<p><span style="color: #000000;"><strong>(ភ្នំពេញ)៖</strong> យុវជនម្នាក់ជាថៅកែរោងពុម្ពឯកជន មួយនៅសង្កាត់ព្រែកប្រា ខណ្ឌច្បារអំពៅ ត្រូវបានចៅក្រមសាលាដំបូងរាជធានីភ្នំពេញ សម្រេចឃុំខ្លួននៅថ្ងៃទី១២ ខែមករា ឆ្នាំ២០១៧នេះ ក្រោយលោកស្រី កែវ សុគន្ធា ព្រះរាជអាជ្ញាអមសាលាដំបូងរាជធានីភ្នំពេញ ចោទប្រកាន់ពីបទ «រំលោភសេពសន្ថវៈ»។</span></p>
<p><span style="color: #000000;">មន្ដ្រីតុលាការ បញ្ជាក់ថា ជនជាប់ឈ្មោះ ប៊ុត ច័ន្ទរ៉ា អាយុ៣២ឆ្នាំ ជាថៅកែរោងពុម្ពឯកជន មានទីតាំងស្ថិតនៅផ្ទះលេខ៥៦៧៨ ផ្លូវលេខ៣៦៩ ភូមិអូអណ្ដូង សង្កាត់ព្រែកប្រា ខណ្ឌមានជ័យ។</span></p>
<p><span style="color: #000000;">សូមបញ្ជាក់ថា មុនពេលកើតហេតុ ស្ដ្រីរងគ្រោះដែលមកធ្វើការក្នុងរោងពុម្ពនេះ ត្រូវបានឈ្មោះ ប៊ុត ច័ន្ទរ៉ា តែងតែចំណាយពេលមកចែចង់ជារឿយៗ នៅក្នុងរោងពុម្ពរបស់ខ្លួន ព្រោះកម្មករទាំងអស់ស្នាក់នៅក្នុងរោងពុម្ពតែម្ដង។ លុះដល់យប់រំលងអាធ្រាទ្រ ថ្ងៃទី១០ ខែមករា ឆ្នាំ២០១៧ ជនសង្ស័យ ឈ្មោះ ប៊ុត ច័ន្ទរ៉ា មកពីផឹកស៊ីវិញ ក៏ចូលទៅក្នុងផ្ទះកម្មករស្នាក់នៅ ចាប់ជនរងគ្រោះរំលោភរហូតបានសម្រេច តាមបំណងប្រាថ្នា។</span></p>
<p><span style="color: #000000;">ប៉ុន្ដែអកុសល ការរំលោភនោះមិនបានបិតបាំងជិតនោះទេ ព្រោះកម្មករទាំងអស់បានស្នាក់នៅក្នុងផ្ទះរួមគ្នា លុះដល់ព្រឹកឡើងរឿងនេះ បែកខ្ចាយដូចបែកក្អម បង្ខំចិត្តឲ្យជនរងគ្រោះប្ដឹងតែម្ដង ទោះបីជាក្រុមគ្រួសារជនសង្ស័យ ចង់សម្របសម្រួលជាមួយជនរងគ្រោះក៏មិនកើតដែរ ហើយសមត្ថកិច្ចចាប់ជនសង្ស័យមកសាកសួរ និងកសាងសំណុំរឿងបញ្ជូនឡើងតុលាការចាត់ការតាមច្បាប់តែម្ដង៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-12-17-44-58-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>