<p><span style="color: #000000;">នៅក្នុងតារាងចំណាត់ថ្នាក់ប្រចាំឆ្នាំ ស្តីពីតម្លៃម៉ាកយីហោរបស់ Interbrand 2016 ចំណាត់ថ្នាក់ Top 3 ដំបូងគេនៅតែរក្សាដដែល មិនមានការផ្លាស់ប្តូរទេ ក្នុងរយះពេលពីរបីឆ្នាំកន្លងទៅថ្មីៗនេះ ដែលចំណាត់លេខ១ គឺនៅតែជាក្រុមហ៊ុន Apple បន្ទាប់មកលេខ២គឺ Google និងលេខ៣គឺ Cocacola។</span></p>
<p><span style="color: #000000;"> ក្នុងនោះចំណាត់ថ្នាក់ពីរលេខកំពូលតារាង មានតម្លៃម៉ាកយីហោខ្ពស់ខ្លាំង បើប្រៀបធៀបទៅនឹងបណ្តាម៉ាកយីហោ នៃបណ្តាក្រុមហ៊ុនដទៃផ្សេងទៀត នៅក្នុងតារាងចំណាត់ថ្នាក់របស់ Interbrand 2016។ ជាក់ស្តែង Apple ទទួលបានតម្លៃម៉ាកយីហោ ១៧៨ពាន់លានដុល្លារអាមេរិច, Google បាន ១៣៣ពាន់លានដុល្លារអាមេរិច ចំណែកឯ Cocacola គឺ ៧៣ពាន់លានដុល្លារអាមេរិច ប៉ុណ្ណោះ។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/10/7/rankings-2016-07-10-2016--12-59-44.jpg"><img src="http://camnews.com.kh/FileManager/Articles/mce/2016/10/7/rankings-2016-07-10-2016--12-59-44.jpg" alt="" /></a><br /></span></p>
<p><span style="color: #000000;">ដូចបណ្តាឆ្នាំមុនៗ បណ្តាក្រុមហ៊ុនបច្ចេកវិទ្យា ពីមួយឆ្នាំទៅមួយឆ្នាំ កាន់តែដណ្តើមបានចំណាត់ថ្នាក់ជាច្រើន នៅក្នុងតារាងចំណាត់ថ្នាក់តម្លៃម៉ាកយីហោនេះ។ ក្រៅពីក្រុមហ៊ុន Cocacola និង Toyota ក្រុមហ៊ុនចំនួន ៦ទៀត នៅក្នុង Top 8 គឺសុទ្ធតែជាបណ្តាក្រុមហ៊ុនបច្ចេកវិទ្យា។ អ្វីដែលគួរឲ្យកត់សំគាល់ជាងគេនោះគឺ ក្រុមហ៊ុន Facebook មានសន្ទុះនៃការកើនឡើងយ៉ាងខ្លាំង ដល់ទៅ ៤៨% នៃតម្លៃម៉ាកយីហោ។ ចំណែក Samsung វិញ ក៏នៅតែមានការកើនឡើងច្រើនគួរសម គឺចំនួន ១៤% ផងដែរ ដោយដណ្តើមបានចំណាត់ថ្នាក់លេខ៧ បើទោះបីជាក្រុមហ៊ុនត្រូវខាតបង់ច្រើន ស្តីពីបញ្ហាថ្មរបស់ Galaxy Note 7 ហើយត្រូវប្រមូលចូល និងប្តូរថ្មីឲ្យអតិថិជនវិញ យ៉ាងណាក្តី។ </span></p>
<p><span style="color: #000000;">ឈរបន្ទាប់ពីក្រុមហ៊ុនបច្ចេកវិទ្យា គឺជាបណ្តាក្រុមហ៊ុនរថយន្ត ដែលមានសន្ទុះកើនឡើងច្រើន ក្នុងនោះមានក្រុមហ៊ុន Mercedes ដណ្តើមបានលេខរៀងទី៩ និង BMW បានលេខរៀងទី១១។ នៅក្នុងចំណោម Top 20 នៃតារាងចំណាត់ថ្នាក់ តម្លៃម៉ាកយីហោថ្លៃជាគេរបស់ Interbrand 2016 មានក្រុមហ៊ុនរថយន្តចំនួន៣ ក្រុមហ៊ុនអាហារចំនួន២ (McDonald, Cocacola), ក្រុមហ៊ុនកំសាន្ត Entertainment ចំនួន១ (Disney), ក្រុមហ៊ុន Fashion ចំនួន៣ (Nike, LV, H&M), និងក្រុមហ៊ុនបច្ចេកវិទ្យាចំនួន១១៕</span></p>
<p><span style="color: #000000;"><a href="/News/Detail/20830/dxomark-evaluated-camera-of-google-pixel-is-the-best-camera-in-the-world"><span style="color: #0000ff;"><em>- DxOMark វាយតម្លៃកាមេរ៉ារបស់ Google Pixel ជាកាមេរ៉ាស្មាតហ្វូន ល្អជាងគេបំផុតលើពិភពលោក ពេលបច្ចុប្បន្ននេះ</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ Interbrand, Tinhte</em><span style="color: #000000;"><br /></span></p>