<p><span style="color: #000000;"><strong><span style="line-height: 1.8;">(ភ្នំពេញ)៖ នៅលើទំព័រ Facebook សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានលើកឡើងអំពីការខិតខំប្រឹងប្រែង របស់មន្ទីរពេទ្យគន្ធបុប្ផាថា ដែលក្នុងរយៈពេល២៤ឆ្នាំមកនេះ បានជួយសង្រ្គោះកុមារកម្ពុជា ១៤លាននាក់ និងចំណាយថវិកាសរុប ៦០០លានដុល្លារ ។</span></strong></span></p>
<p><span style="color: #000000;">ប្រធានមន្ទីរពេទ្យគន្ធបុប្ផា ឬមន្ទីរពេទ្យទេវតា បានប្រកាសតាមបណ្តាញ ទំនាក់ទំនងសង្គមផ្ទាល់ខ្លួន របស់លោកថា ក្នុងរយៈពេល២៤ឆ្នាំ កន្លងទៅ មន្ទីរពេទ្យគន្ធរបុប្ផា បានព្យាបាលកុមារកម្ពុជា រហូតដល់ជាង ១៤លាននាក់ និងចំណាយថវិកាសរុបទាំងអស់ជិត៦០០ លានដុល្លារអាមេរិក នេះបើយោងតាម Facebook សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។</span></p>
<p><span style="color: #000000;">លោកវេជ្ជបណ្ឌិត បេអាត រីចឆ្នឺរ ស្ថាបនិកនៃមន្ទីរពេទ្យគន្ធបុប្ផា បញ្ជាក់ថា បច្ចុប្បន្នមន្ទីរពេទ្យគន្ធបុប្ផា មានបុគ្គលិក្ផ ចំនួន២៥០០នាក់ កំពុងបម្រើការងារនៅក្នុងមន្ទីរពេទ្យ លើផ្នែកព្យាបាល ការវះកាត់ទូទៅ ការវះកាត់បេះដូង និងប្រព័ន្ធប្រសាទ ដោយមានកំរិតស្តង់ដារ ដូចនៅប្រទេសស្វីស។</span></p>
<p><span style="color: #000000;">ក្នុងរយៈពេល២៤ឆ្នាំកន្លងទៅ មានកុមារ កម្ពុជាឈឺចំនួន១៤,៨៣៧,១៥៥នាក់ ដែលទទួលបានពិនិត្យនិងព្យាបាល។ ក្នុងនោះកុមារមានជំងឺ និងរបួសធ្ងន់ ចំនួន១,៥១៦,៤៧១នាក់ ត្រូវបានជួយសង្គ្រោះ និងបានជាសះស្បើយ ដែល៨០%នៃកុមារទាំងនោះ នឹងពុំមានសំណាងល្អទេ បើពុំបានសម្រាកព្យាបាលក្នុងមន្ទីរពេទ្យមួយនេះ។</span></p>
<p><span style="color: #000000;">តាមរបាយការណ៍ដែលទទួលបានពីប្រធានមន្ទីរពេទ្យឲ្យដឹងថា ករណីនៃកុមារ មានជំងឺធ្ងន់រហូតដល់១៤០នាក់ ក្នុងមួយថ្ងៃ បានមកព្យាបាល នៅមន្ទីរពេទ្យនេះ។ រាល់ការព្យាបាលទាំងអស់ គឺឥតគិតថ្លៃ។ រយៈពេល២៤ឆ្នាំកន្លងផុតទៅនេះ មូលធិនិមន្ទីរពេទ្យគន្ធបុប្ផាបានចំណាយ ថវិការអស់ចំនួន៥៦៣លាន ដុល្លារសហរដ្ឋអាមេរិក។ ក្នុងចំណោមថវិកាទាំងនេះ ៤,៧% បានមកពីការចូលរួមវិភាគទាន របស់រាជរដ្ឋាភិបាលកម្ពុជា និងកាកបាទក្រហមកម្ពុជាព្រមទាំងសប្បុរសជននានា។ ៨,៩% បានមកពីការវិភាគទានរបស់រដ្ឋាភិបាលស្វីស៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/1507606_936624373059685_7529403493127838305_n.jpg?oh=b613f3fe9fb42467a2ae5ddd9f316ef8&oe=57277068" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/946165_936624316393024_374234663745256440_n.jpg?oh=1a4b6862e410468f9e8f35b6355d52ae&oe=572AD672" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12573696_936631159725673_3847457787497191524_n.jpg?oh=3f2cd8196a6f73bd5d5e3ae623a08654&oe=572D579F" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>