<p><span style="color: #000000;">ព័ត៌មានកីឡា៖ តំណែងជាគ្រូបង្វឹករបស់លោក Jose Mourinho ក្នុងក្លឹប Chelsea មកទល់ពេលនេះ នៅមិនទាន់ធានាឲ្យបានសុវត្ថិភាព នៅឡើយទេ នោះគឺដោយសារតែហេតុនៃការគ្រប់គ្រងមានភាពប្រែប្រួល ស្របពេលដែលប្រវត្ដិកន្លងមកមួយ រដូវកាលដំបូង ក្លឹប ទទួលបានពានរង្វាន់ដល់ទៅ ២ គ្រឿងក្នុងឆ្នាំតែមួយ គឺ Premier League និង League Cup ប៉ុន្ដែពេលនេះ ស្ទើតែដកដង្ហើមលែងដល់គ្នាទៅហើយ ។ ទន្ទឹមគ្នានេះផងដែរ បើក្រលេកមើលការប្រកួតកន្លងមក ពិតជាបរាជ័យជាក់ស្ដែងមែន តែធាតុពិតក៏មានការរួមចំណែកផងដែរ ពីកីឡាករ ។ ថ្មីៗនេះ មានការបែកធ្លាយពី អ្នកសារព័ត៌មាន របស់វិទ្យុប៊ីប៊ីស៊ី បង្ហើបថា ទំនាក់ទំនង របស់ក្លឹប គឺរវាងថ្នាក់ដឹកនាំ នឹងកីឡាករ កំពុងតែមានភាពមិនប្រក្រតី ខណៈដែលមានឆ្លើយឆ្លងពាក្យសម្ដីរបស់លោក គឺមានកីឡាករម្នាក់ដែលមិនបានបង្ហាញឈ្មោះ បានប្រាប់លោក ថា »សម្រាប់លោក Jose Mourinho គឺបរាជ័យ ល្អជាងជោគជ័យ » ។ </span></p>
<p><span style="color: #000000;">យោងតាមការចុះផ្សាយកន្លងមក សម្រាប់ពាក្យសម្ដីនេះ គឺមិនទាន់ត្រូវបានគេសន្មត់ថាជាកីឡាករណាម្នាក់ឡើយ ដោយឡែកមកទល់ពេលនេះ មានការចុះផ្សាយថា កីឡាករម្នាក់របស់ Chelsea ដែលស្ថិតក្នុងបញ្ហានេះ គឺខ្សែបម្រើឈ្មោះថា Cesc Fàbregas គឺជាបុគ្គលមួយរូបពាកព័ន្ធក្នុងរឿងនោះ ។ </span></p>
<p><span style="color: #000000;"><span style="font-size: 12px;">Cesc Fàbregas គឺជាអតីតខ្សែបម្រើរបស់ក្លឹប Arsenal និង Barcelona ហើយក៏ជាបុគ្គលមួយរួបក្នុងចំណោមក្រុមកីឡាករមួយចំនួនទៀតរបស់ Chelsea ដែលមានអំពើប្រតិកម្មប្រឆាំង នឹងការដឹកនាំរបស់លោក Jose Mourinho ក្នុងរដូវកាលនេះ។ </span><span style="font-size: 12px;">Cesc Fàbregas</span><span style="font-size: 12px;"> ត្រូវបានគេដឹងថា កីឡាករមិនសប្បាយចិត្ដនឹងសេចក្ដីសម្រេចរបស់លោក Mourinho ទៅលើ អ្នកគ្រូពេទ្យ </span>Eva Carneiro នឹងការរៀបចំនៅពេលនេះ ។ </span></p>
<p><span style="color: #000000;">យោងតាមអ្នករាយការណ៍ បានថ្លែងឲ្យដឹងថា <span style="font-size: 12px;">Cesc Fàbregas</span><span style="font-size: 12px;"> គឺជាអ្នកដឹកនាំក្រុមនុស្សទាំងអស់នោះ ដែលធ្វើការប្រឆាំងនឹង លោក Mourinho ប៉ុន្ដែការអះអាងនេះ មិនទាន់មានការបង្ហាញឲ្យបានច្បាស់ទាំង ១០០% នៅឡើយទេ ។ </span></span></p>
<p><a class="thickbox" title="" href="/FileManager/Commons/2015/11/3/11-3-2015-11-48-41-am-03-11-2015--11-58-39.png"><img src="/FileManager/Articles/mce/2015/11/3/11-3-2015-11-48-41-am-03-11-2015--11-58-39.png" alt="" /></a></p>
<p><a class="thickbox" title="" href="/FileManager/Commons/2015/11/3/11-3-2015-11-47-29-am-03-11-2015--11-58-50.png"><img src="/FileManager/Articles/mce/2015/11/3/11-3-2015-11-47-29-am-03-11-2015--11-58-50.png" alt="" /></a></p>
<p style="text-align: right;"><span style="font-size: 14px; line-height: 21px;">ដោយ៖ អឿ អ៊ុយ</span></p>
<p style="text-align: right;"><span style="font-size: 14px; line-height: 21px;">ប្រភព៖ dailystar </span></p>