<p><span style="color: #000000;"><strong>(ភ្នំពេញ)៖</strong> តារាពហុជំនាញ លោក ជួប ច័ន្ទកក្តដា ហៅ រ៉ូលីន មួយរយៈនេះ ត្រូវបានមហាជនមើលឃើញថា នៅតែមមាញឹក ក្នុងការដើរកើបលុយពេញផ្ទៃប្រទេស ក្នុងកម្មវិធីប្រគំតន្រ្តីផ្សេងៗ តាមរយៈសមត្ថភាពសិល្បៈដ៏អស្ចារ្យ ចេះបត់បែបគ្រប់កាលៈទេសៈ ។ ទោះបីជាមាន អ្នកត្រាប់សំឡេងលោកស្រី ប៉ែន រ៉ន បានល្អជាងលោកក្ដី ប៉ុន្តែពួកគេមិនអាចធ្វើខ្លួនឲ្យបានល្បី ដូចលោកឡើយ ។ ម្យ៉ាង រ៉ូលីន បានចាក់ឫសក្នុងចិត្ត ប្រជាជនខ្មែរ ទើបគ្មានអ្នកណាជំនួសតំណែងលោកបានឡើយ ។</span></p>
<p><span style="color: #000000;">រ៉ូលីន ស្ទើរតែគ្មានពេលសម្រាកនៅផ្ទះនោះទេ ព្រោះថ្ងៃណាក៏មានកម្មវិធី ជាប់រហូត ។ ចំណែកឯលុយវិញ គេស្ទើរតែលែងនិយាយដល់ ព្រោះក្នុងមួយល្ងាច លោកអាចរកបានយ៉ាងតិច ក៏បួនទៅប្រាំរយដុល្លាអាមេរិចដែរ ។ ក្រៅពី រ៉ូលីន រកលុយបានពេញៗដៃ លោកក៏ជាតារាមានទឹកចិត្ត សប្បុរធម៌មិនធម្មតាដែរ ដោយបានបរិច្ចាគ ចូលក្នុងសកម្មភាពមនុស្សធម៌ ជួយដល់ជនក្រីក្រ និងកុមារកំព្រា។</span></p>
<p><span style="color: #000000;">ប្រភពព័ត៌មានច្បាស់ការណ៍មួយ បានបង្ហើមឲ្យដឹងថា នៅដើមខែ មេសា ឆ្នាំ២០១៦ ខាងមុខនេះ រ៉ូលីន នឹងចាកចេញពីទឹកដីកម្ពុជា ទៅកើបលុយហ្រ្វង់ ពីប្រទេសបារាំង ជាមួយអ្នកនាង សុខ ចាន់ធីតា ហៅ កាតុ ព្រោះនេះជាការអញ្ជើញ ពីសំណាក់បងប្អូនខ្មែរ នៅប្រទេសបារាំង ចង់ចូលឆ្នាំថ្មី ជាមួយរ៉ូលីន ។</span></p>
<p><span style="color: #000000;">លោក ជួប ច័ន្ទកក្ដដា ហៅ រ៉ូលីន បានប្រាប់ Khmertalking ថា លោកនឹងចាកចេញទៅបារាំងឆាប់ៗ ខាងមុននេះហើយ អាចនឹងត្រឡប់មកវិញ ក្រោយពីពិធីបុណ្យចូលឆ្នាំខ្មែរ បានបញ្ចប់ ដើម្បីទៅសម្ដែង នៅក្រៅប្រទេស ចំណែកឯកម្មវិធីទូរទស្សន៍ My TV លោកបានថតទុកជាច្រើនរួចហើយ រួមទាំងបទចម្រៀង ក្នុងផលិតកម្ម ថោន ផងដែរ ។</span></p>
<p><span style="color: #000000;">លោក រ៉ូលីន ជាតារាសិល្បៈម្នាក់ ដែលប្រកាន់អត្តចរឹតរួសរាយ និងស្លូតបូត គួរឲ្យកោតសរសើរ ចំណុចនេះហើយ ដែលលោកនៅតែមានប្រជាប្រិយភាព ក្នុងពិភពសិល្បៈ ពិសេសលោកបានកែប្រែ ជីវភាពគ្រួសារឲ្យល្អប្រសើរឡើង ក្នុងរយៈពេលតែប៉ុន្មានឆ្នាំ ចុងក្រោយនេះប៉ុណ្ណោះ ៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-57-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-57-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-57-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-57-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-57-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-58-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-58-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-14-47-58-8.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>