យុងយ៉ាងប្រារព្ធពិធីខួប កំណើតនៃអតីតមេដឹកនាំកូរ៉េ និងជាស្ថាបនិក<br />ប្រទេស កូរ៉េខាងជើង លោក គីម អ៊ីល ស៊ុង និងក៏ជាជីតារបស់ មេដឹកនាំកូរ៉េខាងជើង ថ្មីគឺលោក<br /> គីម ជុង អ៊ីនផងដែរ។</p>
<p>លោក យ៉ុន ក៏បានព្រមានថា ប្រសិនបើប្រទេស កូរ៉េខាងជើង ធ្វើការបាញ់គ្រាប់ មីស៊ីលនោះ <br />ក្រុមប្រឹក្សាសន្តិសុខ អង្គការសហប្រជាជាតិ នឹងធ្វើការប្រជុំ ដោយស្វ័យប្រវត្តិ ខណៈដំណោះ<br />ស្រាយ របស់ក្រុមប្រឹក្សានេះ បានហាម ប្រាម មិន ឲ្យរដ្ឋាភិបាលទីក្រុង ព្យុងយ៉ាង សាកល្បង<br />មីស៊ីល ប្រភេទផ្លោងនោះ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-078/Lay-122.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>