<p><span style="color: #000000;"><strong>(ភ្នំពេញ)</strong>៖ រហូតដល់ម៉ោង១១៖០០នាទីព្រឹក ថ្ងៃទី២១ ខែធ្នូ ឆ្នាំ២០១៥ កម្លាំងសមត្ថកិច្ចបានឃាត់ខ្លួនអ្នកតវ៉ាជាង ៣០នាក់ បន្ទាប់ពីពួកគេបានផ្ទុះហិង្សា យកដុំថ្មគប់ និងវាយបំផ្លាញ សម្ភារៈ ទ្រព្យសម្បត្តិនៅក្នុងរោងចក្រ។ នេះបើយោងតាមឧត្តមសេនីយ៍ កឹង ឃន ស្នងការនគរបាលខេត្តស្វាយរៀង បានប្រាប់អង្គភាពព័ត៌មាន Fresh News មុននេះបន្តិច។</span></p>
<p><span style="color: #000000;">ការឃាត់ខ្លួនក្រុមអ្នកតវ៉ាជាង ៣០នាក់នេះ បានធ្វើឡើងបន្ទាប់ពីមានបាតុកម្មជាថ្មីនៅតំបន់សេដ្ឋកិច្ចពិសេសតាយ សេង ដោយមានកម្មករប្រមាណ ៩ពាន់នាក់ មកពី៣រោងចក្រ ក្នុងចំណោមជាង ១០រោងចក្រ បាននាំគ្នាជួបជុំតវ៉ា ដើម្បីទាមទារដំឡើងប្រាក់ឈ្នួលបន្ថែម២០ដុល្លារ លើការកំណត់របស់រាជរដ្ឋាភិបាលកម្ពុជា សម្រាប់ឆ្នាំ២០១៦។</span></p>
<p><span style="color: #000000;">លោក កឹង ឃន បានបញ្ជាក់ថា ការឃាត់ខ្លួនក្រុមអ្នកតវ៉ានេះ បានធ្វើឡើងបន្ទាប់ពីពួកគេបានព្យាយាមប្រើហិង្សា ដោយដុំថ្ម ដំបង ទៅគប់ វាយបំផ្លាញសម្ភារៈ និងទ្រព្យសម្បត្តិរបស់រោងចក្រ។</span></p>
<p><span style="color: #000000;">សូមជំរាបថា តាំងពីថ្ងៃទី១៦ ខែធ្នូ ឆ្នាំ២០១៥ កម្មកររាប់ម៉ឺននាក់នៅក្រុងបាវិត បាននាំគ្នាធ្វើកូដកម្ម ទាមទារដំឡើងប្រាក់ខែបន្ថែម លើសពីប្រាក់ឈ្នួលអប្បបរមា ១៤០ដុល្លារ ដែលកំណត់ដោយ រាជរដ្ឋាភិបាលកម្ពុជា សម្រាប់ឆ្នាំ២០១៦។ ក្រោយមានបាតុកម្មនេះ សមត្ថកិច្ចបានឃាត់ខ្លួនមនុស្ស ៤នាក់ ដែលជាមុខសញ្ញាគប់រោងចក្រនៅថ្ងៃទី២០ ខែធ្នូ ម្សិលមិញនេះ ស្របពេលសមាគមរោងចក្រកាត់ ដេរកម្ពុជា (GMAC) អំពាវនាវឱ្យចាត់វិធានការទៅលើកូដកម្មនេះ។</span></p>
<p><span style="color: #000000;">កម្សួលបាតុកម្មបានផ្ទុះឡើងជាថ្មីនាព្រឹកថ្ងៃទី២១ ខែធ្នូ នេះ ដោយក្រុមកម្មករ បានលើកគ្នាមកតវ៉ាជាថ្មីក្នុងបំណងឲ្យសមត្ថកិច្ចដោះលែង តំណាងរបស់ពួកគេ។ កម្លាំងសមត្ថកិច្ចជាច្រើន បានចុះទៅការពារសន្តិសុខនៅរោងចក្រ និងមានការបាញ់ទឹក ដើម្បីបំបែកកម្លាំងអ្នកតវ៉ាផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/21/12-21-2015-11-41-58-am-21-12-2015--11-51-02.png"><span style="color: #000000;"><img src="/FileManager/Articles/mce/2015/12/21/12-21-2015-11-41-58-am-21-12-2015--11-51-02.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/21/12-21-2015-11-42-15-am-21-12-2015--11-51-10.png"><span style="color: #000000;"><img src="/FileManager/Articles/mce/2015/12/21/12-21-2015-11-42-15-am-21-12-2015--11-51-10.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>