<p><span style="color: #000000;"><strong>(ភ្នំពេញ)៖</strong> តារាសម្ដែង ដួង ស្រីពេជ្រ ដែលបានប្តូរឈ្មោះមកជា ដួង ម៉ានិច ដើម្បីឲ្យមានហុងស៊ុយល្អ ត្រូវបានទស្សនិកជន មើលឃើញថា ជាតារាសម្តែងវ័យក្មេង មានសម្រស់ស្រស់ស្អាត ចូលចិត្តបញ្ចេញភាពសិចស៊ី សាច់សម៉ដ្ឋរលោង បានចូលប្រឡូកនៅក្នុងវិថីសិល្បៈ ដោយទទួលបាននូវប្រជាប្រិយភាព និង សន្ទុះនៃការគាំទ្រ នៅលើទីផ្សាសិល្បៈ លំដាប់តារាល្បីល្បាញ ក្នុងប្រទេសកម្ពុជា ដូចតារាស្រីជាច្រើនទៀត។ ថ្មីៗនេះ ដួង ម៉ានិច កំពុងតែទទួលរងនូវព័ត៌មានរសើបមួយមកថា នាងកំពុងតែមានប្រុសៗសម្បូរទ្រព្យ តាមរំខានសុំស្នេហ៍ឥតដាច់ ដោយអ្នកខ្លះហ៊ានទាំងជះលុយដុល្លារ ដើម្បីទាក់ទាញចិត្តរបស់នាងឲ្យព្រមប្រគល់ស្នេហ៍ ហើយអ្នកខ្លះទៀត ថែមទាំងហ៊ាន ប្រគល់ផ្ទះ វីឡា ឡាន ជាកាដូលួងចិត្ត ប្រសិនបើនាងឆ្លើយថា OK ។</span></p>
<p><span style="color: #000000;">មជ្ឈដ្ឋានមហាជនអ្នកគាំទ្រ បានលើកឡើងថា ដួង ម៉ានិច មួយរយៈចុងក្រោយនេះ ទាំងប្រជាប្រិយភាព និងកេរ្តិ៍ឈ្មោះរបស់នាង គឺកាន់តែមានសន្ទុះលេចធ្លោ ជាលំដាប់ ពោលគឺអាចនិយាយបានថា នាងកំពុងតែមានយីអ៊ុនខ្ពស់ ខណៈដែលតារាស្រីរួមជំនាន់ ជាមួយនាង មានអ្នកខ្លះហាក់មិនទាន់រកឃើញទីផ្សារ ដើម្បីឆក់ដណ្តើមយកកេរ្តិ៍ឈ្មោះ និងការគាំទ្រឲ្យល្បីល្បាញ បានដូចនាងនៅឡើយទេ។</span></p>
<p><span style="color: #000000;">ទន្ទឹមគ្នាជាមួយការគាំទ្រ និងប្រជាប្រិយភាពកំពុងតែ ដើរទៅមុខជាលំដាប់នេះដែរ ដួង ម៉ានិច ក៏ត្រូវបានគេមើលឃើញថា នាងតារាសម្តែងស្រីវ័យក្មេង ដែលមានរូបសម្រស់ស្រស់ស្អាត គួរឲ្យទាក់ទាញ និងចូលចិត្តបញ្ចេញភាពសិចស៊ីយ៉ាងចាស់ដៃថែមទៀតផង ធ្វើឲ្យបុរសៗជាច្រើន ទាំងអ្នករស់កនៅក្នុងស្រុក និងក្រៅស្រុកជ្រួលជ្រើមឈ្លក់វង្វេង លង់នឹងសម្រស់ដ៏ស្រស់សោភារបស់នាង រហូតដល់ថ្នាក់ប្រជែងដណ្តើមគ្នា ចង់បានរូបកាយតារារូមនេះ មកថ្នាក់ថ្នមប្រឡោម ធ្វើជាម្ចាស់បេះដូង ទៅថ្ងៃអនាគត។</span></p>
<p><span style="color: #000000;">ថ្មីៗនេះ មានប្រភពបង្ហើបប្រាប់ថា បច្ចុប្បន្ននេះកំពុងតែមានបុរសៗជាច្រើន ហើយសុទ្ធតែជាអ្នកដែលមានទ្រព្យស្តុក មានទាំងអ្នករស់នៅក្នុងស្រុក និងក្រៅស្រុក កំពុងតែតាមលួងលោកសុំក្តីស្រលាញ់ពីនាង ដួង ម៉ានិច ដើម្បីបាននាងយក ទៅធ្វើជាម្ចាស់បេះដូង ឃុំគ្រងជាកម្មសិទ្ធិ ទៅថ្ងៃអនាគត។ នាង ដួង ម៉ានិច ពិតជាមិនធម្មតានោះទេ ដោយសព្វថ្ងៃនេះ កំពុងមានអ្នកតាមយកចិត្តយកថ្លើម ជាច្រើនក្នុងបំណងចង់បាន ការស្រលាញ់ពីរូបនាង។ ជាងនេះក៏មានបុរសសម្បូរទ្រព្យធន និងមានយសស័ក្តិធានា ជួយជ្រោមជ្រែងចិញ្ចឹមនាង ឲ្យរស់នៅក្រោមគំនរមាសប្រាក់ មិនបាច់នឿយហត់ក្រោមកម្ដៅថ្ងៃ ថតរឿងសន្សំលុយល្អិត ទៀតផង។</span></p>
