<p><span style="font-size: 12px; color: #000000;">(ចិន)៖ ចិញ្ចៀនពេជ្រមួយវង់ ដែលមានតម្លៃជាង៥លានដុល្លារហុងកុង ស្មើនឹង៦៤ម៉ឺនដុល្លារអាមេរិក ត្រូវបានប្លន់យកដោយចោរប្លន់ ពាក់ម៉ាស់ម្នាក់ វាយបំបែកកញ្ចក់យកពីហាងលក់គ្រឿងអលង្ការមួយកន្លែង ជាតំបន់ពោរពេញទៅដោយមនុស្ស នៅទីក្រុង Hong Kong ប្រទេសចិន។ នេះបើតាមសារព័ត៌មាន Channel News Asia ចុះផ្សាយនាយប់ថ្ងៃទី១០ ខែមីនា ឆ្នាំ២០១៧នេះ។</span></p>
<p><span style="font-size: 12px; color: #000000;"><br /><a class="thickbox" title="" href="/FileManager/Commons/2017/3/11/20a-11-03-2017--11-22-06.jpg"><img src="/FileManager/Articles/mce/2017/3/11/20a-11-03-2017--11-22-06.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/3/11/90-11-03-2017--11-26-21.jpg"><img src="/FileManager/Articles/mce/2017/3/11/90-11-03-2017--11-26-21.jpg" alt="" /></a></p>
<p><br /><a class="thickbox" title="" href="/FileManager/Commons/2017/3/11/90a-11-03-2017--11-26-29.jpg"><img src="/FileManager/Articles/mce/2017/3/11/90a-11-03-2017--11-26-29.jpg" alt="" /></a><a class="thickbox" title="" href="/FileManager/Commons/2017/3/11/90-11-03-2017--11-26-21.jpg"></a><span style="font-size: 12px; color: #000000;"><a class="thickbox" title="" href="/FileManager/Commons/2017/3/11/20a-11-03-2017--11-22-06.jpg"></a><br /></span></p>
<p><span style="color: #000000;">ចោរប្លន់បានប្រើញញួរ វាយបំបែកទូរកញ្ចក់តាំងបង្ហាញ នៃហាងលក់គ្រឿងអលង្ការ 3D-Gold នៅតំបន់ Tsim Sha Tsui ទីក្រុង Hong Kong។ ហេតុការណ៍នេះ បានកើតឡើងនៅវេលាម៉ោងប្រមាណ១១ព្រឹក (ម៉ោងក្នុងតំបន់) ប្រមាណក្រោយកន្លះម៉ោងបន្ទាប់ពីហាងបានបើកលក់។</span></p>
<p><span style="color: #000000;">មន្ត្រីប៉ូលិសមួយរូបបានប្រាប់ឲ្យដឹងព័ត៌មានជាបឋមថា ចិញ្ចៀនដែលត្រូវបានចោរប្លន់នោះ គឺជាវត្ថុដ៏មានតម្លៃបំផុតនៅក្នុងហាង។</span></p>
<p><span style="color: #000000;">អ្នកនាំពាក្យហាងលក់គ្រឿងអលង្ការ 3D-Gold បានប្រាប់ឲ្យដឹងថា នេះគឺជាលើកទីមួយហើយ ដែលហាងរបស់ខ្លួននៅក្នុងតំបន់ Tsim Sha Tsui ត្រូវបានចោរប្លន់យ៉ាងដូច្នេះ ចាប់តាំងពីវាត្រូវបានបើកឲ្យដំណើរការ នៅក្នុងឆ្នាំ២០១១។ អ្នកនាំពាក្យរូបនេះបានបញ្ជាក់ថា វាគឺជាចិញ្ចៀនពេជ្រ ដែលមានទំហំ៦.៦ការ៉ាត់៕</span></p>
<p><span style="color: #000000;"><a class="thickbox" title="" href="/FileManager/Commons/2017/3/11/20-11-03-2017--11-21-58.jpg"><img src="/FileManager/Articles/mce/2017/3/11/20-11-03-2017--11-21-58.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ីអិនអេ</span></p>