<div class="item-page">
<p><span style="color: #000000;"><strong>(ព្រះសីហនុ)៖</strong> ពិតជាគួរឲ្យអាសូរណាស់! ២នាក់ ប្តី-ប្រពន្ធ ជាជនជាតិអង់គ្លេស ដែលមកកំសាន្តនៅទឹកដីមាត់សមុទ្រ ខេត្តព្រះសីហនុ ប្រទេសកម្ពុជា បានបញ្ចប់ជីវិតរបស់ពួក ដោយចង-ក ផ្អោបគ្នានៅក្នុងផ្ទះជួល ហើយបានសរសេរបណ្តាំ មានន័យសង្ខេបថា<strong> «...ខ្ញុំមានបញ្ហាខួរក្បាល និងមានសម្ពាធពីគ្រួសារ យកខ្ញុំទៅបូជានៅខេត្តព្រះសីហនុផង»</strong>។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ថា អំពើអត្តឃាតនេះបានកើតឡើងនៅ ល្ងាចថ្ងៃទី១ ខែមករា ឆ្នាំ២០១៧ ស្ថិតនៅផ្ទះជួល សុខ ធី ក្រុមទី១ ភូមិ៣ សង្កាត់លេខ២ ក្រុង-ខេត្តព្រះសីហនុ។</span></p>
<p><span style="color: #000000;">លោកឧត្តមសេនីយ៍ស្នងការ បានបន្ថែមថា ជនរងគ្រោះជាប្តីឈ្មោះ Wells Jeffrey Robert អាយុ៣៧ឆ្នាំ កាន់លិខិតឆ្លងដែនលេខ 463487360 និងជនរងគ្រោះជាប្រពន្ធឈ្មោះ Goldie Inogen Saskia អាយុ២៩ឆ្នាំ កាន់លិខិតឆ្លងដែនលេខ460844728 ពួកគេទាំង២នាក់ ជាអ្នកទេសចរណ៍មកកំសាន្តនៅកម្ពុជា។</span></p>
<p><span style="color: #000000;">លោកស្នងការបានបញ្ជាក់ថា <strong>«នៅវេលាម៉ោង៨ព្រឹកថ្ងៃនេះ គណៈកម្មការត្រួតពិនិត្យសព ដឹកនាំដោយលោកស្រីព្រះរាជអាជ្ញា អមសាលាដំបូងខេត្ត បានដំណើរការពិនិត្យសាកសព ជនបទេសទាំង២នាក់ខាងលើ។ តាមការពិនិត្យធ្វើកោសល្យវិច្ច័យ របស់លោកគ្រូ ពេទ្យជំនាញ និងនគរបាលបច្ចេកទេស រួមទាំងបណ្តាំសរសេរជាអក្សរអង់គ្លេស បង្ហាញថា សាកសពទាំង២នាក់ខាងលើ ពិតជាស្លាប់ ដោយការធ្វើអត្តឃាត (ចងកសម្លាប់ខ្លួន) ប្រាកដមែន»</strong>។</span></p>
<p><span style="color: #000000;">សូមអានបណ្តាំរបស់ជនរងគ្រោះទាំង២នាក់ ខាងក្រោមនេះ៖ <strong>«អ្នកអាចមានជម្រើសសន្សំសំចៃប្រាក់ ក្នុងការចំណាយលើការដឹកជញ្ជូន សាកសព ហើយប្រារព្ធពិធីបូជានៅទីនេះ ក្នុងក្រុងព្រះសីហនុតែម្តង។ វាគឺជាកន្លែងដ៏ស្រស់ស្អាតមួយ ហើយពួកយើងមិនដែលគិតថា ចង់ចាកចេញពីទីនេះឡើយ ប៉ុន្តែយើងយល់ច្បាស់ថានេះគឺជាការជ្រើសរើស របស់ក្រុមគ្រួសារយើង។ ពួកយើងពិតសុំទោសណាស់ ក៏ប៉ុន្តែសង្ឃឹមថា យើងនឹងរកបានសន្តិភាពពីការធ្លាក់ទឹកចិត្ត ក៏ដូចជាជំងឺមួយចំនួនទៀតរួមមាន (Bipolar និង Asperger) និងពីសេវា សុខាភិបាលជាតិដែលតែងតែមិនអាចជួយអ្វីដល់ពួកយើងបានរហូតមក។ យើងស្រឡាញ់អ្នកទាំងអស់គ្នា ហើយសង្ឃឹមថា ការចងចាំ នានានឹងជំនួសកន្លែងនៃទឹកភ្នែក ប៉ុន្តែយើងនឹងស្ថិតនៅកន្លែងមានភាពប្រសើរជាងមុន ដែលស្ងប់សុខពុំមានក្តីសុបិន្តអាក្រក់ៗ ប៉ុន្តែតើអ្នកអាចដឹងបានទៅថា យើងប្រហែលជាអាចជួបគ្នាម្តងទៀត»</strong>។</span></p>
<p><span style="color: #000000;">ផ្ញើជូនក្តីស្រឡាញ់ទាំងអស់ពីពួកយើង Imoger & Rober Goldie-Wells</span></p>
<p><span style="color: #000000;">បច្ចុប្បន្នសាកសព ត្រូវបានកម្លាំងជំនាញធ្វើកំណត់ហេតុប្រគល់ជូនក្រុមហ៊ុន អ៊ិនត្រាកូ ដឹកយកទៅតម្កល់ទុកនៅមន្ទីរពេទ្យខ្មែរ-សូវៀត តាមការសម្រេចពីស្ថានទូតសាម៊ី ពោលមិនធ្វើតាមការចង់បានរបស់សពនោះទេ៕</span></p>
<p><span style="color: #000000;"><img src="http://image.freshnewsasia.com/2016/099/fn-2017-01-02-15-21-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2017-01-02-15-21-00-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2017-01-02-15-21-00-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>