<p><span style="color: #000000;"><strong>(តាកែវ)៖</strong> ប្ដីកំណាចចិត្តជាសត្វតិរច្ឆានម្នាក់ បានវៃជាន់កប្រពន្ធរហូតស្លាប់ចោលកូន ៤នាក់ ព្រោះខឹងប្រពន្ធមិនឲ្យលុយពីរពាន់រៀល ទៅទិញស្រាសផឹក។ ហេតុការណ៍អំពើហឹង្សាក្នុងគ្រួសារនេះ បានកើតឡើងនៅយប់ថ្ងៃទី២៨ ខែមិថុនា ឆ្នាំ២០១៦ ស្ថិតក្នុងផ្ទះជនរងគ្រោះ នៅភូមិព្រៃតាម៉ៅ ឃុំគីរីចុងកោះ ស្រុកគីរីវង់ ខេត្តតាកែវ។</span></p>
<p><span style="color: #000000;">លោក យុគ សារ៉ាត់ អធិការនគបាលស្រុកគីរីវង់ បានឲ្យដឹងថា ជនសង្ស័យ ដែលវៃជាន់ករប្រពន្ធទាល់តែស្លាប់នេះ ឈ្មោះ វេត សាក់ អាយុ៣៦ឆ្នាំ រីឯនារីរងនូវអំពើហិង្សាជាប្រពន្ធឈ្មោះ ម៉ុស ស្ដើង អាយុ ៣០ឆ្នាំ។</span></p>
<p><span style="color: #000000;">លោកអធិការស្រុកគីរីវង់ បានបន្តថា ជនសង្ស័យតែងតែផឹកស្រាស្ទើររាល់ថ្ងៃ ហើយតែងតែប្រើអំពើហឹង្សាដាក់ប្រពន្ធ ដោយក្នុងនោះសមត្ថកិច្ច បានហៅអប់រំជាច្រើនលើកមកហើយ។ ដោយឡែកនៅថ្ងៃកើតហេតុ ជនសង្ស័យបានផឹកស្រាច្រៀងខារ៉ាអូខេ នៅផ្ទះតាំងពីថ្ងៃ លុះផឹកដល់ម៉ោង ១០យប់ ក៏សុំលុយប្រពន្ធ២ពាន់រៀល ទិញស្រាសផឹកបន្ត ក៏ប៉ុន្តែប្រពន្ធប្រាប់ថា គ្មានលុយ ពេលនោះជនសង្ស័យខឹង ក៏ស្ទុះទៅវ៉ៃជាន់ករបណ្ដាលឲ្យស្លាប់ភា្លមៗនៅកន្លែងកើតហេតុតែម្ដង។</span></p>
<p><span style="color: #000000;">ក្រោយពេលកើតហេតុ កូនស្រីរបស់ជនរងគ្រោះ បានឃើញម្ដាយដេកស្ដូកស្ដឹង ក៏បានរត់ទៅប្រាប់មេភូមិ ក្រោយមកបានមេភូមិបានទាក់ទង ទៅសមត្ថកិច្ចឲ្យមកឃាត់ខ្លួន ជនសង្ស័យតែម្ដង។</span></p>
<p><span style="color: #000000;">លោកអធិការ បានបន្ថែមថា គ្រូសារនេះជាគ្រូសារក្រីក្រ នៅក្នុងភូមិដែលមានកូន ៤នាក់នៅក្នុងបន្ទុក ហើយអ្វីដែលគួរឲ្យខ្លោចផ្សារបំផុតនោះ គឺកូនប្រុសរបស់ស្រ្តីរងគ្រោះ អាយុទើបតែ ១ខួបប៉ុណ្ណោះ ត្រូវការម្ដាយបំបៅ តែពេលនេះម្ដាយបានស្លាប់ចោលបាត់ទៅហើយ។</span></p>
<p><span style="color: #000000;">លោកអធិការស្រុកគីរីវង់ បានជួយរៀបចំពិធីបុណ្យសព និងបានផ្ដល់អង្ករ ២បាវ មី ២កេះ និងថវិកា ១០ម៉ឺនរៀល។ ជាចុងក្រោយលោក ក៏បានសំណូមពរឲ្យសម្បុរសជននានា ជួយគ្រួសារដ៏កម្សត់នេះ ព្រោះគ្មានអ្នកទីពឹងទៀតទេ ម្ដាយក៏ស្លាប់ ឪពុក៏ជាប់គុកទៀត៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpf1/v/t34.0-12/13563659_1752160795008747_2098040405_n.jpg?oh=356fa148d4b8f2d293f57f2f3fd5ee9d&oe=5775400D&__gda__=1467371065_a166fd2e6329f05aaec7714b23ca9c4f" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t35.0-12/13549289_1752160761675417_399217411_o.jpg?oh=ae65f7004573cc869a88d98336bc07e7&oe=57761F7A" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/13552645_1752160675008759_38565940_n.jpg?oh=0a969b9369cb568cce41a47baff65d5a&oe=577512B2" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t35.0-12/13555709_1752160661675427_2016676328_o.jpg?oh=dabe365f3c6ca2a5b85efb101f0b280d&oe=577606F5&__gda__=1467371773_7366600537cae5194c8e7c588f1809cb" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>