<p><span style="color: #000000;"><strong>(ម៉ាឌ្រីដ)៖</strong> ក្រុមការពារតំណែងជើងស្តេចស Real Madrid របស់អេស្ប៉ាញ ពុំមានកីឡាករណាមួយរងរបួសគួរឲ្យបារម្ភអ្វីឡើង ពោលគឺពេញជើងល្អណាស់ ក្នុងការជួបប្រកួតទល់នឹងក្រុមភ្ញៀវ Sporting Lisbon មកពីព័រទុយហ្គាល់ម៉ោង ១៖៤៥នាទីរំលងអាធ្រាត្រនេះក្នុងជើងទី១ នៃ UEFA Champions League រដូវកាលថ្មីឆ្នាំ២០១៦-២០១៧។</span></p>
<p><span style="color: #000000;">កីឡាករខ្សែប្រយុទ្ធជួរមុខទាំង៣ Alvaro Morata, Gareth Bale និង Christiano Ronaldo ជាដើមនោះ សុទ្ធតែត្រូវបានគ្រូបង្វឹក Zinedine Zidane ដាក់ឲ្យចូលលេងក្នុងជម្រើស ១១នាក់ដំបូងដូចគ្នា ក្នុងការស្វាគមន៍ក្រុមអតីតក្លឹបចាស់ របស់ Ronaldo តាំងពីកុមារភាពនៅពហុកីឡដ្ឋាន Santiago Bernabeu ក្នុងពូល F។</span></p>
<p><span style="color: #000000;">ក្រុមដែលបញ្ចប់ទៅដោយជើងឯករងនៃ La Liga តាមពីក្រោយ FC Barcelona នារដូវកាលមុន ធ្វើបានល្អជាងគេក្នុងការចាប់ផ្តើមរដូវកាលថ្មីនេះ ដោយលេង៣ប្រកួតក្នុងលីគកំពូលអេស្ប៉ាញ ឈ្នះទាំង៣ ឈរនៅកំពូលតារាងបណ្តោះ អាសន្នមាន ៩ពិន្ទុពេញ ហើយការជួបជាមួយនឹង Sporting រាត្រីនេះដូចជាមិនសូវជាបញ្ហាអ្វីឡើយសម្រាប់ក្រុមយក្ស ដែលឈ្នះជើងឯក Champions League បាន១១ដងច្រើនជាងគេ៕</span></p>
<p><span style="color: #000000;"><img src="http://estaticos.sport.es/resources/jpg/2/8/real-madrid-xi-1457473783782.jpg" alt="" width="730" /></span></p>
<p style="text-align: center;"><span style="color: #000000;">ក្រុម Real Madrid (អេស្ប៉ាញ)</span></p>
<p><span style="color: #000000;"><img src="http://s.weltsport.net/bilder/teamfotos/640x360/809.jpg" alt="" width="730" /></span></p>
<p style="text-align: center;"><span style="color: #000000;">ក្រុម Sporting Lisbon (ព័រទុយហ្គាល់)</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>