<p><span style="color: #000000;">ព័ត៌មានអន្តរជាតិ ៖ <span style="font-size: 12px;">គួរបញ្ជាក់ថា នាវា Sewol បានក្រឡាប់លិចនៅកោះ Jindo កាលពីថ្ងៃទី ១៦ មេសា ឆ្នាំ ២០១៤ បាន សម្លាប់មនុស្ស សរុប ៣០៤ នាក់ ភាគច្រើនជាក្មេងៗ តែទោះជាយ៉ាងណាក៏ដោយចុះ សាកសពជន រងគ្រោះស្លាប់ ៩ នាក់ ពុំត្រូវបានរកឃើញនោះទេ ចាប់តាំងពីថ្ងៃកើតហេតុ រហូតមកដល់បច្ចុប្បន្នភាព ។ ក្រុមគ្រួសារ សាច់ញ្ញាត្តិ ជនរងគ្រោះ ៩នាក់ដែលពុំទាន់ត្រូវបានរកឃើញសាកសពមួយនេះ បាន អំពាវនាវឲ្យមានការស្រាវជ្រាវ កាន់តែខ្លាំងទៀត ដើម្បីរកសាកសពឲ្យទាល់តែឃើញ ។ </span></span></p>
<p><span style="color: #000000;">គួររំឮកថា នាវា Sewol ត្រូវបានស្រង់ឡើងលើផ្ទៃទឺក កាលពីសប្តាហ៍មុន បន្ទាប់ពីបានលិចទៅបាត សមុទ្រជិត ៣ឆ្នាំមកនេះ ។ អំឡុងប្រតិបត្តិការ ស្រង់ នាវា ឡើងមកវិញ មន្រ្តីកូរ៉េខាងត្បូង ឲ្យដឹងថា មានករណីរកឃើញ បំណែកសាកសព "ឆ្អឹង" ចេញពីនាវា Sewol ។ មន្រ្តី ផ្លូវការ ពីក្រសួងមហាសមុទ្រ និងនេសាទ លោក Lee Cheol-jo គូសបញ្ជាក់ នៅក្នុងសន្និសិទសារព័ត៌ មានឲ្យដឹងថា ត្រូវតែមានការសិក្សាស្រាវជ្រាវ ថាតើឆ្អឹងដែលបានរកឃើញនោះ ជាឆ្អឹងសាកសព ជន រងគ្រោះម្នាក់ឬច្រើននាក់ ។ ប៉ុន្តែក្រោយមកទៀត រយៈប៉ុន្មានម៉ោងក្រោយ នាយប់ថ្ងៃអង្គារ មានសេចក្តី ថ្លែងការណ៍ពីក្រសួងឲ្យដឹងថា ក្រោយធ្វើការវិភាគ និងស្រាវជ្រាវ ឆ្អឹងដែលបានរកឃើញនោះ ពុំមែន ជាឆ្អឹងមនុស្សនោះទេ ។ <span style="font-size: 12px;">បំណែកសាកសពដែលត្រូវបានរកឃើញ នៅលើនាវា Sewol ដែលទើបតែបាន ស្រង់ពីបាតសមុទ្រនោះ ដែលធ្លាប់ត្រូវបានគេគិតថា ជាសាកសពមនុស្សស្លាប់នោះ តែការពិតមិនមែន នោះទេ ពោលជា ជាបំណែកសព ពីសត្វទៅវិញទេ នេះបើយោងតាមសម្តីមន្រ្តីផ្លូវការ កូរ៉េខាងត្បូង ។ </span></span></p>
<p><br /><span style="color: #000000;"><a class="thickbox" title="" href="/FileManager/Commons/2017/3/29/29b-29-03-2017--10-03-12.jpg"><span style="color: #000000;"><img src="/FileManager/Articles/mce/2017/3/29/29b-29-03-2017--10-03-12.jpg" alt="" /></span></a></span></p>
<p><span style="color: #000000;">យោងតាមការគូសបញ្ជាក់ពីក្រសួងដែនសមុទ្រ ឲ្យដឹងថា ភ្នាក់ងារកោសល្យវិច័យថ្នាក់ជាតិ បានធ្វើការ ស្រាវជ្រាវ ឈានទៅអះអាងថា បំណែកសាកសពដែលត្រូវបានរកឃើញ ឆ្អឹងនោះ គឺជា បំណែកសាក សពឆ្អឹងសត្វ ដោយវាពុំមានជាបំណែកសាកសពឆ្អឹងជនរងគ្រោះស្លាប់ដោយសារតែលិចនាវា Sewol នោះទេ ។ </span></p>
<p> </p>
<p><span style="color: #000000;"><a class="thickbox" title="" href="/FileManager/Commons/2017/3/29/29-29-03-2017--10-03-20.jpg"><span style="color: #000000;"><img src="/FileManager/Articles/mce/2017/3/29/29-29-03-2017--10-03-20.jpg" alt="" /></span></a></span></p>
