<p><span style="color: #000000;"><strong>(ភ្នំពេញ)៖</strong> ខេត្តចំនួន៥ រួមមាន ខេត្តរតនគិរី មណ្ឌលគិរី ប៉ៃលិន ឧត្តរមានជ័យ និងព្រះវិហារនៅយប់ថ្ងៃទី៧ ខែកុម្ភ: ឆ្នាំ២០១៦នេះ នឹងព្រឹកស្អែកសីតុណ្ហភាពអប្បបរមា នឹងចុះត្រជាក់ខ្លាំងមកនៅក្នុងរង្វង់ ១២-១៤អង្សាសេ។ នេះបើយោងតាមលោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម បានប្រាប់អង្គភាព Fresh News នៅព្រឹកថ្ងៃនេះ។</span></p>
<p><span style="color: #000000;">លោកបន្តថា ចំពោះតំបន់ជួរភ្នំ អាចត្រជាក់ជាងនេះបន្តិចទៀត ហើយចាប់ពីថ្ងៃទី១០ ទៅទើបសីតុណ្ហភាពចាប់ផ្តើមងើបឡើងវិញ។</span></p>
<p><span style="color: #000000;">សូមបញ្ជាក់ថា៖ យោងតាមការព្យាករណ៍ អាកាសធាតុនៅកម្ពុជានឹងចុះត្រជាក់ម្តងទៀត នាថ្ងៃទី ០៧-០៩ ខែកុម្ភៈ ឆ្នាំ ២០១៦។ <strong>បណ្តាខេត្តដែលចុះត្រជាក់រួមមាន៖</strong></span></p>
<p><span style="color: #000000;">- ខេត្តមណ្ឌលគិរី រតនគិរី ព្រះវិហារ ឧត្តរមានជ័យ និងខេត្តបន្ទាយមានជ័យ៖ សីតុណ្ហភាពអប្បបរមា នឹងធ្លាក់ចុះមកនៅក្នុងរង្វង់ពី១៥-១៧អង្សាសេ។</span><br /><span style="color: #000000;">- ខេត្តស្ទឹងត្រែង បាត់ដំបង ប៉ៃលិន និងខេត្តសៀមរាប៖ សីតុណ្ហភាពអប្បបរមា នឹងធ្លាក់ចុះមកនៅក្នុងរង្វង់ពី១៧-១៩អង្សាសេ។</span></p>
<p><span style="color: #000000;">លោក ចាន់ យុត្ថា បន្តថាការចុះត្រជាក់នេះ ក៏មានលាយឡំជាមួយនឹងការ ធ្លាក់ខ្យល់ផងដែរ។</span></p>
<p><span style="color: #000000;">ពាក់ព័ន្ធនឹងការចុះត្រជាក់ និងការធ្លាក់ខ្យល់នាពេលខាងមុខនេះ លោក ចាន់ យុត្ថា បានអំពាវនាវដល់បងប្អូនប្រជាពលរដ្ឋ សូមបង្កើនការយកចិត្តទុកដាក់ លើបញ្ហាសុខភាព ពិសេសចំពោះមនុស្សចាស់ និងកុមារ៕</span></p>
<p style="text-align: center;"><span style="color: #000000;"><img src="https://lh3.ggpht.com/-UoOFJmQXEuQ/R_d5NGsQEtI/AAAAAAAAA1M/b4CTN7v_H7s/s1600/DSCN3515.JPG" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>