<p>ផ្លែប៉ែស គឺជាប្រភេទផ្លែម្យ៉ាងដែលមានឱជារសឆា្ងញ់ពិសា ដែលមានដើមកំណើតដំបូងនៅ<br />ក្នុងប្រទេសចិន។ បច្ចុប្បន្ន ផ្លែប៉ែសមាននៅគ្រប់នៅទីកន្លែងនៅលើពិភពលោក ដោយសារ<br />តែរស់ជាតិដ៏ឆ្ងាញ់គួរឱ្យចង់ទទួលទានរបស់វា។ ម្យ៉ាងវិញទៀត ផ្លែប៉ែស គឺសម្បូរទៅដោយ<br />ប្រភពនៃវីតាមីន ជាតិរ៉ែ សារធាតុការពារប្រតិកម្មអ៊ុកស៊ីត និងសារធាតុចិញ្ចឹមជាច្រើនទៀត<br />។ ផ្លែប៉ែស គឺសម្បូរដោយសារធាតុចិញ្ចឹមរាងកាយដែលមានអត្ថប្រយោជន៍ជាច្រើនចំពោះ<br />សុខភាព ដែលនាំឱ្យប្រជាជន មកពីគ្រប់ទិសទី ចាប់ផ្តើមទទួលទានផ្លែប៉ែស ធ្វើជាអាហារ<br />ប្រចាំថ្ងៃ។</p>
<p>ខាងក្រោមនេះ គឺជាអត្ថប្រយោជន៍ ដ៏សំខាន់ នៃការទទួលទានផ្លែប៉ែស ចំពោះសុខភាព<br />រាងកាយ។</p>
<p><a class="thickbox" title="" href="/FileManager/Commons/2013/10/22/20100801peach-22-10-2013--10-05-06.jpg"><img src="/FileManager/Articles/mce/2013/10/22/20100801peach-22-10-2013--10-05-06.jpg" alt="" /></a></p>
<p><strong>ការពារភ្នែកឱ្យមើលឃើញច្បាស់៖</strong> សារធាតុ Beta-carotene គឺមានតួនាទីយ៉ាងសំខាន់<br />សំរាប់ថែរក្សាសុខភាពភ្នែក និងផ្លែប៉ែស ដែលមានផ្ទុកនូវសារធាតុការពារប្រតិកម្មអ៊ុកស៊ីត<br />ជាមួយនឹង វីតាមីន A និង C។ ការទទួលទានផ្លែប៉ែសបានទៀងទាត់ អាចជួយជំរុញឱ្យចក្ខុ<br />(ភ្នែក) របស់អ្នកមានសុខភាពល្អ មើលឃើញបានឆ្ងាយ និង ច្បាស់ល្អ ដោយកើនឡើងនូវ<br />ចលនាឈាមរត់បានស្រួល តាមរយៈរាងកាយរបស់អ្នក។</p>
<p>សារធាតុ Beta-carotene ក៏ដើរតួនាទី ក្នុងការជួយចិញ្ចឹម និង ការពារ ក្រដាសភ្នែកនៅក្នុង<br />ភ្នែករបស់អ្នកពីគ្រោះថ្នាក់នៃជំងឺភ្នែកផ្សេងៗ។ ជាពិសេស វាអាចជួយការពារបានយ៉ាងល្អ<br />នូវជំងឺភ្នែកឡើងបាយ ឬ ជំងឺដុះកន្ទុយថ្លែនក្នុងភ្នែក និង ការពារជំងឺភ្នែកផ្សេងៗ ទៀតមិន<br />ឱ្យឆ្លង ឬ រាលដាលពីភ្នែកល្អ ទៅជាមានបញ្ហា។</p>
<p><strong>ជួយឱ្យស្បែកសម៉ដ្ឋ មានសុខភាពល្អ៖</strong> ផ្លែប៉ែស គឺជាប្រភេទផ្លែឈើដែលសម្បូរដោយ<br />វីតាមីនA និងC ដែលមានអត្ថប្រយោជន៍ចម្បងក្នុងការថែរក្សាស្បែកឱ្យមានសុខភាពល្អ។</p>
<p>វីតាមីនA ផ្តល់សំណើច ទៅឱ្យស្បែក ដែលជួយជំរុញឱ្យ ស្បែកប្រែក្លាយទៅទន់ ម៉ដ្ឋ និង<br />ភ្លឺរលោង។ វីតាមីន C គឺមានអនុភាព ដ៏ខ្លាំងក្លាដែលអាចជួយការពារស្បែក ពីការខូតខាត<br />បានយ៉ាងមានប្រសិទ្ធិខ្ពស់។</p>
<p>គ្រាន់តែទទួលទានផ្លែប៉ែស មួយផ្លែ ក្នុងមួយថ្ងៃ នឹងអាចជួយថែរក្សារស្បែក របស់អ្នកឱ្យ<br />ដុះលូតលាស់ យ៉ាងល្អឥតខ្ចោះ។ អ្នកក៏អាច យកផ្លែប៉ែស ដុសខាតទៅលើស្បែករបស់<br />អ្នក ដោយផ្ទាល់ ដើម្បីព្យាបាលកំចាត់ រង្វង់ខ្មៅ ឬស្នាមអុជខ្មៅ និង បំបាត់ស្នាមជ្រួញនៅ<br />លើស្បែក។</p>
<p><strong>ការពារជំងឺមហារីក៖ </strong>ផ្លែប៉ែសគឺមានផ្ទុកនូវសារធាតុការពារប្រតិកម្មអ៊ុកស៊ីតច្រើន ដែល<br />ដើរតួនាទីយ៉ាងសំខាន់ក្នុងការជួយការពារកោសិកាដែលកើតមានរោគមហារីក។ផ្លែប៉ែស<br />ត្រូវបានគេស្គាល់យ៉ាងពិសេសថា សំរាប់ការពាររាងកាយប្រឆាំងនឹងជំងឺសួត ពោះវៀនធំ<br />ជំងឺមហារីកមាត់ និង មហារីកដោះ៕</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖ top10homeremedies</p>