<p><span style="color: #000000;"><strong>ភ្នំពេញ៖</strong> តារាចម្រៀងប្រុសដ៏ល្បីល្បាញលំដាប់ប្រទេសលោក ខេមរៈ សិរីមន្ត បានចាកពីពីប្រទេសកម្ពុជាហើយកាល ពីល្ងាចថ្ងៃ២៩ ខែកញ្ញាកន្លងទៅ ដែលរួមដំណើរដោយតារាចម្រៀងស្រី ពូកែច្រៀងបទបរទេសកញ្ញា សុខ សីឡាលីន ដែលមានមិត្តសិល្បករ និងអ្នកគាំទ្រជាច្រើនបានទៅជូនដំណើរអ្នកទាំងពីរទៀតផង ។</span></p>
<p><span style="color: #000000;">ដល់ព្រលានយន្តហោះអន្តរជាតិភ្នំពេញពោធិ៍ចិនតុង ដែលនេះជាលើកដំបូង ក្នុងការរួមដំណើរទៅរកលុយនៅក្រៅ ប្រទេសរបស់អ្នកទាំងពីរ ។ ការចាកចេញលើកនេះមានរយៈពេលមិនយូរពេកទេ ព្រោះអ្នកទាំងពីរត្រូវមាន ការងារមក បំពេញក្នុងស្រុកខ្មែរ តែពិតជាប្លែកណាស់ សម្រាប់មួយរយៈពេលចុងក្រោយនេះដែលតារាចម្រៀងល្បីរបស់ ផលិតកម្ម សាន់ដេ (Sunday Production) លោក ខេមរៈ សិរីមន្ត ចេះតែថតរូបជាមួយអ្នកធ្វើការក្នុងផលិតកម្មហង្ស មាស មិនថាតែអ្នកនិពន្ធចម្រៀង ឬអ្នកដឹកនាំសម្ដែង កៅ សីហា ទេ តែងតែមានរូបបង្ហោះជាមួយគ្នាជានិច្ច ។</span></p>
<p><span style="color: #000000;">ព្រោះព័ត៌មាននៃការចេញពីផលិតកម្មសាន់ដេ របស់លោក សិរីមន្ត ហាក់មានកំដៅកាន់តែខ្លាំងឡើង តែលោក ឡាយ សុខចំរើន បានចេញមុខបដិសេធថា គ្មានការចាកចេញពីផលិតកម្មនោះទេ ព្រោះ សិរីមន្ត ជាប់កិច្ចសន្យា៦ទៅ៧ឆ្នាំ ឯណោះ ។ </span><br /><span style="color: #000000;"> ការចេញទៅច្រៀងជាមួយតារាចម្រៀងខុសផលិតកម្មមិនមែនជារឿងប្លែកទេ ព្រោះឲ្យតែល្បី គេហៅទៅច្រៀងហើយ តែប្លែកត្រង់ថា ព័ត៌មានចូលហង្សមាសមិនទាន់អស់ចំហាយផងលោក ខេមរៈ សិរីមន្ត ក៏ដឹកដៃ សុខ សីឡាលីន ទៅក្រៅប្រទេសភ្លាមតែម្ដង ដែលមិនសណ្ដោងប្អូនស្រីទៅជាមួយដូចមុនឡើយ ។</span></p>
<p><span style="color: #000000;">យើងមានតែរង់ចាំមើលថា សិរីមន្ត ពិតជាចូលក្នុងផលិតកម្មហង្សមាស មែនឬយ៉ាងណា ព្រោះមិនមែនជាការជួបគ្នា ហើយថតរូបដូចលោក ឡាយ សុខចំរើន បានលើកឡើងនោះទេ ព្រោះរូបភាពខ្លះក្នុងបន្ទប់ប្រជុំ និងរូបភាពខ្លះនៅ កន្លែងថតតែម្ដង ក្រៅពីនោះក៏មានដំណឹងថាលោក ខេមរៈ សិរីមន្ត អាចជាគណៈកម្មការកម្មវិធី The Voice Cambodia ផងដែរ ដែលជាហេតុធ្វើឲ្យតារាចម្រៀងល្បីរូបនេះ ចេញពីទ្រនំដោយមិនស្ដាយស្រណោះឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/2/17j-02-10-2015--15-39-53.jpg"><img src="/FileManager/Articles/mce/2015/10/2/17j-02-10-2015--15-39-53.jpg" alt="" /></a></span></p>
<p><a class="thickbox" title="" href="/FileManager/Commons/2015/10/2/17k-02-10-2015--15-40-00.jpg"><img src="/FileManager/Articles/mce/2015/10/2/17k-02-10-2015--15-40-00.jpg" alt="" /></a></p>
<p><a class="thickbox" title="" href="/FileManager/Commons/2015/10/2/17l-02-10-2015--15-40-10.jpg"><img src="/FileManager/Articles/mce/2015/10/2/17l-02-10-2015--15-40-10.jpg" alt="" /></a><span style="color: #000000;"><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>