<p><span style="color: #000000;">នៅក្នុងកិច្ចសម្ភាសន៍មួយជាមួយនឹង គេហទំព័រល្បីឈ្មោះ Engadget, <span class="Tinhte_XenTag_TagLink">Samsung</span> ទើបតែប្រកាសជាផ្លូវការថា ពួកគេនឹងឈប់ផលិតជារៀងរហូតតែម្តង នូវស្មាតហ្វូន Galaxy Note 7 ទូទាំងពិភពលោក។ ប្រហែលជាគួរតែដល់ពេលហើយ ដែលគ្រប់រឿងដល់ផ្លូវបញ្ចប់ បន្ទាប់ពីមានការរអ៊ូរទាំ ឈ្លោះប្រកែកគ្នាជាច្រើន បានអូសបន្លាយពេល ជាច្រើនខែមកនេះ ដោយសារតែបញ្ហាដ៏គ្រោះថ្នាក់ ពាក់ព័ន្ធនឹងថ្មរបស់ Note 7។ </span></p>
<p><span style="color: #000000;">“សុវត្ថិភាពរបស់អតិថិជន គឺជាអាទិភាពចម្បងរបស់ពួកខ្ញុំ។ ពួកខ្ញុំបានសម្រេចចិត្ត ឈប់លក់ និងឈប់ផលិត Galaxy Note 7", Samsung បានឲ្យដឹងនៅក្នុងសេចក្តីប្រកាសមួយ។ សេចក្តីប្រកាសនេះ ត្រូវបានដាក់ចេញ បន្ទាប់ពីក្រុមហ៊ុនប្រមូលមកវិញនូវរាល់ Note 7 ទាំងអស់ រួមទាំងបណ្តា Note 7 ដែល Samsung ថាមានសុវត្ថិភាព។</span></p>
<p><a class="thickbox" title="" href="/FileManager/Commons/2016/10/11/3889274note-7-chet-tinhte-11-10-2016--21-09-11.jpg"><img src="/FileManager/Articles/mce/2016/10/11/3889274note-7-chet-tinhte-11-10-2016--21-09-11.jpg" alt="" /></a><br /> <br /><span style="color: #000000;"> Samsung បានដាក់ចេញសំណើប្រមូលស្មាតហ្វូននេះ ចូលវិញទូទាំងពិភពលោក កាលពីថ្ងៃម្សិលមិញបន្ទាប់ពីមានយ៉ាងតិច ៥គ្រឿងស្មាតហ្វូន Note 7 ដែលបានប្តូរថ្មី ត្រូវបានផ្ទុះឆេះ តែក្នុងរយះពេលមួយសប្តាហ៍ប៉ុណ្ណោះ។ "Samsung នឹងស្នើសុំបណ្តាក្រុមហ៊ុនប្រព័ន្ធទូរស័ព្ទ និងដៃគូសហការលក់រាយទាំងអស់ទូទាំងសកលលោក ឈប់ធ្វើការលក់ និងប្តូរ Galaxy Note 7" ក្រុមហ៊ុនកូរ៉េខាងត្បូងមួយនេះបាន ឲ្យដឹង នៅក្នុងសេចក្តីថ្លែងការណ៍មួយ។ </span></p>
<p><span style="color: #000000;">បណ្តាអ្នកកំពុងតែប្រើប្រាស់ Note 7 (រួមទាំងបណ្តាស្មាតហ្វូន ដែលមានសញ្ញាកំណត់សំគាល់មានសុវត្ថិភាព) ត្រូវបានក្រុមហ៊ុនជុំរុញឲ្យធ្វើការបិទស្មាតហ្វូនឈប់ប្រើ និងយកវាមកប្តូរវិញ នៅតាមកន្លែងចែកចាយ ដែលពួកគេបានទិញផលិតផលនេះ។</span></p>
<p><span style="color: #000000;">គួរបញ្ជាក់ផងដែរថា Galaxy Note 7 ត្រូវបាន Samsung ធ្វើការប្រកាសបង្ហាញកាលពីខែសីហា ឆ្នាំនេះ ហើយវាទទួលបានការគាំទ្រ ពេញចិត្តយ៉ាងច្រើន ពីសំណាក់អ្នកប្រើប្រាស់ ប៉ុន្តែតែមួយរយះពេលមិនយូរប៉ុន្មាន បញ្ហាចាប់ផ្តើមលេចចេញមក ពេលដែលមានរបាយការណ៍ដំបូង ស្តីពីការដែលស្មាតហ្វូន នេះ ឡើងកម្តៅខ្លាំង និងផ្ទុះឆេះ ហើយមកដល់ថ្ងៃទី១១ ខែតុលា នេះ Samsung ប្រកាសឈប់ផលិត Note 7 តទៅទៀតហើយ។ លាហើយ Galaxy Note 7!</span></p>
<p><span style="color: #000000;"><a href="/News/Detail/39429/leaked-invitation-letter-to-show-launch-date-of-galaxy-s8"><span style="color: #0000ff;"><em>- លេចចេញលិខិតអញ្ជើញ បង្ហើបឲ្យដឹងពីថ្ងៃបង្ហាញខ្លួន Galaxy S8</em></span></a><br /><a href="/News/Detail/16657/samsung-is-shutting-down-note-7-sale-worldwide"><em><span style="color: #0000ff;">- Samsung ស្នើឱ្យម្ចាស់ Note7 បិទទូរស័ព្ទ ហើយយកវាទៅប្ដូរយកប្រាក់ និងស្នើឱ្យដៃគូឈប់លក់ ត្រៀមប្រមូលចូលវិញ</span></em></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ Engadget, Tinhte</em></p>