<p><span style="color: #000000;"><strong>(ចិន)៖</strong> ម្ចាស់ភោជនីយដ្ឋានមួយ នៅប្រទេសចិននិយាយថា គាត់អាចទាក់ទាញអតិថិជនរាប់រយនាក់ ឲ្យចូលពិសាអាហារ នៅកន្លែងរបស់ខ្លួន បន្ទាប់ពីជួលនារីសិចស៊ី ឲ្យធ្វើជាអ្នកបម្រើក្នុងហាង ប៉ុន្តែធ្វើឲ្យអ្នកជិតខាង មិនពេញចិត្តក៏រាយការណ៍ប្តឹងសមត្ថកិច្ច ពីរឿងនេះ ដោយចាត់ទុកថា ស្រីៗជាអ្នកបម្រើនោះ ស្លៀកសិចស៊ីហួសហេតុ។</span></p>
<p><span style="color: #000000;">ភោជនីយដ្ឋាន ដែលមានឈ្មោះថា Musical Barbecue Restaurant ស្ថិតនៅទីក្រុង Hainan ទីតាំងមានបរិយាកាសល្អ និងនៅក្បែរឆ្នេរសមុទ្រ ដ៏ស្រស់ស្អាតទៀតផង ប៉ុន្តែពីមុនភោជនីយដ្ឋាននេះ មិនធ្លាប់មានបុគ្គលិកស្លៀកឈុត ប៊ីគីនីបម្រើភ្ញៀវទេ រហូតដល់ Hong Ri ម្ចាស់ហាងនឹកឃើញ វិធីទាក់ទាញអតិថិជន ក៏ជួលនារីម៉ូដែល ឈរបង្ហាញម៉ូតរថយន្ត មកធ្វើជាអ្នកបម្រើឈរចាំទទួលភ្ញៀវ នៅមុខហាង ហើយថែមទាំងដើរជុំវិញតុអាហារភ្ញៀវ អមដោយឌីជេម្នាក់ទៀតផង ធ្វើឲ្យភ្ញៀវជាច្រើន ដែលចូលមកពិសាអាហារនៅទីនេះ ពេញចិត្តយ៉ាងខ្លាំង។</span></p>
<p><span style="color: #000000;">តែអ្វីដែលគួរឲ្យសោកស្តាយ គ្រាន់តែមួយសប្តាហ៍ប៉ុណ្ណោះ ប៉ូលិសបានចុះមកបិទភោជនីយដ្ឋាន របស់ Hong Ri ដោយចាត់ទុកថា ការយកនារីម៉ូដែលបង្ហាញម៉ូតរថយន្ត មកធ្វើជាអ្នកបម្រើ ជាការបន្ទាបតម្លៃមនុស្ស និងប៉ះពាល់សីលធម៌ ក្នុងទីក្រុងផងដែរ ហើយភោជនីយដ្ឋាននេះ អាចបើកដំណើរការឡើងវិញ បានប្រសិនម្ចាស់ហាងផ្លាស់ប្តូរអ្វី ដែលជាភាពមិនសមរម្យនេះចេញ៕</span></p>
<p><br /><a class="thickbox" title="" href="/FileManager/Commons/2016/9/4/02d-04-09-2016--14-21-06.jpg"><img src="/FileManager/Articles/mce/2016/9/4/02d-04-09-2016--14-21-06.jpg" alt="" /></a></p>
<p><span style="color: #000000;"><br /><object width="480" height="380" data="http://www.youtube.com/v/lNR8f3zzoc8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/lNR8f3zzoc8&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>