<p><span style="color: #000000;">ជុំវិញនឹងព័ត៌មានដ៏រសើប នៅរសៀលថ្ងៃទី២២ ខែមិនាឆ្នាំ២០១៦នេះ គេហទំព័រ Khmertalking មិនអាចធ្វើការទំនាក់ទំនង ដើម្បីសុំការបកស្រាយពី ដួង ម៉ានិច បាននៅឡើយទេ។ ដូច្នេះ Khmertalking នឹងព្យាយាមទាក់ទង ដើម្បីសុំការបំភ្លឺនៅពេលក្រោយ ដោយក្ដីរីករាយ ដើម្បីឲ្យទស្សនិកជន និងអ្នកគាំទ្រនាង អស់មន្ទិលសង្ស័យ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12112244_860397680735527_2612486780144260609_n.jpg?oh=96a8baba4d5fc8ae1f4778fba290f307&oe=578C3B91" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12079301_859667610808534_659788489802677445_n.jpg?oh=078be5b82a1044bc5a95ba4809418b49&oe=577C84BB" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xap1/v/t1.0-9/12552879_221174191554408_2489048864551626043_n.jpg?oh=5e8e10708cacae9522f2144fe55253ee&oe=578CA20A&__gda__=1468097494_38a89b1aa0c0a3fc497a66dbcfdc19bf" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpa1/v/t1.0-9/12654515_170783336627924_2500354755844297929_n.jpg?oh=a6018e98153545148317fd1c75be8f1b&oe=5751BA15&__gda__=1467797421_75b85efcc09b58af69669bc54a2f925e" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/v/t1.0-9/12321416_920387391403222_6042356095928861276_n.jpg?oh=814489ec7121337aaf055daa264ea65e&oe=57861DCF&__gda__=1469457939_06444c0fc3e6f7af0d1eb2dfd3d42854" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtf1/v/t1.0-9/10349202_928931283882166_3647844584395255493_n.jpg?oh=a9407f395d56d4207fde53daacabe3b2&oe=577DDD7B&__gda__=1468279072_2020adb4b96a45b902b68ea7a4ed0f6d" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtl1/v/t1.0-9/12805940_920584704716824_2971124372404730099_n.jpg?oh=cb22d1d98b73ed1a093475a90fc4f948&oe=575360EE" alt="" width="730" /></span></p>
<p> </p>
<div id="news_detail" class="postcontainer">
<div class="span9">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span style="color: #000000;"><br /></span></div>
</div>
<div class="custom"></div>
</div>