<p><span style="font-size: 12px; color: #000000;">សោកនាដកម្ម លិចនាវា Sewol ដ៏រន្ធត់មួយនេះ បានធ្វើឲ្យមានភាពភ្ញាក់ផ្អើល នៅទូទាំងសាកលលោក ខណៈជនរងគ្រោះ ភាគច្រើន គឺជាក្មេងៗ សិស្សសាលាជំទង់ មកពីវិទ្យាល័យតែមួយ ។ ជនរងគ្រោះ ស្លាប់ ៩នាក់ដែលពុំទាន់បានរកឃើញសាកសព នោះ គឺជាសិស្សសាលា ៤នាក់ គ្រូបង្រៀន ២នាក់ និងគូស្នេហ៍ទើបរៀបការរួច មានកូន ១នាក់ ។ នាវា Sewol ដែលទើបតែស្រង់ឡើងមកវិញនោះ ត្រូវ បានគេរំពឹងទុកថា នឹងទៅដល់ផែ Mokpo អំឡុងសប្តាហ៍នេះ ដែលនៅទីនោះ នាវា គ្រោងនឹងជួបផ្ទាល់ ជាមួយនឹងសមាជិកក្រុមគ្រួសារនៃសព ។ សោកនាដកម្ម គ្រោះថ្នាក់ដ៏រន្ធត់ ពាក់ព័ន្ធនឹងករណីលិច នាវា Sewol ជាប្រវត្តិសាស្រ្តមួយនេះ ត្រូវបានគេដាក់បន្ទុក ស្តីបន្ទោសទៅលើ ការរចនាម៉ូតនាវាដោយ ខុសច្បាប់ ការដឹកមនុស្សលើសចំណុះ ក៏ដូចជា បទពិសេោធន៍ស្ទើរ ក្រុមនាវិក ក្នុងការបញ្ជា នាវា ៕ </span></p>
<p><span style="color: #0000ff;"><a href="/News/Detail/35046/boy-and-girl-on-korean-ferry-drowned-with-life-jackets-tied-together" target="_blank"><span style="color: #0000ff;">-សាឡាង Sewol ៖ សិស្សប្រុសស្រីមួយគូ ស៊ូស្លាប់ក៏មិនចង់បែក ដោយចងអាវពោងជាប់នឹងគ្នា</span></a></span></p>
<p><span style="color: #0000ff;"><a href="/News/Detail/30864/ferry-disaster-south-korean-prime-minister-resigns" target="_blank"><span style="color: #0000ff;">-សាឡាង Sewol ៖ នាយករដ្ឋមន្ដ្រីកូរ៉េខាងត្បូង សុំលាលែងពីតំណែង</span></a></span></p>
<p> </p>
<p><span style="color: #000000;"><a class="thickbox" title="" href="/FileManager/Commons/2017/3/29/29a-29-03-2017--10-03-29.jpg"><span style="color: #000000;"><img src="/FileManager/Articles/mce/2017/3/29/29a-29-03-2017--10-03-29.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2017/3/29/29d-29-03-2017--10-05-33.jpg"><span style="color: #000000;"><img src="/FileManager/Articles/mce/2017/3/29/29d-29-03-2017--10-05-33.jpg" alt="" /></span></a></span><br /><span style="color: #000000;"><a class="thickbox" title="" href="/FileManager/Commons/2017/3/29/29c-29-03-2017--10-05-20.jpg"><span style="color: #000000;"><img src="/FileManager/Articles/mce/2017/3/29/29c-29-03-2017--10-05-20.jpg" alt="" /></span></a></span></p>
<p><br /><span style="color: #000000;"><a class="thickbox" title="" href="/FileManager/Commons/2017/3/29/29e-29-03-2017--10-06-49.jpg"><span style="color: #000000;"><img src="/FileManager/Articles/mce/2017/3/29/29e-29-03-2017--10-06-49.jpg" alt="" /></span></a><a class="thickbox" title="" href="/FileManager/Commons/2017/3/29/29c-29-03-2017--10-05-20.jpg"></a><a class="thickbox" title="" href="/FileManager/Commons/2017/3/29/29a-29-03-2017--10-03-29.jpg"></a></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>