<p><span style="color: #000000;">គណៈមេធាវីស៊េប៊ី និងគណៈមេធាវីរដ្ឋធានីប៊ែលក្រាដ បានប្រកាសគម្រោងធ្វើបាតុកម្មមួយរយៈពេល ១សប្ដាហ៍ពេញ ដោយចាប់ផ្ដើមពីថ្ងៃទី ៣០ ខែកក្កដានេះទៅ ដើម្បីឆ្លើយតបនឹងការសម្លាប់មេធាវីការពាររឿងក្ដីឧក្រិដ្ឋក្មដ៏លេចធ្លោមួយរូបឈ្មោះ Dragoslav Miše Ognjanović។</span></p>
<p><span style="color: #000000;">មេធាវីដ៏ជំនាញលោក Ognjanovic បម្រើការឱ្យក្រុមការពារក្ដីឧក្រិដ្ឋកម្មសង្រ្គាមនៃអតីតមេដឹកនាំស៊េប៊ីគឺលោក Slobodan Milosevic កាលពីដើមទសវត្សរ៍ ឆ្នាំ ២០០០។ មេដឹកនាំរូបនោះ ក៏មានការជាប់ពាក់ព័ន្ធនឹងរឿងក្ដីព្រហ្មទណ្ឌ ដែលគ្រោងទុកជាមុនធំៗជាច្រើនករណីផងដែរ។ មេធាវីរូបនោះ ត្រូវបានបាញ់សម្លាប់នៅផ្ទះល្វែងរបស់លោកនាទីក្រុងប៊ែលក្រាដ កាលពីថ្ងៃសៅរ៍។</span></p>
<p><a class="thickbox" title="" href="/FileManager/Commons/2018/8/1/11-01-08-2018--11-16-40.png"><img src="/FileManager/Articles/mce/2018/8/1/11-01-08-2018--11-16-40.png" alt="" /></a></p>
<p><span style="color: #000000;">របាយការណ៍មួយបានឱ្យដឹងថា៖” ការប្រល័យជីវិតនេះ គឺជាស៊េរីចុងក្រោយនៃការវាយប្រហារលើមេធាវី ខណៈរឿងក្ដីនៃការសម្លាប់អ្នកច្បាប់ទាំងនោះភាគច្រើន ពុំត្រូវបានដោះស្រាយផ្ដល់យុត្ដិធម៌នោះទេ”។ របាយការណ៍ដដែល បានបន្ថែមថា៖”គណៈមេធាវីទាំងពីរ នឹងដាក់ការគាបសង្កត់បន្ទាន់ចំពោះក្រុមអាជ្ញាធររដ្ឋ ដើម្បីឱ្យស្រាវជ្រាវវែកមុខជនដៃដល់ ដែលប្រព្រឹត្ដបទល្មើសនេះឱ្យមកទទួលទោស”។</span></p>
<p><span style="color: #000000;">របាយការណ៍ខាងលើក៏បានបញ្ជាក់ផងដែរថា បណ្ដាគណៈមេធាវីនឹងផ្ដល់ប្រាក់រង្វាន់ ដល់បុគ្គលណាម្នាក់ ដែលអាចផ្ដល់ព័ត៌មានគួរទុកចិត្ដបាន ដែលនឹងឈានទៅរកការដាក់ពិរុទ្ធប្រឆាំងនឹងឧក្រិដ្ឋជន ដែលប្រព្រឹត្ដបទល្មើសមនុស្សឃាតនេះ៕</span></p>
<p> </p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/8/1/mekongnet-01-08-2018--11-16-53.PNG" alt="" /></a><br /></span></p>
<p style="text-align: right;"><span style="font-size: 12px; color: #000000;">ប្រែសម្រួល ៖ សារ៉ាត </span></p>
<p style="text-align: right;"><span style="font-size: 12px; color: #000000;">ប្រភព ៖ <span>Jurist</span> </span></p>