<p><span style="color: #000000;"><strong>(អាមេរិក)៖ </strong>ទោះបីជាការស៊ើបអង្កេត លើករណីបំពានលើសិទ្ធិកូន ត្រូវបានបញ្ចប់ក៏ដោយ Angelina Jolie មិនបានធ្វើឲ្យរឿងនេះស្ងប់ទេ ព្រោះតារាស្រីហូលីវូតរូបនេះ នៅតែព្យាយាមធ្វើគ្រប់យ៉ាង ដើម្បីឲ្យមហាជនជឿថា Brad Pitt បានសាងរបួសស្នាមក្នុងចិត្តកូនៗ បណ្តាលមកពីស្ថានភាពកន្លងមក ហើយនាងក៏ចង់រកគ្រូពេទ្យជំនាញជួយព្យាបាលកូនដែរ។</span></p>
<p><span style="color: #000000;">Angelina ហាក់មិនសប្បាយចិត្តនឹងអ្វី ដែលតុលាការលើកលែង ការចោទប្រកាន់ដាក់បន្ទុកលើអតីតស្វាមីទេ ព្រោះនាងត្រូវការសិទ្ធិគ្រប់គ្រងកូនទាំង៦ ដូច្នេះហើយបានជានាងព្យាយាមធ្វើអ្វីក៏ដោយ តាមដែលអាចប្រឆាំងនឹង Brad Pitt។</span></p>
<p><span style="color: #000000;">ក្រោយពីត្រូវភរិយាប្តឹងសុំលែង Brad Pitt មិនបាននៅស្ងៀមទេ គឺតារាប្រុសវ័យ ៥២ឆ្នាំ រូបនេះ បានតស៊ូរឿងក្តី ហើយសុំសិទ្ធិគ្រប់គ្រងកូនរួម ហើយសង្គ្រាមរវាងអតីតប្តីប្រពន្ធពីរឿងកូននេះ នៅតែបន្តដរាបណាតុលាការ មិនទាន់សម្រេចក្តីចុងក្រោយបែបណានៅឡើយ។</span></p>
<p><span style="color: #000000;"><a class="thickbox" title="" href="/FileManager/Commons/2016/12/9/15c-09-12-2016--09-41-48.jpg"><img src="/FileManager/Articles/mce/2016/12/9/15c-09-12-2016--09-41-48.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>