<p><span style="color: #000000;"><strong>(ភ្នំពេញ)៖</strong> ស្ថានឯកអគ្គរាជទូតកម្ពុជា ប្រចាំប្រទេសម៉ាឡេស៊ី បានរៀបចំពលការិនីខ្មែរចំនួន៣នាក់ទៀតហើយ ឲ្យធ្វើមាតុភូមិនិវត្តន៍មកកម្ពុជាវិញ។ ពួកគេនឹងមកដល់ប្រទេសកំណើតវិញ នៅព្រឹកថ្ងៃទី១៨ ខែធ្នូ ខាងមុខនេះ។ នេះបើតាមសេចក្តីប្រកាសរបស់ក្រសួងការបរទេស។</span></p>
<p><span style="color: #000000;">តាមសេចក្ដីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ ដែលអង្គភាព Fresh News ទទួលបាននៅរសៀលថ្ងៃទី១៦ ខែធ្នូ ឆ្នាំ២០១៦នេះ បញ្ជាក់ថា ពលការិនីទាំង៣នាក់នេះ បានទៅធ្វើការនៅប្រទេសម៉ាឡេស៊ីហើយជួបលំបាក ទើបទៅស្ថានទូតនៅថ្ងៃទី១២ ខែធ្នូ ឆ្នាំ២០១៦ ស្នើជួយឲ្យបានត្រឡប់មកកម្ពុជាវិញ។ ស្ថានទូតបានចេញលិខិតធ្វើដំណើរជូន និងសម្របសម្រួលជាមួយការិយាល័យអន្តោប្រវេសន៍ម៉ាឡេស៊ី។</span></p>
<p><span style="color: #000000;">ក្រសួងថា ពលការិនីទាំង៣នាក់ នឹងមកដល់ព្រលានយន្តហោះអន្តរជាតិភ្នំពេញ នៅថ្ងៃទី១៨ ខែធ្នូ ឆ្នាំ២០១៦ វេលាម៉ោង ០៧:៣៥នាទីព្រឹក តាមជើងយន្តហោះ AK536។ អំឡុងពេលរង់ចាំត្រឡប់មកកម្ពុជាវិញ ស្ថានទូតបានផ្តល់កន្លែងស្នាក់នៅ និងអាហារបរិភោគដល់អ្នកទាំង៣ផងដែរ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-16-15-59-54-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>